រាជធានីភ្នំពេញ ៖ ជាការពិតណាស់ការវះកាត់កែច្រមុះ គឺជាវិធីដែលអាចជួយឱ្យច្រមុះមានទ្រង់ទ្រាយស្រស់ស្អាត ហើយមិនត្រឹមតែប៉ុណ្ណោះថែមទាំងជួយឱ្យសម្រស់កាន់តែសិចស៊ី និងធ្វើឱ្យមុខមានភាពស្រស់ស្អាតជាងមុនថែមទៀត ប៉ុន្តែការវះកាត់នេះវាក៏បានផ្តល់នូវផលវិបាកមកវិញដែរ បើសិនជាលោកអ្នកនាងកញ្ញាទៅធ្វើការវះកាត់ជាមួយគ្រូពេទ្យ ដែលមិនមានជំនាញ ឬក៏កន្លែង
រាជធានីភ្នំពេញ ៖ ជាការពិតណាស់ការវះកាត់កែច្រមុះ គឺជាវិធីដែលអាចជួយឱ្យច្រមុះមានទ្រង់ទ្រាយស្រស់ស្អាត ហើយមិនត្រឹមតែប៉ុណ្ណោះថែមទាំងជួយឱ្យសម្រស់កាន់តែសិចស៊ី និងធ្វើឱ្យមុខមានភាពស្រស់ស្អាតជាងមុនថែមទៀត ប៉ុន្តែការវះកាត់នេះវាក៏បានផ្តល់នូវផលវិបាកមកវិញដែរ បើសិនជាលោកអ្នកនាងកញ្ញាទៅធ្វើការវះកាត់ជាមួយគ្រូពេទ្យដែលមិនមានជំនាញ ឬក៏កន្លែងដែលមិនមានសុវត្ថិភាព នោះ។
លោកវេជ្ជបណ្ឌិតស្រេង រាសី អ្នកឯកទេសផ្នែកសើរស្បែកនៃមជ្ឈមណ្ឌលថែរក្សាសម្ផស្សមេកាបែល និងមជ្ឈមណ្ឌលថែរក្សាសម្ផស្សអាស៊ីប៊ីយូធី បានមានប្រសាសន៍ឱ្យដឹងថា ការវះកាត់កែច្រមុះ គឺជាការកែសម្ផស្សមួយ ដោយសារតែលោកអ្នកនាងកញ្ញាមិនពេញចិត្តចំពោះច្រមុះ ធម្មជាតិដែលមិនស្រួចល្អ ហើយចង់ធ្វើឱ្យទ្រង់ទ្រាយច្រមុះមានលក្ខណៈសមសួន ដែលអាចធ្វើឱ្យលោកអ្នកមានការជឿជាក់ជាងមុន ព្រោះថាច្រមុះគឺជាផ្នែកមួយដ៏សំខាន់ ដែលទាក់ទងទៅនឹងទម្រង់មុខ និងជាកន្លែងមួយដែលមានចំណាប់អារម្មណ៍ជាងគេដែរ ដូច្នេះបើសិនជាច្រមុះមិនមានលក្ខណៈស្រស់ស្អាតមិនសមសួននោះលោកអ្នកប្រាកដជាមិនមានជំនឿជឿជាក់ចំពោះខ្លួនឯងនោះទេ។
លោកវេជ្ជបណ្ឌិតបានបន្តទៀតថា តាមពិតទៅការវះកាត់កែច្រមុះដែលធ្វើឡើងដោយវេជ្ជបណ្ឌិតដែលមានជំនាញនោះ ការវះកាត់គឺមានសុវត្ថិភាពមិនអាចមានគ្រោះថ្នាក់អ្វីទាំងអស់។ ប៉ុន្តែនៅពេលធ្វើការវះកាត់វាអាចនឹងមានបញ្ហាមួយចំនួនកើតឡើងចំពោះលោកអ្នកផងដែរ ព្រោះនេះជាការវះកាត់មួយ វាអាចមានហូរឈាម ហើម និងមានស្នាមក្រហម ប៉ុន្តែបញ្ហានេះវាងនឹងបាត់ទៅវិញ។
តែបើសិនជាលោកអ្នកទៅធ្វើការវះកាត់ជាមួយកន្លែងដែលមិនមានសុវត្ថិភាព ឬមិនមានជំនាញនោះ គឺអាចបណ្តាលឱ្យលោកអ្នកជួបនូវផលវិបាកយ៉ាងធ្ងន់ធ្ងរដូចជា អាចបណ្តាលឱ្យចុងច្រមុះក្រហមខ្លាំងខុសពីធម្មតា មានការឈឺចាប់នៅពេលដែលមានការប៉ះទង្គិចខ្លាំងខូចទ្រង់ទ្រាយច្រមុះ និងមានការរលួយច្រមុះ ដែលអាចឈានទៅដល់ការវះកាត់ច្រមុះចោលជាដើម។
ដូច្នេះអ្វីដែលល្អបំផុត គឺត្រូវតែទៅជួបជាមួយអ្នកឯកទេសច្បាស់លាស់ ដើម្បីពិភាក្សាមុននឹងធ្វើការវះកាត់ចៀសវាងកើតមានដំណាក់កាលធ្ងន់ធ្ងរ។ ជាពិសេស នៅពេលដែលមានបញ្ហានៅក្រោយពេលធ្វើការវះកាត់នោះ លោកអ្នកត្រូវតែប្រញាប់មកពិភាក្សាជាមួយអ្នកឯកទេសដើម្បីធ្វើការពិនិត្យ និងព្យាបាលឱ្យបានទាន់ពេលវេលា៕
ចែករំលែកព័តមាននេះ