ខេត្តបន្ទាយមានជ័យ ៖ ក្រុមអ្នកប្រើប្រាស់គ្រឿងញៀ.នចំនួន៤នាក់ ត្រូវបានកម្លាំងនគរបាលស្រុកមង្គលបូរីចុះបង្ក្រាបចាប់ខ្លួនភ្លាមៗនៅ ចំណុចផ្លូវលំក្នុងភូមិអូរដង្កោរ ឃុំរហាត់ទឹក ស្រុកមង្គលបូរី កាលពីវេលាម៉ោង២និង១៨នាទីយប់ថ្ងៃទី១២ មករា ២០១២ តាមបញ្ជារបស់ព្រះរាជអាជ្ញារងអមសាលាដំបូងខេត្ត។
ខេត្តបន្ទាយមានជ័យ ៖ ក្រុមអ្នកប្រើប្រាស់គ្រឿងញៀនចំនួន៤នាក់ ត្រូវបានកម្លាំងនគរបាលស្រុកមង្គលបូរីចុះបង្ក្រាបចាប់ខ្លួនភ្លាមៗនៅចំណុចផ្លូវលំក្នុងភូមិអូរដង្កោរ ឃុំរហាត់ទឹក ស្រុកមង្គលបូរី កាលពីវេលាម៉ោង២និង១៨នាទីយប់ថ្ងៃទី១២ មករា ២០១២ តាមបញ្ជារបស់ព្រះរាជអាជ្ញារងអមសាលាដំបូងខេត្ត។
តាមការឱ្យដឹងជនសង្ស័យទាំង៤នាក់មាន១-ឈ្មោះគា គឹមឆាយ ភេទប្រុស អាយុ១៨ឆ្នាំ រស់នៅភូមិរហាត់ទឹក ឃុំរហាត់ទឹក, ២-ឈ្មោះប៉ែត រតនា ហៅអូន ភេទប្រុស អាយុ១៩ឆ្នាំ នៅភូមិថ្នល់បត់ ឃុំរហាត់ទឹក, ៣-ឈ្មោះគិម ធូ ភេទប្រុស អាយុ២២ឆ្នាំ នៅភូមិក្រមល់ ឃុំរហាត់ទឹក និង៤-ឈ្មោះហង្ស បូណា ភេទប្រុស អាយុ១៩ឆ្នាំ នៅភូមិរហាត់ទឹក ឃុំរហាត់ទឹក។ លោកអនុសេនីយ៍ឯក យ៉ត សុផល អធិការនគរបាលស្រុកមង្គលបូរី បានឲ្យដឹងថា នៅចំពោះមុខសមត្ថកិច្ចជនសង្ស័យទាំង៤នាក់បានឆ្លើយសារភាពថា ពួកគេធ្លាប់ប្រើប្រាស់គ្រឿងញៀនជាច្រើនលើកមកហើយ។
បច្ចុប្បន្នជនសង្ស័យទាំង៤នាក់ ត្រូវបានកសាងសំណុំរឿងបញ្ជូនទៅស្នងការដ្ឋាននគរបានខេត្ត ដើម្បីចាត់ការតាមនិតិវិធី៕
ចែករំលែកព័តមាននេះ