រាជធានីភ្នំពេញ ៖ នៅលើពិភពលោកយើងនេះជំងឺទឹកនោមផ្អែមកំពុងតែរីករាលដាលយ៉ាងខ្លាំង ជាពិសេសគឺប្រទេសក្រីក្រ និងកំពុងអភិវឌ្ឍន៍ ។
លោកសាស្ដ្រាចារ្យមហាបរិញ្ញាវេជ្ជបណ្ឌិត សេង សេរី អ្នកឯកទេសផ្នែកជំងឺទឹកនោមមផ្អែម នៃមន្ទីរពេទ្យព្រះកុសុមៈ បានមានប្រសាសន៍ឱ្យដឹងថា ជំងឺទឹកនោមផ្អែម គឺជាជំងឺ ដែលមានជាតិស្ករ
រាជធានីភ្នំពេញ ៖ នៅលើពិភពលោកយើងនេះជំងឺទឹកនោមផ្អែមកំពុងតែរីករាលដាលយ៉ាងខ្លាំង ជាពិសេសគឺប្រទេសក្រីក្រ និងកំពុងអភិវឌ្ឍន៍ ។
លោកសាស្ដ្រាចារ្យមហាបរិញ្ញាវេជ្ជបណ្ឌិត សេង សេរី អ្នកឯកទេសផ្នែកជំងឺទឹកនោមមផ្អែម នៃមន្ទីរពេទ្យព្រះកុសុមៈ បានមានប្រសាសន៍ឱ្យដឹងថា ជំងឺទឹកនោមផ្អែម គឺជាជំងឺ ដែលមានជាតិស្ករនៅក្នុងឈាមកើនឡើងខ្ពស់ ហើយត្រូវតែធ្វើការព្យាបាលអស់មួយជីវិត ។ កាលណាលោកអ្នកកើតមានជំងឺទឹកនោមផ្អែម ហើយមិនបានព្យាបាលឱ្យបានទាន់ពេលវេលាទេនោះ លោកអ្នកអាចប្រឈមទៅនឹងគ្រោះមហន្តរាយជាច្រើន ដល់លោកអ្នក គ្រួសាររបស់លោកអ្នកនិងប្រទេសជាតិទាំងមូលផងដែរ ។ ជាពិសេសនោះអាចធ្វើឱ្យអ្នកជំងឺធ្លាក់ខ្លួនទៅក្នុងពិការភាព ដូចជាពិការភ្នែក ខូចតម្រងនោម លើសពីនេះអាចធ្វើឱ្យ ប៉ះពាល់ដល់សរសៃប្រសាទ ដែលបង្កទៅជាដំបៅជើង ហើយអាចឈានទៅដល់ការកាត់ជើងចោលជាដើម ។ លោកអ្នក ដែលកើតជំងឺទឹកនោមផ្អែមអាចមានរោគសញ្ញា ដែលគួរឱ្យគាត់សម្គាល់ដូចជា នោមច្រើននៅពេលយប់ខុសពីធម្មតា ស្រែកទឹកខ្លាំង បរិភោគច្រើនតែមិនមានកម្លាំង ។ ដូច្នេះបើសិនជាមានអាការដូច ដែលរៀបរាប់នេះ លោកអ្នកត្រូវតែប្រញាប់ទៅសជួបជាមួយគ្រូពេទ្យឯកទេស ព្រោះមានតែការពិនិត្យឈាមនោះទេ ដែលអាចដឹងច្បាស់ពីកម្រិតនៃជំងឺ ។ លោកសាស្ដ្រាចារ្យបានបន្ថែមឱ្យដឹងថា ចំពោះមូលហេតុ ដែលបណ្ដាលឱ្យកើតមានជំងឺទឹកនោមផ្អែមនេះ នៅមិទាន់មាន អ្នកណារកឃើញនៅឡើយទេ ប៉ុន្ដែអាចមានកត្ដារួមផ្សំមួយចំនួន ដែលគួរឱ្យគាត់សម្គាល់ដូចជាៈ
-កត្ដាអាយុ លើសពី៤០ឆ្នាំ ឡើងទៅ-មិនបានបញ្ចេញពលកម្ម ឬធ្វើលំហាត់ប្រាណ
-កត្ដាតំណពូជ ឪពុកម្ដាយ ជីដូន ជីតាធ្លាប់កើតមានជំងឺទឹកនោមផ្អែម
-ធាត់លើទម្ងន់ និងដុះក្បាលពោះ
-លោកអ្នក ដែលកើតមានជំងឺលើសឈាម ក៏ជាកត្ដា ដែលបណ្ដាលឱ្យកើតជំងឺទឹកនោមផ្អែមបានដែរ
-លោកអ្នកដែលចូលចិត្តទទួលទានអាហារដែលមានសារជាតិផ្អែមពេក ប្រៃពេក សម្បូរទៅដោយសារជាតិខ្លាញ់ដូចជា សាច់គោ សាច់ជ្រូក សាច់មាន់ ។ល។
-លើសជាតិខ្លាញ់ក្នុងឈាម
-មាតាដែលបង្កើតទារកលើសពី៤គីឡូឡើងទៅក៏អាចប្រឈមទៅនឹងជំងឺទឹកនោមផ្អែមបានដែរ ។
ដូច្នេះដើម្បីការពារកុំឱ្យកើតជំងឺទឹកនោមផ្អែមគឺត្រូវតែមានវិធានការពារពារដូចជាៈ
-ការពារកុំឱ្យធាត់លើទម្ងន់ ព្រោះកាលណាធាត់លើសទម្ងន់អាចប្រឈមទៅ នឹងជំងឺជាច្រើន មិនត្រឹមតែជំងឺទឹកនោមផ្អែមប៉ុណ្ណោះទេ ។
-ត្រូវចៀសវៀង ចំពោះចំណីអាហារ ដែលមានសារជាតិ ប្រៃពេក ផ្អែមពេក និងខ្លាញ់ច្រើនពេក ។
-ត្រូវឆ្លៀតពេលធ្វើពលកម្មឱ្យបានច្រើន ដូចជាហាត់ប្រាណ ឡើជណ្ដើរ រត់ និងវិធីផ្សេងៗជាច្រើនទៀត ឱ្យបាន៣០នាទីក្នុងថ្ងៃ ។
-បើសិនជាធ្លាប់មានបងប្អូន ឪពុកម្ដាកកើតមានជំងឺទឹកនោមផ្អែម លោកអ្នកត្រូវតែប្រញាប់ទៅធ្វើតេស្ដរកជំងឺទឹកនោមផ្អែម ដើម្បីការពារកុំឱ្យកើតមានដំណាក់កាលធ្ងន់ធ្ងរ ។
-លើសពីនេះពេល ដែលលោកមានរោគសញ្ញា ដែលគិតថាជាជំងឺទឹកនោមផ្អែមលោកអ្នកត្រូវតែប្រញាប់ទៅជួបជាមួយអ្នកឯទេស ។
ទាំងនេះ គឺជាវិធានការការពារដើម្បីចៀសផុតពីការកើតមានជំងឺទឹកនោមផ្អែម ។
លោកសាស្ត្រាចារ្យបានបន្ថែមឱ្យដឹងទៀតថា ជាការពិតណាស់បើសិនជាលោកអ្នកកើតមានជំងឺទឹកនោមផ្អែមហើយមកធ្វើការព្យាបាលបានទាន់ពេលវេលានិងអនុវត្ដទៅតាមការណែនាំរបស់គ្រូពេទ្យឯកទេសនោះលោកអ្នកអាចមានជីវិតរស់នៅរហូតដល់អាយុ៧០ទៅ៨០ឆ្នាំដូចអ្នកឯទៀតដែរ បើទោះបីជាជំងឺនេះ មិនអាចព្យាបាលជាដាច់ក៏ដោយ ។
ចែករំលែកព័តមាននេះ