ខេត្តមណ្ឌលគិរី ៖ រថយន្តធុនយក្សរបស់ ឈ្មួញវៀតណាមកំពុងសំរុកចូលមកដឹកដំឡូងមីលើទឹកដីកម្ពុជាយ៉ាងអនាធិបតេយ្យដោយ សារការដឹកលើសចំណុះកំពុងបំផ្លាញផ្លូវជាតិលេខ៧៦ ដែលទើបនឹងបើកសម្ពោធឱ្យប្រើប្រាស់ជាផ្លូវការនាចុងខែមករា ២០១២នេះ ជាពិសេសក៏តែងបង្កគ្រោះថ្នាក់ចរាចណ៍ជាញឹកញាប់ បណ្តាលឱ្យមានមនុស្សស្លា.ប់និងរងរបួសជា ច្រើន ។
ខេត្តមណ្ឌលគិរី ៖ រថយន្តធុនយក្សរបស់ ឈ្មួញវៀតណាមកំពុងសំរុកចូលមកដឹកដំឡូងមីលើទឹកដីកម្ពុជាយ៉ាងអនាធិបតេយ្យដោយសារការដឹកលើសចំណុះកំពុងបំផ្លាញផ្លូវជាតិលេខ៧៦ដែលទើបនឹងបើកសម្ពោធឱ្យប្រើប្រាស់ជាផ្លូវការនាចុងខែមករា ២០១២នេះ ជាពិសេសក៏តែងបង្កគ្រោះថ្នាក់ចរាចណ៍ជាញឹកញាប់ បណ្តាលឱ្យមានមនុស្សស្លាប់និងរងរបួសជា ច្រើន ។
តាមព័ត៌មានប្រាប់ថា រថយន្តខ្លះផ្ទុកទំនិញខ្ពស់ពេកធ្វើឲ្យទាក់ខ្សែភ្លើងដាច់ចរន្តអគ្គិសនីបង្កការលំបាកដល់ប្រជាពលរដ្ឋទៀតផង ។ រថយន្តដឹកទំនិញធុនធំរបស់ឈ្មួញវៀតណាមទាំងនោះបានចូលមកទិញដំឡូងមីក្នុងខេត្តមណ្ឌលគិរីតាមច្រករបៀងអន្តរជាតិឡាប៉ាខេ ដែលស្ថិតនៅភូមិអូរអាម ឃុំស្រែខ្ទុម ស្រុកកែវសីមា ។
ប្រភពពីមន្ត្រីសមត្ថកិច្ចបានឱ្យដឹងថា នៅម៉ោងប្រមាណជា២រំលងអធ្រាត្រថ្ងៃទី២០ កុម្ភៈ ២០១២ មានករណីរថយន្តដឹកដំឡូងមីរបស់ឈ្មួញវៀតណាមមួយគ្រឿងបានផ្ទុកបាវដំឡូងខ្ពស់ពេក នៅពេលកំពុងធ្វើដំណើរតាមដងផ្លូវ ក៏ទាក់ជាមួយខ្សែភ្លើងឆក់កម្មករដែលជិះពីលើ៤-៥នាក់ បណ្តាលឲ្យខ្លះរបួសស្រាល ខ្លះរបួសធ្ងន់ ហើយត្រូវបានបញ្ជូនទៅព្យាបាលនៅមន្ទីរពេទ្យស្រុកមេមត់ ។ សមត្ថកិច្ចបន្តថា កាលពីដើមឆ្នាំកន្លងមកនេះក៏មានករណីគ្រោះចរាចណ៍រវាងរថយន្តដឹកដំឡូងមីនិងរថយន្តកាមរីបណ្តាលឱ្យមានមនុស្សស្លាប់ម្នាក់ផងដែរ ។
តាមការសង្កេត រាល់ការដឹកជញ្ជូនទំនិញរបស់ក្រុមឈ្មួញវៀតណាមដែលចូលមកទិញដំឡូងមីនៅក្នុងប្រទេសកម្ពុជា គឺភាគច្រើនពួកគេបាននាំគ្នាដឹកចេញនៅពេលយប់ ដូច្នេះទើបមជ្ឃដ្ឋានជាច្រើនមានចម្ងល់ថា ការដឹកអីវ៉ាន់ឆ្លងដែនពេលយប់បែបនេះវាស្របតាមច្បាប់ដែរឬទេ? ឬមួយក៏ត្រូវដងត្រូវផ្លែគ្នា។ ការដឹកដាក់លើសចំណុះក៏ពុំដែលឃើញមានអជ្ញាធរឬជំនាញណាចាត់វិធានការចំពោះរថយន្តទាំងនោះដែរ ។ ទាក់ទិនបញ្ហានេះកោះសន្តិភាពពុំអាចទាក់ទងសុំការបំភ្លឺពីមន្ត្រីពាក់ព័ន្ធណាមួយបានឡើយ ៕
ចែករំលែកព័តមាននេះ