ឆ្នាំ១៨១៤
-មានចំបាំងមួយកើតឡើងរវាងប្រទេសបារាំង ក្រោមការដឹកនាំរបស់ណាប៉ូឡេអុង បូណាប៉ាត ប្រយុទ្ធជាមួយសម្ព័ន្ធភាពរួមរវាង ប្រទេសរុស្ស៊ី និងប្រទេសប្រ៊ុសស៊ី ។ មូលហេតុនៃការច្បាំងគ្នានេះ គឺខាងសម្ព័ន្ធមិត្ដមានបំណងចង់ទំលាក់ណាប៉ូឡេអុង បូណា ប៉ាត ចេញពីមេដឹកនាំបារាំង និងផ្ដួលរំលំអាណាចក្របារាំង ហើយធ្វើការស្ដាររបបរាជានិយមនៅក្នុងប្រទេសនេះឡើងវិញ ។
ឆ្នាំ១៨៥៦
-ម្ចាស់ក្សត្រីអង់គ្លេស វិចតូរីយ៉ា បានបង្កើតឱ្យមានគ្រឿងឥស្សរិយយសខ្ពស់បំផុតសំរាប់មន្ដ្រីយោធាមានឈ្មោះថា វិចតូរីយ៉ា ក្រូស ក្នុងទឹកដីប្រទេសអង់គ្លេស ហើយម្ចាស់ក្សត្រីជាក្សត្រដែលបានសោយរាជ្យយូរបំផុតក្នុងប្រវត្ដិសាស្ដ្រអង់គ្លេសដែលមានរយៈពេល៦៣ឆ្នាំ ៧ខែ ។
ឆ្នាំ១៨៦១
-ខេនសាសបានចុះបញ្ជីជារដ្ឋទី៣៤នៃសហរដ្ឋអាមេរិក ។
ឆ្នាំ១៨៨៦
-លោកខាល ប៊េន ជនជាតិអាល្លឺម៉ង់បានរកឃើញពីការប្រើប្រេងឥន្ធនៈធ្វើឱ្យរថយន្ដទៅមុខបានដោយជោគជ័យជាលើកទី១។
ឆ្នាំ១៨៩១
-លីលីយូអូ កាឡានី ត្រូវបានប្រកាសតែងតាំងជាម្ចាស់ក្សត្រីនៃដែនដីកោះហាវ៉ៃ ហើយព្រះនាងក៏ជាក្សត្រចុងក្រោយនៅលើ ដែនកោះនេះដែរ ។ បច្ចុប្បន្នកោះហាវ៉ៃជា ទឹកដីរបស់សហរដ្ឋអាមេរិក ។
ឆ្នាំ១៩១៦
-ក្នុងសង្គ្រាមលោកលើកទី១ ទីក្រុងប៉ារីស ប្រទេសបារាំងជាទឹកដីទី១ដែលទទួលរងការទំលាក់គ្រាប់បែកពីកងទ័ពអាកាសអាល្លឺម៉ង់ដែលប្រើបាឡុងហោះ ។
ឆ្នាំ១៩៤៣
-ការប្រយុទ្ធគ្នាលើកទី១ ថ្ងៃទី១ នៅកោះរ៉េនណេល បានចាប់ផ្ដើមធ្វើឱ្យនាវាចំបាំងមួយគ្រឿងរបស់អាមេរិកលិច និងខូចខាតយ៉ាងធ្ងន់ធ្ងរក្រោមការវាយប្រហារពីកងទ័ពអាកាសជប៉ុន ដោយការទំលាក់គ្រាប់បែក ។
-វិមានប្រវត្ដិសាស្ដ្រដ៏សំខាន់នៃសាលាពេទ្យឈ្មោះមហោស្រពណាតូមីកាល នៃអា ជីហ្គីន ណាស្យូ នៅទីក្រុងបូឡូណា ប្រទេសអ៊ីតាលី ត្រូវបានបំផ្លាញស្ទើរតែទាំងស្រុង ក្រោមការទំលាក់គ្រាប់បែករបស់កងទ័ពសម្ព័ន្ធមិត្ដក្នុងអំឡុងសង្គ្រាម ។
ឆ្នាំ១៩៨៩
-ប្រទេសហុងគ្រីបានបង្កើតទំនាក់ទំនងការទូតជាមួយប្រទេសកូរ៉េខាងត្បូងធ្វើឱ្យប្រទេសនេះក្លាយជាប្រទេសទី១ ដែលនៅក្នុងប្លុកកុំមុយនីស្ដ ឬប្លុកលោកខាងកើត ឬជាប្លុកសូវៀត ដែលមានទំនាក់ទំនងជាមួយប្រទេសសេរី ។ ទំនាក់ទំនងនេះធ្វើឡើងក្នុងពេលមានការប្រកួតកីឡាអូឡាំពិករដូវ ក្ដៅនៅទីក្រុងសេអ៊ូលក្រោយមកទំនាក់ទំនងពាណិជ្ជកម្មតំលៃ១៨លានដុល្លារក៏កើតឡើងរវាងប្រទេសទាំង២ទៀត។
ឆ្នាំ១៩៩៦
-ប្រធានាធិបតីបារាំងហ្សាក់ស៊ីរ៉ាក់ បានប្រកាសពីការបញ្ឈប់ជាស្ថាពរនៃការសាកល្បងអាវុធនុយក្លេអ៊ែររបស់ប្រទេសបារាំង។
ឆ្នាំ២០០១
-សិស្សជាច្រើនពាន់នាក់បានធ្វើបាតុកម្មនៅមុខសភាឥណ្ឌូណេស៊ី និងបានទាមទារឱ្យប្រធានាធិបតីទី៤ លោកអាប់ដូរ៉ាម៉ាន់ វ៉ាហ៊ីត លាលែងពីតំណែងដោយសារមានរឿងអាស្រូវជាប់ពាក់ព័ន្ធអំពើពុករលួយ។
ឆ្នាំ២០០២
-ក្នុងសុន្ទរកថារបស់លោកប្រធានាធិបតីប៊ូស ទៅកាន់រដ្ឋសហព័ន្ធបាននិយាយថា របបដែលគាំទ្រភេរវករក្នុងនាមជាសម្ព័ន្ធភាពបិសាច រួមមានប្រទេសអ៊ីរ៉ាក់ ប្រទេសអ៊ីរ៉ង់ និងប្រទេសកូរ៉េខាងជើង ។
ឆ្នាំ២០០៣
-ដោយសារពាក្យចចាមអារ៉ាមដែលថា តួភាពយន្ដស្រីថៃ នាងសូវ៉ាណាន់ឃុនយីង ឬ នាង“ផ្កាយព្រឹក” និយាយថា អង្គរវត្ដជារបស់ ប្រទេសថៃបានធ្វើឱ្យកើតមានកំហឹងរហូតផ្ទុះកុបកម្មដុតបំផ្លាញស្ថានទូតថៃនៅក្នុងប្រទេសកម្ពុជាឱ្យទទួលរងការខូចខាត រួមទាំងទីតាំងមុខជំនួញដែលមានម្ចាស់ជាជនជាតិថៃ ដូចជាសណ្ឋាគាររោងចក្រក៏ត្រូវរងការបំផ្លាញដែរ ។ ហេតុការណ៍នេះបានធ្វើឱ្យរដ្ឋាភិបាលកម្ពុជាសងការខូចខាតឱ្យស្ថានទូតថៃក្នុងទឹកប្រាក់៦លានដុល្លារអាមេរិក ហើយសរុបសំណងការខូចខាតកម្ពុជាត្រូវខាតបង់ ជាង៥០លានដុល្លារ។
ក្រោយហេតុការណ៍មានមនុស្សប្រមាណ១៥០នាក់ត្រូវបានចាប់ខ្លួន និងកាត់ទោសក្នុងនោះមានលោកម៉ម សូណង់ដូ នាយកវិទ្យុសំបុកឃ្មុំ និងលោក ច័ន្ទ ស៊ីវុត្ថា នាយកការផ្សាយរបស់កាសែតរស្មីអង្គរ ។
ឆ្នាំ២០០៦
-ប្រទេសលីប៊ីបានបិទស្ថានទូតរបស់ខ្លួន ក្នុងប្រទេសដាណឺម៉ាកដោយសារគំនូរថ្លុក មហាម៉ាត់ ដែលចេញផ្សាយលើទំព័រសារព័ត៌មានដាណឺម៉ាកឈ្មោះជីឡានប៉ូស្ដេន ។
ឆ្នាំ២០០៩
-អ្នកអត់មានការងារធ្វើនៅប្រទេសអាល្លឺម៉ង់ឡើងដល់៣,២៧លាននាក់ ស្មើនឹង៧,៨ភាគរយក្នុងពេលដែលមានវិបត្ដិហិរញវត្ថុពិភពលោកដែលចេះតែអាក្រក់ទៅៗ ៕
ចែករំលែកព័តមាននេះ