សហរដ្ឋអាមេរិក ៖ លោកស្រី ឈួន ម៉ាល័យ អតីតតារាចម្រៀងល្បីឈ្មោះជំនាន់លោកស៊ីន ស៊ីសាមុត, លោកសុះ ម៉ាត់, លោកស្រី ហួយ មាស, លោកស្រី រស់ សេរីសុទ្ធា… បានទទួលមរណភាពហើយកាលពីវេលាម៉ោង៤រសៀលថ្ងៃទី២៤ កុម្ភៈ ២០១២ កន្លងទៅនេះនៅរដ្ឋអាឡាបាម៉ា សហរដ្ឋអាមេរិកក្នុងវ័យ៧១ឆ្នាំ ដោយរោគាពាធ។
សហរដ្ឋអាមេរិក ៖ លោកស្រី ឈួន ម៉ាល័យ អតីតតារាចម្រៀងល្បីឈ្មោះជំនាន់លោកស៊ីន ស៊ីសាមុត, លោកសុះ ម៉ាត់, លោកស្រី ហួយ មាស, លោកស្រី រស់ សេរីសុទ្ធា… បានទទួលមរណភាពហើយកាលពីវេលាម៉ោង៤រសៀលថ្ងៃទី២៤ កុម្ភៈ ២០១២ កន្លងទៅនេះនៅរដ្ឋអាឡាបាម៉ា សហរដ្ឋអាមេរិកក្នុងវ័យ៧១ឆ្នាំ ដោយរោគាពាធ។
វាលវដ្តសង្សារបានធ្វើដំណើរទៅមុខវិលចុះ វិលឡើងឥតឈប់ឈរ លោកស្រី ឈួន ម៉ាល័យ ក៏បានធ្វើដំណើរទៅកាន់ពិភពឆ្ងាយសែនឆ្ងាយ គឺឆ្ងាយដាច់អាល័យតែម្តង… ការបាត់បង់ជីវិតរបស់លោកស្រី ឈួន ម៉ាល័យ គឺជារឿងគួរឱ្យសោកស្តាយពន់ពេកណាស់ដែលវាហាក់ដូចជាបាត់បត់ អ្នកគំរូ បទពិសោធ ផ្នែកបញ្ចេញសូរសៀងក្រអួនក្រអៅដូច្នោះដែរ ។ យ៉ាងណាក៏ដោយ រូបកាយទៅបាត់ក៏ពិតមែន ប៉ុន្តែរលកសំឡេងដ៏ក្រអែមក្រអួននៅតែអង្រួនមនោសញ្ចេតនា ឱ្យលន្លង់លន្លោច ស្រងេះស្រងោចខ្លោចចិត្តក្នុងភពសុបិនដដែល…។
សពលោកស្រី ឈួន ម៉ាល័យ ត្រូវបានសាច់ញាតិ ក្រុមគ្រួសារយកទៅធ្វើបុណ្យ៧ថ្ងៃនៅទីក្រុងឡុងប៊ិច រដ្ឋកាលីហ្វ័រនីញ៉ា សហរដ្ឋអាមេរិក។ លោកស្រី ឈួន ម៉ាល័យ គឺជាអ្នកស្រុកបាត់ដំបង ហើយជាយថាហេតុធ្វើឱ្យស្រីមកកាន់ក្រុងភ្នំពេញ ដើម្បីដោះស្រាយបញ្ហាជីវិត និងកិច្ចការមួយចំនួន…លោកស្រីបានចូលប្រឡូកក្នុងវិស័យអាជីពជាអ្នកចម្រៀងកាលពីចុងទសវត្សឆ្នាំ៥០ ស្ថិតនៅក្នុងវង់តន្ត្រីយោធាភិរម្យ…រហូតដល់ផ្លាស់ប្តូររបបខ្មែរក្រហមវាយដណ្តើមកាន់កាប់ក្រុងភ្នំពេញ ថ្ងៃទី១៧ មេសា ឆ្នាំ១៩៧៥ លោកស្រីក៏បានលាក់ខ្លួនពួនអាត្មា និងគេចចេញពីពិភពសិល្បៈចម្រៀង ហើយនៅដើមទសវត្សឆ្នាំ៨០ លោកស្រីបានកៀសខ្លួនទៅរស់នៅសហរដ្ឋអាមេរិក ។
បទចម្រៀងល្បីៗរបស់លោកស្រីឈួន ម៉ាល័យ ដែលបន្សល់ទុករួមមាន អូនជារៃមាស(រៃមាស), អកចាំសំបុក, ស្បថបំពានឬបង? (ឈួន ម៉ាល័យ+អឹុង ណារី), ទេសភាពទន្លេមេគង្គ, បងគ្មានមេត្តា, ទឹកហូរឆ្ងាយ, សម្បថ១ពាន់ពាក្យ…៕
ចែករំលែកព័តមាននេះ