ខេត្តបន្ទាយមានជ័យ ៖ យោងតាមរបាយការណ៍បូកសរុបសភាពការណ៍ និងកិច្ចសហប្រតិបត្តិការបង្ការរបស់ស្នងការដ្ឋាននគរបាលខេត្ត ក្នុងអំឡុងពេលបុណ្យចូលឆ្នាំថ្មីប្រពៃណីខ្មែរ រយៈពេល៣ថ្ងៃចាប់ពីថ្ងៃទី១៣-១៤-១៥ មេសា សភាពការណ៍សន្តិសុខសណ្តាប់ធ្នាប់សង្គមក្នុងនោះបទល្មើសឧក្រិដ្ឋ កើតមាន១លើក និងគ្រោះថ្នាក់
ខេត្តបន្ទាយមានជ័យ ៖ យោងតាមរបាយការណ៍បូកសរុបសភាពការណ៍ និងកិច្ចសហប្រតិបត្តិការបង្ការរបស់ស្នងការដ្ឋាននគរបាលខេត្ត ក្នុងអំឡុងពេលបុណ្យចូលឆ្នាំថ្មីប្រពៃណីខ្មែរ រយៈពេល៣ថ្ងៃចាប់ពីថ្ងៃទី១៣-១៤-១៥ មេសា សភាពការណ៍សន្តិសុខសណ្តាប់ធ្នាប់សង្គមក្នុងនោះបទល្មើសឧក្រិដ្ឋ កើតមាន១លើក និងគ្រោះថ្នាក់ចរាចរណ៍មានចំនួន១២ករណី ។
តាមរបាយការណ៍ឱ្យដឹងថា ជនល្មើសចំនួន២នាក់ ១-ឈ្មោះ ក្រែ រស្មី ភេទប្រុស អាយុ២២ឆ្នាំ ២-ឈ្មោះ ងួន គឹមរ៉ូ ភេទប្រុស អាយុ១៧ឆ្នាំ ទាំងពីរនាក់ រស់នៅភូមិចំការចេក ឃុំរហាត់ទឹក ស្រុកមង្គលបុរី បានព្រួតគ្នាធ្វើសកម្មភាពវាយចាក់ទៅលើឈ្មោះ អ៊ិន រក្សា ភេទប្រុស អាយុ២២ឆ្នាំ នៅភូមិជាមួយគ្នា បណ្តាលឱ្យស្លាប់បាត់បង់ជីវិត ។ ក្រោយមកសមត្ថកិច្ចបានស្រាវជ្រាវចាប់ខ្លួនជនសង្ស័យម្នាក់ឈ្មោះ ងួន គឹមរ៉ូ និងបានរៀបចំបញ្ជូនទៅសាលាដំបូងេខត្ត ចំពោះជនដៃដល់ឈ្មោះ ក្រែ រស្មី រត់គេចខ្លួនបាត់ ។ ដោយឡែកបទល្មើសមជ្ឈិម គឺគ្មានអ្វីកើតឡើងនោះទេ ។
របាយការណ៍នោះបានបង្ហាញទៀតថា គ្រោះថ្នាក់ចរាចរណ៍បានកើតមានចំនួន១២លើក លើ១៦លើក បើប្រៀបធៀបឆ្នាំមុន បណ្តាលឱ្យស្លាប់ម្នាក់ របួសធ្ងន់១៥នាក់ ក្នុងនោះស្រី៣នាក់ និងរបួសស្រាលចំនួន១៦នាក់ ស្រី៨នាក់ ខូចខាតម៉ូតូធ្ងន់ចំនួន៨គ្រឿង ស្រាល៧គ្រឿង ខូចរថយន្តធុនតូច ចំនួន៣គ្រឿង ក្នុងសភាពធ្ងន់ និង៣គ្រឿងទៀតស្រាល ៕
ចែករំលែកព័តមាននេះ