សង្គ្រាមអ៊ុយក្រែន ៖ អ្នកនាំពាក្យក្រសួងការបរទេសរុស្ស៊ីអះអាងកាលពីថ្ងៃទី២៩ ឧសភា ថា ប្រធានាធិបតីរុស្សុីលោកវ្ល៉ាឌីមៀរពូទីន នឹងមិនចូលរួមក្នុងការចរចាបញ្ចប់សង្គ្រាមនៅអ៊ុយក្រែន វគ្គទី២នាថ្ងៃទី២មិថុនាខាងមុខនេះឡើយ។ អ្នកនាំពាក្យរូបនោះលោកស្រីម៉ារីយ៉ា ហ្សាខារ៉ូវ៉ាថ្លែងថា…
សង្គ្រាមអ៊ុយក្រែន ៖ អ្នកនាំពាក្យក្រសួងការបរទេសរុស្ស៊ីអះអាងកាលពីថ្ងៃទី២៩ ឧសភា ថា ប្រធានាធិបតីរុស្សុីលោកវ្ល៉ាឌីមៀរពូទីន នឹងមិនចូលរួមក្នុងការចរចាបញ្ចប់សង្គ្រាមនៅអ៊ុយក្រែន វគ្គទី២នាថ្ងៃទី២មិថុនាខាងមុខនេះឡើយ។
អ្នកនាំពាក្យរូបនោះលោកស្រីម៉ារីយ៉ា ហ្សាខារ៉ូវ៉ាថ្លែងថា សមាសភាពគណៈប្រតិភូរុស្សុីចូលរួមក្នុងការចរចាវគ្គទី២នោះនៅក្រុងអីុស្តង់តួកគី នឹងជាគណៈតិភូដដែលនៃការចរចាវគ្គទី១។ ប្រធានាធិបតីរុស្សុីនឹងមិនចូលរួមឡើយ ខណៈប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គីអះអាងថាត្រៀមជួបលោកនៅទីនោះ។
មុនការជួបគ្នាថ្មីនេះខាងភាគីអ៊ុយក្រែននិយាយថា ចង់ដឹងមុនពីអនុស្សរណៈរបស់វិមានក្រឹមឡាំងមានន៏យថា បណ្ដាការទាមទាររបស់រុស្សុីសំដៅបញ្ឈប់ការប្រយុទ្ធគ្នា មុនពេលចរចាវគ្គទី២នេះនៅតួកគី។ តែរុស្សុីបដិសេធមិនប្រាប់ឲ្យដឹងមុនពីខ្លឺមសារនៃអនុស្សរណៈនេះឡើយ។
អ្នកនាំពាក្យម្នាក់របស់ក្រសួងការបរទេសអ៊ុយក្រែន លោកហេអ័រធីលទីឃីយីបានបរិហារនាថ្ងៃទី២៩ឧសភាថា ការខ្លាចរបស់រុស្សុីមិនបញ្ជូនអនុស្សរណៈនេះដល់អ៊ុយក្រែន ប្រហែលជាចង់ដាក់ឱសានវាទមិនប្រាកដនិយមនានា ឬមួយខ្លាចមិនហ៊ានលាតត្រដាងថាខ្លួនរាំងខ្ទប់ដំណើរការសន្តិភាព។ ចំណែកប្រធានាធិបតីអ៊ុយក្រែនវិញបានបរិហារពីឧបាយកលថ្មីមួយរបស់រុស្សុីដោយចោទថា រុស្សុីធ្វើអ្វីសព្វបែបយ៉ាងដើម្បីឲ្យការចរចាក្លាយជាគ្មានន័យ៕
ចែករំលែកព័តមាននេះ