ខេត្តបន្ទាយមានជ័យ ៖ កុមារីម្នាក់មានអាយុទើបតែ៣ឆ្នាំ តែចេះអាន និងសរសេរអក្សរខ្មែរបានយ៉ាងស្ទាត់ជំនាញ បើប្រៀបធៀបនឹងកុមារដទៃ ។ កុមារីនេះ ឈ្មោះអួង អ៊ីសៀន ជាកូនអាជីវករលក់ដូរនៅផ្សារថ្មីហៅផ្សារចម្ការគ ស្ថិតក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ដែលឪពុកឈ្មោះវ៉ូង ចាន់ឈឿង អាយុ៥៤ឆ្នាំ ម្តាយឈ្មោះចូវ មុយលី អាយុ៣៨ឆ្នាំ ។ នាងមានបង
ខេត្តបន្ទាយមានជ័យ ៖ កុមារីម្នាក់មានអាយុទើបតែ៣ឆ្នាំ តែចេះអាន និងសរសេរអក្សរខ្មែរបានយ៉ាងស្ទាត់ជំនាញ បើប្រៀបធៀបនឹងកុមារដទៃ ។ កុមារីនេះ ឈ្មោះអួង អ៊ីសៀន ជាកូនអាជីវករលក់ដូរនៅផ្សារថ្មីហៅផ្សារចម្ការគ ស្ថិតក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ដែលឪពុកឈ្មោះវ៉ូង ចាន់ឈឿង អាយុ៥៤ឆ្នាំ ម្តាយឈ្មោះចូវ មុយលី អាយុ៣៨ឆ្នាំ ។ នាងមានបងប្អូនទាំងអស់៥នាក់ (ប្រុស២នាក់) ហើយនាងជាកូនពៅ។
តាមឪពុកម្តាយកុមារី បានរៀបរាប់ថា ចំពោះពួកគាត់ទាំង២នាក់ជាឪពុកម្តាយមិននឹកស្មានទាល់តែសោះថាកូនគាត់ចេះអាននិងសរសេរអក្សរបាន ព្រោះអាយុប៉ុណ្ណេះទើបអាចចូលរៀនត្រឹមថ្នាក់មតេ្តយ្យ តែមានថ្ងៃមួយកូននិយាយថាចង់ទៅរៀន ឯគាត់ស្មានតែកូនគាត់ចង់រៀនត្រឹមថ្នាក់មត្តេយ្យ បែរជាកូនមិនព្រមដោយនិយាយថា ចង់រៀនថ្នាក់ទី៣។ ពេលនោះគាត់និយាយថា មិនបានទេ ព្រោះកូនទើបតែអាយុ៣ឆ្នាំ និងបានអង្វរថា បើមិនចង់រៀនថ្នាក់មេត្តយ្យឪពុកអាចសុំឱ្យកូនរៀនថ្នាក់ទី១ តែកូនគាត់មិនព្រមគឺចង់ចាប់ផ្តើមរៀននៅថ្នាក់ទី៣តែម្តង។ មានថ្ងៃមួយ គាត់បាននិយាយជាមួយនាយកសាលាបឋមសិក្សាហ៊ុន សែនសូភី តែលោកនាយកសាលាគាត់ថាមិន ហ៊ានទទួលព្រោះកូននៅតូចណាស់ ។ ក្រោយមកក៏បានជួបជាមួយលោកប្រធានការិយាល័យ អប់រំយុវជននិងកីឡាក្រុងសិរីសោភ័ណ ពេលនោះគាត់បានស្នើសុំលោកប្រធានការិយាល័យ ឱ្យកូនគាត់បានចូលរៀនថ្នាក់ទី៣ ដោយនិយាយរៀបរាប់ពីចំណេះរបស់កូនគាត់ ។
លោកវ៉ូង ចាន់ឈឿង បានបន្តទៀតថា នៅពេលនោះលោកប្រធានការិយាល័យអប់រំ បានយកសៀវភៅរៀនអានថ្នាក់ទី៣មកឱ្យកូនគាត់អាន ពេលគាត់បើកឱ្យអានគឺវាអានត្រូវទាំងអស់ដោយមិនពិបាកប្រកបទេ ។ ទោះបីជាបែបណា ដោយសង្ស័យថា ខ្លាចក្រែងមេរៀនដែលបើកឱ្យកូនគាត់អាននោះប្រពន្ធគាត់ធ្លាប់បង្រៀន លោកប្រធានការិយាល័យបានឱ្យលោកនាយកសាលាបើកទំព័រផ្សេងឱ្យអាន ពេលនោះកូនគាត់អានត្រូវទាំងអស់ធ្វើឱ្យពួកគាត់មានការភ្ញាក់ផ្អើល និងកោតសរសើរ ព្រមទាំងងឿងឆ្ងល់នូវការយល់ដឹងដ៏ចម្លែកចំពោះកុមារីទើបមានអាយុ៣ឆ្នាំនេះ។ បន្ទាប់មកលោកប្រធានការិយាល័យបានណែនាំឱ្យលោកនាយកសាលាទទួលយកកូនគាត់ចូលរៀននៅបវេសនកាលឆ្នាំសិក្សាថ្មីនេះ គឺរៀនថ្នាក់ទី៣តែម្តង ។
បុរសជាឪពុកបាននិយាយទៀតថា ពេលគាត់នាំកូនទៅសាលារៀនចូលក្នុងថ្នាក់ អ្នកគ្រូ ប្រចាំថ្នាក់បានធ្វើការដកពិសោធន៍គឺគាត់សរសេរអក្សរនៅនឹងក្តារខៀន រួចឱ្យអាន គឺកូនគាត់អានត្រូវទាំងអស់ រួចឱ្យសូត្រក៏សូត្រត្រូវទៀតដែលធ្វើឱ្យអ្នកគ្រូ និងសិស្សរួមថ្នាក់លាន់មាត់គ្រប់ៗគ្នាថា ពួកគេមិនចេះឯវាតូចជាងគេចេះអាននិងសូត្រឱ្យរិុលគ្មានទាក់។
ទន្ទឹមនឹងកុមារីនេះចេះអាននិងសរសេរអក្សរនោះ គេក៏ចេះធ្វើលេខបូក ដក គុណ ចែកខ្លះៗដែរ ហើយម្យ៉ាងវិញទៀត កុមារីនេះ គឺចេះនិយាយនូវពាក្យអង់គ្លេសខ្លះៗ ដូចជានិយាយពីសត្វ សៀវភៅ បន្ទាត់ ដប… តាមឌីស្ករូបភាពតុក្កតា។
ឪពុកម្តាយកុមារីនេះបញ្ជាក់ថា មានថ្ងៃមួយនោះកូនគាត់ឈឺបត់ជើងតូចតែមិនហ៊ាន ប្រាប់គេក៏រាកសើមសំពត់អស់ធ្វើឱ្យនាងខ្មាសគេហើយមួយរយៈនេះមិនហ៊ានទៅសាលា តែគ្រូមិនប្រកាន់អ្វីឡើយព្រោះនាងនៅតូចជាងគេគឺឱ្យពួកគាត់ទាំង២នាក់បង្ហាត់បង្រៀននៅផ្ទះ ខ្លះៗ។បើទោះបីកូនគាត់ចេះនិយាយភាសាអង់គ្លេសខ្លះក៏ដោយ ក៏គាត់បញ្ជាក់ប្រាប់អ្នកយកព័ត៌មានថា មិនទាន់ចង់ឱ្យកូនគាត់ចេះទេភាសាបរទេស ព្រោះកូននៅតូចក្រែងខូចខួរក្បាល គឺរៀនតែអក្សរខ្មែរឱ្យចេះស្ទាត់ជំនាញសិន ចាំពេលកូនធំសឹមគិតទៀត៕
ចែករំលែកព័តមាននេះ