រាជធានីភ្នំពេញ ៖ នៅបញ្ជាការដ្ឋាន កងទ័ពជើងទឹក កាលពីថ្ងៃទី១៧ មិថុនា មាន រៀបចំកម្មវិធីស្វែងយល់អំពីថ្នាំជក់និងសុខភាព ក្រោមកិច្ចសហការរវាងអង្គការអាដ្រា កម្ពុជា និងបញ្ជាការដ្ឋានកងទ័ពជើងទឹក។ថ្លែងសុន្ទរកថានៅក្នុងឱកាសនោះលោក ឧត្ដមសេនីយ៍ឯកទៀ វិញ មេបញ្ជាការ កងទ័ពជើងទឹកបានឱ្យដឹងថា ការប៉ាន់ ប្រមាណជា សាកលបានបង្ហាញថា បច្ចុប្បន្ន នៅរៀងរាល់ឆ្នាំមានមនុស្សចំនួន៥,៤លាន នាក់ បានស្លាប់ដោយសារការជក់បារី ហើយ នៅឆ្នាំ២០៣០ ចំនួននេះនឹងកើនដល់៨លាន នាក់ក្នុងមួយឆ្នាំៗ ។
ដោយឡែកនៅកម្ពុជា របាយការណ៍បានបង្ហាញឱ្យឃើញថា យ៉ាង ហោចណាស់ ក៏មានកុមារ និងក្មេងជំទង់ កម្ពុជា១លាននាក់ ដែលបច្ចុប្បន្នមានជីវិត នៅឡើយនឹងស្លាប់មុន អាយុនៅទីបំផុត ដោយសារជំងឺបង្កដោយថ្នាំជក់ ។ក្រៅពីការ បំផ្លាញអាយុជីវិតមនុស្សផលប៉ះពាល់បង្កដោយការជក់បារីបានជះឥទ្ធិពលអវិជ្ជមានយ៉ាងធ្ងន់ធ្ងរដល់សេដ្ឋកិច្ច សង្គម និងបរិស្ថាន។ រាជរដ្ឋាភិបាលនៃព្រះរាជាណាចក្រ កម្ពុជា បានចាត់វិធានការចាំបាច់ជាច្រើន ដើម្បីទប់ស្កាត់ និងកាត់បន្ថយអត្រាគ្រោះ ថ្នាក់បង្កឡើងដោយការជក់បារី ដែលក្នុង នោះមានជាអាទិ៍ការដាក់ចេញនូវសារាចរណែនាំច្បាប់ត្រួតពិនិត្យថ្នាំជក់ ការបង្កើន ប្រាក់ពន្ធនៃការនាំចូលថ្នាំជក់ និងជាពិសេស គឺការអប់រំសុខភាព ផលប៉ះពាល់នៃការ ប្រើប្រាស់ថ្នាំជក់ ។ល។
ការជក់បារីធ្វើឱ្យសក់មានក្លិនអាក្រក់ អុកស៊ីហ្សែនក្នុងខួរក្បាលថយចុះ មាត់មាន ក្លិនអាក្រក់ ធ្មេញពណ៌លឿង អុកស៊ីហ្សែន ក្នុងសួតថយចុះ បេះដូងដើរញាប់ សម្ពាធ ឈាមឡើងខ្ពស់ ស្បែកស្ងួតខូចពណ៌ និងជ្រួញ ក្រចកដៃពណ៌លឿង ដាច់សរសៃឈាមក្នុង ខួរក្បាល មហារីកមាត់ និងបំពង់.ក ជំងឺសរ សៃឈាមបេះដូង ជំងឺហើមសួត ជំងឺមហារីក សួត ដំបៅក្រពះ មហារីកបោ្លកនោម អារ និងគ្មានចំណង់ផ្លូវភេទ សាច់ដុំចុះខ្សោយ និង មានជំងឺសរសៃឈាមផ្នែកខាងក្រៅ ។នៅក្នុងបារីមានសារធាតុគីមីជាង៤០០០ ប្រភេទ ភាគច្រើននៃសារធាតុទាំងនោះគឺជា ជាតិពុលដែលធ្វើឱ្យរលាកដល់កោសិកា ហើយក្នុងនោះមានជាតិគីមី៦៩ប្រភេទ បណ្ដាលឱ្យកើតមហារីក ៕
ចែករំលែកព័តមាននេះ