ខេត្តកណ្តាល ៖គណៈកម្មាធិការគណបក្សប្រជាជនកម្ពុជាឃុំបែកចាន ស្រុកអង្គស្នួល ខេត្តកណ្តាល បានប្រារព្ធសន្និបាតបូកសរុបលទ្ធផលការងារ៥ឆ្នាំ២០០៧-២០១២ និងលើកទិសដៅភារកិច្ចសម្រាប់ឆ្នាំ២០១២-២០១៧ បន្ត ដោយមានការចូលរួមពីសំណាក់លោករស់ វណ្ណា ទីប្រឹក្សាសម្តេចអគ្គមហាធម្មពោធិសាល ជា ស៊ីម អនុប្រធានទី១គណៈអចិន្ត្រៃយ៍គណៈពង្រឹង
ខេត្តកណ្តាល ៖គណៈកម្មាធិការគណបក្សប្រជាជនកម្ពុជាឃុំបែកចាន ស្រុកអង្គស្នួល ខេត្តកណ្តាល បានប្រារព្ធសន្និបាតបូកសរុបលទ្ធផលការងារ៥ឆ្នាំ២០០៧-២០១២ និងលើកទិសដៅភារកិច្ចសម្រាប់ឆ្នាំ២០១២-២០១៧ បន្ត ដោយមានការចូលរួមពីសំណាក់លោករស់ វណ្ណា ទីប្រឹក្សាសម្តេចអគ្គមហាធម្មពោធិសាល ជា ស៊ីម អនុប្រធានទី១គណៈអចិន្ត្រៃយ៍គណៈពង្រឹងមូលដ្ឋានស្រុកអង្គស្នួល និងជាប្រធានក្រុមការងារចុះជួយមូលដ្ឋានឃុំ២ គឺឃុំបែកចាន និងឃុំក្រាំងម្កាក់ និងមន្រ្តីក្រុមការងារជាច្រើនរូបទៀត ។
អង្គសន្និបាតបានតាមដានស្តាប់របាយការណ៍បូកសរុប និងពិនិត្យវាយតម្លៃលទ្ធផលការអនុវត្តគោលនយោបាយរបស់គណបក្សសម្រាប់ការអភិវឌ្ឍឃុំក្នុងរយៈពេល៥ឆ្នាំស្តីអំពី ស្ថានភាពជីវភាពរស់នៅរបស់ប្រជាពលរដ្ឋ ការងារនយោបាយសតិអារម្មណ៍ សន្តិសុខសណ្តាប់ធ្នាប់សង្គម និងសមិទ្ធផលសម្រេចបាននៅក្នុងការស្តារ និងអភិវឌ្ឍន៍ភូមិ-ឃុំនៅក្នុងរយៈពេល៥ឆ្នាំនៃអាណត្តិទី២ របស់ក្រុមប្រឹក្សាឃុំកន្លងមក ។ អង្គសន្និបាតក៏បានដំណើរការបោះឆ្នោតស្ទាបស្ទង់ជាសម្ងាត់ ដើម្បីជ្រើសរើសបេក្ខភាពឈរឈ្មោះចំនួន៣០រូបដោយធ្វើការជ្រើសយកតែ២0រូបជាបេក្ខជនក្រុមប្រឹក្សាឃុំសម្រាប់អាណត្តិទី៣ និងត្រៀមចូលរួមប្រកួតប្រជែងនៅក្នុងការបោះឆ្នោតក្រុមប្រឹក្សាឃុំសង្កាត់អាណត្តិទី៣នាពេលដ៏ខ្លីខាងមុខនេះ ។ ក្នុងស្មារតីសាមគ្គីឯកភាពរបស់សមាជិក សមាជិកា អង្គសន្និបាតបានបំពេញការងារយ៉ាងសកម្មតាមរបៀបវារៈដែលបានកំណត់ដោយបានយកចិត្តទុកដាក់ពិនិត្យតាមដាន និងក្តាប់ជាប់នូវរាល់ខ្លឹមសារសំខាន់ៗទាំងឡាយប្រកបដោយអត្ថន័យទាក់ទង នឹងការដឹកនាំរបស់គណៈកម្មាធិការបក្សឃុំ និងការបំពេញភារកិច្ចរបស់ក្រុមប្រឹក្សាឃុំក្នុងអាណត្តិទី២ និងសម្រាប់អាណត្តិទី៣បន្ត ដើម្បីរួមចំណែកឲ្យបានសកម្មក្នុងការអនុវត្តកម្មវិធីនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលសម្រាប់នីតិកាលទី៤នេះ ។
លោករស់ វណ្ណា បានស្ងើចសរសើរ និងវាយតម្លៃខ្ពស់អំពីលទ្ធផលដែលសមាជិក សមាជិកា បក្សទាំងអស់រួមគ្នាសម្រេចបាននាពេលកន្លងមក និងបានឆ្លុះបញ្ចាំងពីគោលបំណងឧត្តមគតិរបស់គណបក្សគឺបន្តប្រមូលផ្តុំសាមគ្គីមហាជន ប្រជាជនដើម្បីបុព្វហេតុអភិវឌ្ឍន៍មូលដ្ឋានឃុំបែកចានលើគ្រប់វិស័យ ឈរលើគោលការណ៍សន្តិភាព សេរីភាព ប្រជាធិបតេយ្យ យុត្តិធម៌ និងសេចក្តីថ្លៃថ្នូរ ។ នៅក្នុងឱកាសនោះដែរ លោករស់ វណ្ណា ក៏បានផ្ដល់ជូនអំណោយអនុស្សាវរីយ៍ដល់សមាជិក សមាជិកាជាង៦០០នាក់ដែលបានចូលរួមក្នុងម្នាក់ៗទទួលបានអាវ១ មួក១ និងសារុង១ ៕
ចែករំលែកព័តមាននេះ