រាជធានីភ្នំពេញ ៖ សពបុរសម្នាក់មានលក្ខណៈហើមស្អុយរលួយទៅហើយ ត្រូវបានគេប្រទះឃើញអណ្តែតទឹកទន្លេសាបដោយពុំស្គាល់អត្តសញ្ញាណឡើយ។ ហេតុការណ៍នេះ បង្កឲ្យមានការភ្ញាក់ផ្អើល កាលពីវេលាម៉ោង៦និង៣០នាទីព្រឹក ថ្ងៃទី២១ ខែមិថុនា ឆ្នាំ២០២៥…
រាជធានីភ្នំពេញ ៖ សពបុរសម្នាក់មានលក្ខណៈហើមស្អុយរលួយទៅហើយ ត្រូវបានគេប្រទះឃើញអណ្តែតទឹកទន្លេសាបដោយពុំស្គាល់អត្តសញ្ញាណឡើយ។ ហេតុការណ៍នេះ បង្កឲ្យមានការភ្ញាក់ផ្អើល កាលពីវេលាម៉ោង៦និង៣០នាទីព្រឹក ថ្ងៃទី២១ ខែមិថុនា ឆ្នាំ២០២៥ ស្ថិតនៅចំណុចទន្លេសាបត្រើយខាងកើត ខាងក្រោយមណ្ឌលសន្និបាត និងពិពណ៏អន្តរជាតិជ្រោយចង្វា ផ្លូវទន្លេសាប ក្រុមទី៧ ភូមិដើមគរ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
សពបុរសរូបនោះពុំស្គាល់អត្តសញ្ញាណឡើយ មានអាយុប្រមាណជាង៣០ ឆ្នាំពាក់អាវយឺតដៃខ្លី
ពណ៌ក្រហម ដៃអាវពណ៌ខ្មៅ ម៉ាកSPYDER ស្លៀកខោជើងវែងពណ៌ប្រផេះ រឹបជើងខោទាំងសងខាង ។ សពមានចាក់សាក់ពណ៌ខៀវ នៅគល់កខាងក្រោយ មានចាក់សាក់ពណ៌ខៀវនៅលើស្មាឆ្វេងជាភាសារអង់គ្លេសចំនួន២ជួរ,មានចាក់សាក់លេខរ៉ូម៉ាំងនៅកំភួនដៃឆ្វេងពណ៌ខៀវ។
តាមសន្តិសុខមជ្ឈមណ្ឌលសន្និបាតនិងពិពណ៌អន្តរជាតិជ្រោយចង្វារបានអោយដឹងថា នៅព្រឹកថ្ងៃទី២១ ខែមិថុនា ឆ្នាំ២០២៥ គាត់បានជិះល្បាតជុំវិញមជ្ឈមណ្ឌលសន្និបាត និងពិពណ៌អន្តរជាតិជ្រោយចង្វារក៏ប្រទះឃើញសាកសពអណ្តែតទឹកជាប់គុម្ពត្រែងក្បែរមាត់ច្រាំងទន្លេ រួច ក៏រាយ
ការណ៍ប្រាប់សមត្ថកិច្ចតែម្តង។
នៅព្រឹកនោះ សមត្ថកិច្ចនគរបាលមូលដ្ឋានក៏បានជួលជនជាតិអ៊ីស្លាមអូសទៅដាក់នៅគល់ស្ពានជ្រោយចង្វារដើម្បីសែងឡើងដាក់លើគោកត្រួតពិនិត្យ។ តាមការត្រួតពិនិត្យសមត្ថកិច្ចរកពុំឃើញមានអត្តសញ្ញាណឡើយ។
បន្ទាប់ពីធ្វើការត្រួតពិនិត្យលោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញ បានសន្និដ្ឋានថា សពបុរសរូបនោះស្លាប់ដោយលង់ទឹក។
សពត្រូវសមត្ថកិច្ចបញ្ជូនទៅតម្កល់នៅឈាបនដ្ឋានវត្តតាំងក្រសាំងដើម្បីរងចាំសាច់ញ្ញាតិធ្វើបុណ្យតាមប្រពៃណី ៕
ចែករំលែកព័តមាននេះ