មនុស្ស២០នាក់បានត្រូវស្លាប់ហើយជាច្រើននាក់ទៀតត្រូវរបួសកាលពីថ្ងៃទី៨មេសា ដោយសារការវាយប្រហារភេរវកម្មប្រើប្រាស់គ្រាប់បែក២នៅជិតព្រះវិហារកាតូលិក កាឌូណា ភាគខាងជើងនីហ្សេរីយ៉ានិងនៅទីក្រុងចូស ភាគកណ្តាលប្រទេសដែលតែងកើតមានការវាយប្រហារជាញឹកញាប់របស់ពួកអ៊ិស្លាមប្រដាប់អាវុធ ។អ្នកទទួលខុសត្រូវម្នាក់របស់ក្រុមអ្នកជួយសង្គ្រោះនិយាយថា ពេលនេះចំនួនអ្នកស្លាប់មាន២០នាក់ក្នុងការផ្ទុះទាំង២នោះ ។ គ្រាប់បែកលាក់ក្នុងរថយន្ត២គ្រឿងបានផ្ទុះនៅមុខព្រះវិហារ។ ជនរងគ្រោះភាគច្រើនជាអ្នករត់ម៉ូតូឌុប។
ប៉ុន្មានម៉ោងក្រោយមកគ្រាប់បែកមួយគ្រាប់បានផ្ទុះក្នុងទីក្រុងចូសបណ្តាលឱ្យមនុស្សត្រូវរបួសច្រើននាក់ ។ ការវាយប្រហារទាំងនេះពុំទាន់មានក្រុមណាប្រកាសទទួលខុសត្រូវនៅឡើយ ។ ក៏ប៉ុន្តែក្រុមអ៊ិស្លាមបូកូហារ៉ាម ជាអ្នកធ្លាប់ធ្វើការវាយប្រហារនានាប្រឆាំងបណ្តាព្រះវិហារកាតូលិក ។ ការវាយប្រហារយ៉ាងបង្ហូរឈាមប្រឆាំងព្រះវិហារកាតូលិកមួយជិតរដ្ឋធានីអាប៊ូហ្សាបណ្តាលឱ្យមនុស្សស្លាប់៤៤នាក់ ៕
ចែករំលែកព័តមាននេះ