សហស្ថាបនិកក្រុមហ៊ុន Yahoo លោក Jerry Yang បានលាលែងពីតំណែងក្រុមហ៊ុនអ៊ីនធើរណេតដែលគាត់ចាប់ផ្តើមធ្វើតាំងពីឆ្នាំ១៩៩៥ ជាមួយលោក David Filo ដែលបច្ចុប្បន្នគាត់មានភាគហ៊ុនចំនួន៦ភាគរយក្នុងក្រុមហ៊ុន Yahoo។ នេះបើតាមសេចក្តីប្រកាសព័ត៌មានរបស់ក្រុមហ៊ុន Alibaba ដែលជាក្រុមហ៊ុនវ៉េបសាយអាស៊ី និងជាផ្នែកមួយនៃក្រុមហ៊ុន Yahoo នៅថ្ងៃពុធ ។ លោក Jerry Yang កើតនៅលើកោះតៃវ៉ាន់ ហើយចម្រើនវ័យនៅក្នុងទីក្រុង San Jose ដែលមានចម្ងាយ១៦,០៩គីឡូម៉ែត្រ ពីទីស្នាក់ការធំនៃក្រុមហ៊ុន Yahoo ។ គាត់បញ្ចប់ការសិក្សាថ្នាក់ បណ្ឌិតនៅសាកលវិទ្យាល័យ Stanford។ នៅឆ្នាំ១៩៩៦ គាត់និងលោក Filo ចូលធ្វើការ ក្រោមលោក CEO Timothy Koogle។
ចំណែកលោក Scott Thompson អតីតប្រធានក្រុមហ៊ុន Ebay ត្រូវបានគេតែងតាំងជាCEO នៅថ្ងៃទី៤ មករា ក្នុងក្រុមហ៊ុន Yahoo។ លោក Colin Gillis អ្នកវិភាគនៃក្រុមហ៊ុនBGC Partners LP ក្នុងទីក្រុងញូវយ៉កនិយាយថា លោក Jerry បោះកន្សែងចោល គាត់ជាអ្នក បង្កើតក្រុមហ៊ុន ហើយនេះជាចំណុចកូនក្មេង របស់គាត់ ។ លោក Jerry Yang វ័យ៤៣ឆ្នាំ ដែលបានជួយក្រុមហ៊ុនក្នុងការបង្កើតមាតិកាគេហទំព័រនិងការស្រាវជ្រាវក្នុងអំឡុងទសវត្សឆ្នាំ១៩៩០ បានធ្វើឱ្យក្រុមហ៊ុន Yahoo គេចរួចពីការប្រកួតប្រជែងជាមួយក្រុមហ៊ុន GoogleInc. និងក្រុមហ៊ុន Facebook Inc.លើអ្នកប្រើប្រាស់ផ្ទាល់តាមអ៊ីនធើរណេតផ្ទាល់ និងការផ្សាយពាណិជ្ជកម្ម ។
ស្របពេលក្រុមហ៊ុនកំពុងរកផ្លូវដើម្បីឱ្យក្រុមហ៊ុនរស់ឡើងវិញ និងការស្ងប់ចិត្តពីបណ្តាអ្នកវិនិយោគ ហេតុនេះក្រុមហ៊ុនសម្រេចលក់ភាគហ៊ុនរបស់ខ្លួនទៅក្នុងដៃគូអាស៊ី រួមមានក្រុមហ៊ុន Alibaba ហើយក៏ស្នើឱ្យបណ្តាក្រុមហ៊ុនឯកជនផ្សេងលក់ភាគហ៊ុនរបស់គេឱ្យខ្លួន ។ លោកស្រី Allen Weiner អ្នកវិភាគនៃក្រុមហ៊ុន Gartner Inc និយាយថា ដោយបានសម្អាតមន្ទិលសង្ស័យពីអតីត វាជាសញ្ញានៃក្រុមហ៊ុនបង្ហាញពីការសម្រេចបន្តដំណើរទៅមុខរបស់ខ្លួន ។ ព្រមជាមួយការចាក់ចេញរបស់លោក Jerry វាប្រហែលជាធ្វើឱ្យការចរចាជាមួយក្រុមហ៊ុន Alibaba កាន់តែងាយស្រួល ។
អ្នកនាំពាក្យក្រុមហ៊ុន Alibaba លោក John Spelich ភ្លាមៗមិនបានឆ្លើយតបតទៅនឹងសារដើម្បីសុំការបកស្រាយឡើយ ។ លោក Jerry ធ្វើជា CEO ចាប់ពីខែមិថុនា ឆ្នាំ២០០៧ ដល់ខែមករា ឆ្នាំ២០០៩ ។ បន្ទាប់ពីក្រុមហ៊ុន Sunnyvale ដែលមានទីតាំងនៅក្នុងរដ្ឋកាលីហ្វ័រនីញ៉ាច្រានចោលសំណើពីក្រុមហ៊ុន Microsolf ក្នុងទំហំទឹកប្រាក់ចំនួន៤៧,៥ពាន់លានដុល្លារ បន្ទាប់មកគាត់ត្រូវជំនួសដោយលោក Bartz ដែលត្រូវក្រុមហ៊ុនបណ្តេញចេញ នៅខែកញ្ញា ឆ្នាំ២០១១ ។ អតីតបុគ្គលិកម្នាក់របស់ក្រុមហ៊ុន Yahoo និយាយថា មានមនុស្សច្រើនណាស់គិតថា គាត់ រាំងខ្ទប់ការជឿនលឿនថ្មីជាមួយគំនិតចាស់កំរិលរបស់គាត់ ហើយមានភាពយឺតយ៉ាវក្នុងការសម្រេចចិត្ត ម្យ៉ាងគាត់មិនកែប្រែខ្លួនជាថ្មីសម្រាប់កម្រិតខ្ពស់បែបនេះ។
តម្លៃភាគហ៊ុនរបស់ក្រុមហ៊ុន Yahoo ធ្លាក់ចុះ មួយភាគរយមកត្រឹម១៥,៤៣ដុល្លារ ក្នុងពេលបិទផ្សារហ៊ុននៅថ្ងៃទី១៨ ។ ពួកវាបានលោតឡើងខ្ពស់ដល់១៦,៤៨ដុល្លារ ក្នុងមួយហ៊ុន បន្ទាប់ពីការប្រកាសព័ត៌មាន។ ផ្សារហ៊ុនរបស់ក្រុមហ៊ុនធ្លាក់ចុះ៣ភាគរយកាលពីឆ្នាំមុន។ កាលពីឆ្នាំ២០០០ ភាគហ៊ុនរបស់ក្រុមហ៊ុនធ្លាក់ចុះ៩៧ភាគរយប៉ុន្តែថ្ងៃនេះក្រុមហ៊ុនមានតម្លៃ១៩,១ពាន់លានដុល្លារ។ ចំណែកលោកJerry មានភាគហ៊ុនក្នុងដៃ៣,៨ភាគរយ ឬ ៤៦,៦លានហ៊ុនក្នុងក្រុមហ៊ុន Yahoo ។ ក្រុមហ៊ុន Yahooមិនបាននិយាយថា គាត់ នឹងទៅទីណាបន្ត ឬេហតុអ្វីបានជាគាត់លាលែងពីតំណែងភ្លាមៗ ។
ធនាគារពិភពលោកប្រាប់ប្រទេសក្រីក្រឱ្យប្រុងប្រៀបខ្លួនសម្រាប់ការធ្លាក់ចុះធនាគារពិភពលោកព្រមាននៅថ្ងៃអង្គារថាប្រទេសអភិវឌ្ឍន៍គួរតែប្រុងប្រៀបខ្លួនសម្រាប់
កំណើនធ្លាក់ចុះដែលជាមែកធាងមួយផ្នែកមកពីការបញ្ហាប្រាក់បំណុលអឺរ៉ុប ព្រោះវាធ្លាក់ចុះយ៉ាងខ្លាំងដូចការប៉ាន់ស្មាននៃការរីកសាយភាយទំហំនៃបញ្ហា ។ធនាគារនិយាយថា ទ្វីបអឺរ៉ុបដូចជាលេចឮថា ធ្លាក់ចុះចូលទៅក្នុងបញ្ហាលិចលង់ជាថ្មី ហើយកំណើននៃប្រទេសអភិវឌ្ឍផ្សេងៗដូចជាប្រទេសប្រេស៊ីល ឥណ្ឌា រុស្ស៊ី តួកគី និងអាហ្វ្រិកខាងត្បូងមានសន្ទុះយឺត។
ធនាគារព្យាករណ៍ថា កំណើនសេដ្ឋកិច្ចពិភពលោកកើនឡើង២,៥ភាគរយ ក្នុងឆ្នាំ២០១២ និង៣,១ភាគរយក្នុងឆ្នាំ២០១៣ ទាបជាងការព្យាករណ៍កាលពីខែមិថុនាឆ្នាំមុនថា រាល់ឆ្នាំសេដ្ឋកិច្ចពិភពលោកនឹងកើនឡើងប្រហែល៣,៦ភាគរយនោះ។ សេដ្ឋកិច្ចនៃប្រទេសកំពុងអភិវឌ្ឍនឹងបន្តទៅមុខក្នុងល្បឿនលឿនជាងប្រទេសអ្នកមានៗទាំងនោះ ប៉ុន្តែធនាគារពិភពលោកក៏បានព្យាករទៅលើប្រទេសអស់ទាំងនោះ គឺមានកំណើនសេដ្ឋកិច្ច៥,៤ភាគរយក្នុងឆ្នាំ២០១២ និង៦ភាគរយក្នុងឆ្នាំ២០១៣ ។ វាជាការព្យាករទាបជាងលើកមុនដែលថាមានកំណើន៦,២ភាគរយ និង៦,៣ភាគរយនាឆ្នាំបន្ទាប់សម្រាប់ប្រទេសកំពុងអភិវឌ្ឍ ។
ហេតុនេះ ធនាគារពិភពលោកដឹងមុនពីការ រីកធំនៃការគំរាមកំហែងដល់ការកើនឡើងសេដ្ឋកិច្ចពិភពលោក។ ការធ្លាក់ចុះជាថ្មីក្នុងទ្វីបអឺរ៉ុប និងកំណើនដ៏ទន់ខ្សោយក្នុងប្រទេសអភិវឌ្ឍបង្កើនការប្រឈមគ្រោះថ្នាក់ថា ការអភិវឌ្ឍពីរដែលជួយផ្តល់កម្លាំងដល់ការអភិវឌ្ឍន៍មួយផ្សេងទៀតជាលទ្ធផល គឺកាន់តែទន់ខ្សោយបន្ថែមទៀត។ ធនាគារក៏បានលើកឡើងពីការដោះស្រាយបំណុលដ៏ខ្ពស់ និងឱនភាពក្នុងប្រទេសជប៉ុន និងសហរដ្ឋអាមេរិក និងកំណើតយឺតក្នុងប្រទេស ដែលមានប្រាក់ចំណូលខ្ពស់ សរុបមក វាបង្កើតបានហេតុការណ៍ភ្ញាក់ផ្អើលលើត្រីភាគីតែម្តង។
ម្យ៉ាងទៀត ភាពតាន់តឹងនយោបាយក្នុងតំបន់មជ្ឈិមបូព៌ា និងអាហ្វ្រិកខាងត្បូង អាចរាំង ស្ទះដល់ការផ្គត់ផ្គង់ប្រេងបន្ថែមការធ្លាក់ចុះសេដ្ឋកិច្ច ។ ធនាគារនិយាយថា ស្របពេលទ្វីបអឺរ៉ុបកំពុងធ្វើដំណើរទៅមុខលើដំណោះស្រាយរយៈពេលវែងទៅនឹងបញ្ហា ឯទីផ្សារនៅតែមានភាពច្របូកច្របល់។ ទប់ទល់នឹងការធ្លាក់ចុះនេះ ធនាគារនិយាយថា ប្រទេសកំពុងអភិវឌ្ឍកាន់តែគ្មានលទ្ធភាព ការពារជាងកាលពីឆ្នាំ២០០៨ ព្រោះពួកគេបានដឹងថា ពួកគេដឹងថាខ្លួននឹងប្រឈមមុខចំពោះការកាត់បន្ថយលំហូរដើមទុន និងពាណិជ្ជកម្មតិចតួច។ ធនាគារបន្ថែមថា មានប្រទេសកំពុងអភិវឌ្ឍមួយចំនួនមានហិរញ្ញវត្ថុទន់ខ្សោយ ហើយពួកគេមិនអាចទប់ទល់នឹងវិបត្តិថ្មីនោះឡើយ ។
ធនាគារពិភពលោកនិយាយថា គ្មានប្រទេសណានិងតំបន់ណាមួយអាចគេចរួចពីវិបត្តិដែលកើនឡើងនោះឡើយ។ ប្រទេសដែលមានប្រាក់ចំណូលខ្ពស់ត្រូវមានតួនាទីចម្បងក្នុងការការពារវិបត្តិ។ ប្រទេសកំពុងមានភារកិច្ចគាំទ្រទាំងដំណើរនៃ G20 និងព្រឹត្តិការណ៍អន្តរជាតិផ្សេងៗ។ អ្វីដែលប្រទេសកំពុងអភិវឌ្ឍត្រូវធ្វើមួយទៀត គឺចៀសវាងជម្លោះពាណិជ្ជកម្ម ហើយអនុញ្ញាតឱ្យតម្លៃក្នុងទីផ្សារចល័តដោយសេរី៕
ចែករំលែកព័តមាននេះ