រាជធានីភ្នំពេញ ៖ ក្មេងស្រីជំទង់ម្នាក់រងរបួសធ្ងន់ ខណៈជិះកង់បត់ចូលមាត់ច្រកផ្សារហេងលី ត្រូវម៉ូតូមួយគ្រឿងបើកវ៉ាមកពីក្រោយបុកបណ្តាលឱ្យដួលបោកក្បាល រងរបួស។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៧និង៥០នាទីយប់ថ្ងៃ ទី១ កុម្ភៈ នៅមុខផ្សារហេងលីផ្លូវលេខ២៧១ សង្កាត់ទឹកល្អក់ទី៣ ខណ្ឌទួលគោក ។
រាជធានីភ្នំពេញ ៖ ក្មេងស្រីជំទង់ម្នាក់រងរបួសធ្ងន់ ខណៈជិះកង់បត់ចូលមាត់ច្រកផ្សារហេងលី ត្រូវម៉ូតូមួយគ្រឿងបើកវ៉ាមកពីក្រោយបុកបណ្តាលឱ្យដួលបោកក្បាលរងរបួស។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៧និង៥០នាទីយប់ថ្ងៃទី១ កុម្ភៈ នៅមុខផ្សារហេងលីផ្លូវលេខ២៧១ សង្កាត់ទឹកល្អក់ទី៣ ខណ្ឌទួលគោក ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុក្មេងស្រីជំទង់ម្នាក់អាយុប្រមាណ១៥ឆ្នាំ ជិះកង់ចេញពីសាលារៀនតាមបណ្តោយផ្លូវ២៧១ ក្នុងទិសដៅពីជើងទៅត្បូង ចំណែកម៉ូតូស្មាស់ ពណ៌ខ្មៅ បើកបរដោយយុវជនម្នាក់បើកពីក្រោយកង់ ក្នុងទិសដៅស្របគ្នា។ ខណៈមកដល់ចំណុចកើតហេតុ ស្រាប់តែកង់បត់ចូលមាត់ច្រកផ្សារហេងលីបានបន្ដិច ក៏ត្រូវម៉ូតូស្មាស់បើកពីក្រោយវ៉ាតែអត់ផុត បណ្ដាលឱ្យបុកកង់ទៅពីក្រោយដួលបោកក្បាលក្មេងស្រីនឹងថ្នល់រងរបួសធ្ងន់ រីឯអ្នកបើកម៉ូតូដួលរលាត់ដៃជើងបន្ដិចបន្ដួចប៉ុណ្ណោះ។
ប្រភពព័ត៌មានបន្ដទៀតថា បន្ទាប់ពីរងរបួសក្មេងស្រីជំទង់នោះត្រូវបានគេបញ្ជូនទៅសង្គ្រោះនៅមន្ទីរពេទ្យ ចំណែកម៉ូតូបង្កហេតុនិងកង់ត្រូវសមត្ថកិច្ចយកទៅរក្សាទុកនៅប៉ុស្ដិ៍រដ្ឋបាលទឹកល្អក់ទី៣ ដើម្បីធ្វើការដោះស្រាយ៕
ចែករំលែកព័តមាននេះ