ខេត្តរតនគិរី ៖ ទារកចម្លែកកើតក្នុងគ្រួសារជនជាតិឡាវរស់នៅភូមិកាឡាន់ធំ ឃុំវើនសៃ ស្រុកវើនសៃ ខេត្តរតនគិរី បង្កឱ្យមានភាពភ្ញាក់ផ្អើលដល់មនុស្សម្នាទៅចោមរោមមើលយ៉ាងច្រើន កុះករ ប៉ុន្តែត្រូវក្រុមគ្រួសារបិទទ្វារផ្ទះដាក់បំរាមមិនឱ្យចូលមើល ទេ បើចង់ចូលមើលត្រូវបង់ពិន័យជាប្រាក់ ។ ទារកចម្លែកនោះពកថ្ងាសដូចជាប្រមោយដំរី មាត់ឆែប អត់ច្រមុះ ដូច្នេះត្រូវដកដង្ហើមតាម
ខេត្តរតនគិរី ៖ ទារកចម្លែកកើតក្នុងគ្រួសារជនជាតិឡាវរស់នៅភូមិកាឡាន់ធំ ឃុំវើនសៃ ស្រុកវើនសៃ ខេត្តរតនគិរី បង្កឱ្យមានភាពភ្ញាក់ផ្អើលដល់មនុស្សម្នាទៅចោមរោមមើលយ៉ាងច្រើនកុះករ ប៉ុន្តែត្រូវក្រុមគ្រួសារបិទទ្វារផ្ទះដាក់បំរាមមិនឱ្យចូលមើលទេ បើចង់ចូលមើលត្រូវបង់ពិន័យជាប្រាក់ ។ ទារកចម្លែកនោះពកថ្ងាសដូចជាប្រមោយដំរី មាត់ឆែប អត់ច្រមុះ ដូច្នេះត្រូវដកដង្ហើមតាមមាត់ ភ្នែកលឹបបើកបានតិចៗ ដៃទាំងពីរមានម្រាមជាប់គ្នា ឯជើងធម្មតា។
ផ្ទះឪពុកម្តាយទារកនោះមានចម្ងាយប្រមាណ៧គីឡូម៉ែត្រ ពីទីរួមស្រុកវើនសៃ ហើយពេលភ្នាក់ងារកោះសន្តិភាពសុំចូលយកព័ត៌មានត្រូវក្រុមគ្រួសារហាមឃាត់មិនឱ្យចូលឡើយ បើចង់ចូលត្រូវបង់ផាកពិន័យជាប្រាក់សិន ។ ភ្នាក់ងារយើងបានបង់ប្រាក់ចំនួន៣ម៉ឺនរៀល ទើបអាចចូលទៅថតរូប និងសាកសួរព័ត៌មានបាន ។ ពេលចូលយកព័ត៌មានឪពុក-ម្តាយទារកមិនបានចេញមកជួបអ្នកយកព័ត៌មាន និងឱ្យថតរូបឡើយ មានតែបុរសចំណាស់ម្នាក់ និងស្ត្រីចំណាស់ម្នាក់ចេញមកផ្តល់ព័ត៌មាន ។ បុរសចំណាស់នោះជាជនជាតិគ្រឹងមិនប្រាប់ឈ្មោះទេ ឯស្ត្រីចំណាស់ឈ្មោះស៊ូ យា អាយុ៥៧ឆ្នាំ ជនជាតិឡាវ ជាម្តាយបង្កើតរបស់នាងខាំ ផាន អាយុ១៨ឆ្នាំ ជនជាតិឡាវ ជាម្តាយរបស់ទារកចម្លែកនោះ ។
ស្ត្រីឈ្មោះស៊ូ យា រៀបរាប់ថា កូនស្រីគាត់ជាម្តាយទារកបានដេកយល់សប្តិកាលពីពេលទើបមានផ្ទៃពោះដំបូងឃើញរើសបានគ្រឿងអលង្ការមាសសុទ្ធពេញមួយផ្តិលបុរាណ ។ ពេលមានផ្ទៃពោះ៧ខែនាងឧស្សាហ៍ឈឺពោះរហូតដល់គ្រប់ខែ និងឃ្លានតែបង្អែមមិនឃ្លានបាយទេ ធ្វើឱ្យនាងមានសភាពស្គមរីងរៃ ។ ចំណែកឪពុកទារកឈ្មោះសឹង ធឺ អាយុ២២ឆ្នាំ ជនជាតិឡាវ ធ្លាប់យល់សប្តិឃើញមានកាំភ្លើងទុកក្នុងផ្ទះសម្រាប់បាញ់សត្វ។
ប្រភពដដែលបន្តថា ពេលកូនស្រីគាត់បង្កើតកូនមកនៅថ្ងៃទី៥ កុម្ភៈ ឆ្នាំ២០១២ វេលាម៉ោង៥ល្ងាច ស្រាប់តែកូនមានលក្ខណៈចម្លែកតែម្តង។ ចំណែកកូនស្រីគាត់ឃ្លានសាច់មាន់ហូបមិនចេះឆ្អែតទេ ។
ស្ត្រីជាជីដូនបញ្ជាក់ថា ចៅគាត់ត្រូវឆ្មបបុរាណជនជាតិភាគតិចជាអ្នកបង្កើត ហើយបើមានភាពចម្លែកបែបនោះមានត្រណមមិនឱ្យមនុស្សចូលមើលទេ ។ រហូតដល់រយៈពេល២ខែ ទើបអនុញ្ញាតឱ្យគ្រូពេទ្យចូលទៅត្រួតពិនិត្យ ។ ចៅគាត់ស្រែកយំខ្លាំងៗជារៀងរាល់យប់ ធ្វើឱ្យពួកគាត់ឆ្ងល់ថា តើវាកាច ឬឈឺចុកចាប់ប្រមោយ ប៉ុន្តែសុខភាពធម្មតា ។ រាល់ថ្ងៃចៅគាត់បៅទឹកដោះគោ ព្រោះបៅដោះម្តាយមិនកើតទេ ទើសប្រមោយ ។
បច្ចុប្បន្នផ្ទះរបស់ក្រុមគ្រួសារទារកចម្លែកបិទទ្វារមិនឱ្យមនុស្សចូលមើលឡើយ យោងទៅតាមត្រណមរបស់ជនជាតិដើមភាគតិច ។ ដោយសារបែបនេះហើយទើបមានមនុស្សម្នាចោមរោមមើលពីខាងក្រៅជាច្រើន ខណៈឪពុកម្តាយទារកសំងំនៅក្នុងបន្ទប់មិនចេញមកក្រៅឡើយ គឺរង់ចាំរយៈពេលពីរខែ និងរយៈពេលមួយឆ្នាំ ឬពីរឆ្នាំទើបដាក់ឈ្មោះឱ្យកូនរបស់ខ្លួន ៕
ចែករំលែកព័តមាននេះ