សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំអះអាងកាលពីថ្ងៃទី៥មិថុនាថា មហាសេដ្ឋីអ៊ីឡុន ម៉ាសក៍ ក្លាយជាឆ្កួតហើយ រួចលោកស្នើឲ្យមហាសេដ្ឋីរូបនោះ ចាកចេញនិងគំរាមលុបចោលបណ្ដាកុងត្រាជាមួយរដ្ឋ។ លោកអ៊ីឡុន ម៉ាសក៍…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំអះអាងកាលពីថ្ងៃទី៥មិថុនាថា មហាសេដ្ឋីអ៊ីឡុន ម៉ាសក៍ ក្លាយជាឆ្កួតហើយ រួចលោកស្នើឲ្យមហាសេដ្ឋីរូបនោះ ចាកចេញនិងគំរាមលុបចោលបណ្ដាកុងត្រាជាមួយរដ្ឋ។
លោកអ៊ីឡុន ម៉ាសក៍ ថៅកែក្រុមហ៊ុនTESLA និងSPACEX ដែលចាកចេញពីក្រសួងប្រសិទ្ធភាពរដ្ឋាភិបាលDOGEកាលពីសប្ដាហ៍មុន វាយតម្លៃថា បើគ្មានរូបលោកជួយលោក ត្រាំនឹងត្រូវចេញឆ្នោតប្រធានាធិបតីបាត់ទៅហើយ។
ចំណែកលោកត្រាំវិញអះអាងថាលោកអ៊ីឡុន ម៉ាសក៍ ក្លាយជាឆ្កួត ដោយសារការសម្រេចរបស់ប្រធានាធិបតី មិនគាំទ្ររថយន្តអគ្កិសនីរបស់លោក ហើយឲ្យចាកចេញពីរដ្ឋាភិបាលអាមេរិក។ តាមបណ្ដាញសង្គមTRUTH SOCIALលោកត្រាំសរសេរថា លោកអ៊ីឡុន ម៉ាសក៍ពិតជាឆ្កួត ដោយលោកគំរាមនាឱកាសនោះដែរ លុបចោលបណ្ដាកុងត្រារបស់មហាសេដ្ឋីរូបនោះជាមួយរដ្ឋសហព័ន្ធ។
ពេលដែលសម្ព័ន្ថមិត្តទាំង២ហែកហួរគ្នាជាសាធារណៈលោកត្រាំគំរាមថា ងាយបំផុតដើម្បីសន្សំប្រាក់ច្រើនពាន់លានដុល្លារក្នុងថវិការបស់យើង នោះនឹងជាការលុបចោលការឧបត្ថម្ភនានានិងបណ្ដាកុងត្រា រដ្ឋាភិបាលដល់ថៅកែTESLA និងSPACEX។ ប្រធានាធិបតីអាមេរិកពិតជាខកចិត្តខ្លាំងណាស់ចំពោះមហាសេដ្ឋីរូបនេះ។
ពេលថ្លែងទៅកាន់បណ្ដាអ្នកកាសែតនៅសេតវិមាន ហើយផ្សាយបន្តផ្ទាល់ លោកត្រាំថាលោកពិតជាខកចិត្តខ្លាំងណាស់លើមហាសេដ្ឋីរូបនោះ។ លោកម៉ូសនិងរូបខ្ញុំយើងមានទំនាក់ទំនងដ៏ល្អមួយ។ ខ្ញុំមិនដឹងថារឿងវាធ្លាក់ដល់បែបនេះ។
ដោយធ្វើអត្ថាធិប្បាយលើវីដេអូមួយរបស់លោកដូណាល់ត្រាំដែលថា លោកខឹងមកពីបាត់ បង់ឧបត្ថម្ភធន សម្រាប់ក្រុមហ៊ុនអគ្គសនីរបស់លោក មហាសេដ្ឋីអ៊ីឡុន ម៉ាសក៍ លើកឡើងតាមបណ្ដាញសង្គមXថា វាមិនមែនអញ្ចឹងទេនោះមកតែពីលោកប្រឆាំងចំពោះការកាត់បន្ថយដ៏ច្រើនបំផុតនៃការចំណាយរបស់សហពន្ធ័ក្នុងគម្រោងថវិការដ្ឋ ដែលលោកថាអប្រិយប្រកបដោយគ្រោះមហន្តរាយ ខុសពីសម្ដីលោកត្រាំដែលថាអាចសន្សំប្រាក់ច្រើនៗពាន់លានដុល្លារ។
មហាសេដ្ឋីរួបនេះដែលជ្រះថ្លាជួយផ្ដល់ហិរញ្ញវត្ថុដ៏ច្រើន សម្រាប់ការឃោសនាបោះឆ្នោតប្រធានាធិបតីក៏ឡើងទៀតថា លោកត្រាំចាញ់ឆ្នោតបាត់ទៅហើយបើគ្មានលោកជួយ ហើយចោទលោកត្រាំថាជាមនុស្សអក្តតញ៉ូ ៕
ចែករំលែកព័តមាននេះ