ខេត្តបន្ទាយមានជ័យ ៖ ថ្មីៗនេះ ប្រជាពលរដ្ឋម្នាក់ដែលទៅបង់ត្រីបានប្រទះឃើញអាវុធអាកាពីរដើម នៅចំណុចស្ពានដែក ខាងលិចភូមិទេពកោសារចម្ងាយប្រហែល១.០០០ម៉ែត្រ ក្នុងឃុំរហាល ស្រុកព្រះនេត្រព្រះ ហើយក៏បានមករាយការណ៍ជូនសមត្ថកិច្ចនគរបាលប៉ុស្តិ៍រដ្ឋបាលឃុំរហាល ។
ខេត្តបន្ទាយមានជ័យ ៖ ថ្មីៗនេះ ប្រជាពលរដ្ឋម្នាក់ដែលទៅបង់ត្រីបានប្រទះឃើញអាវុធអាកាពីរដើមនៅចំណុចស្ពានដែក ខាងលិចភូមិទេពកោសារចម្ងាយប្រហែល១.០០០ម៉ែត្រ ក្នុងឃុំរហាល ស្រុកព្រះនេត្រព្រះ ហើយក៏បានមករាយការណ៍ជូនសមត្ថកិច្ចនគរបាលប៉ុស្តិ៍រដ្ឋបាលឃុំរហាល ។
លោកអធិការនគរបាលស្រុកព្រះនេត្រព្រះ បានឲ្យដឹងថា ប្រជាពលរដ្ឋដែលបានប្រទះឃើញអាវុធអាកានោះឈ្មោះហ៊ុត រ៉ាត់ ភេទប្រុស អាយុ២៩ឆ្នាំ រស់នៅភូមិទេពកោសារ ឃុំរហាល ។ បើតាមប្រជាពលរដ្ឋរូបនេះប្រាប់សមត្ថកិច្ចថា គាត់បានប្រទះឃើញអាវុធអាកានោះលាក់ទុកនៅក្បាលស្ពាន ខណៈទៅរកត្រីនៅចំណុចខាងលើ ។
លោកអធិការនគរបាលស្រុកព្រះនេត្រព្រះ បានបញ្ជាក់ថា បន្ទាប់ពីទទួលបានព័ត៌មាននេះ លោកក៏បានចាត់កម្លាំងឲ្យចុះត្រួតពិនិត្យភ្លាមៗ ឃើញអាវុធអាកាបត់មួយដើម និងអាកាស្វាយមួយដើម (កំបុតស្វាយ) តែអាវុធទាំងពីរដើមនេះ គ្មានគ្រាប់ និងបង់ទេ ហើយនៅមានគុណភាពប្រហែល៥០ភាគរយ។ តាមការសន្និដ្ឋានរបស់សមត្ថកិច្ច អាវុធនេះគឺពួកជនមិនស្គាល់មុខយកមកប្លុងចោលទុកបម្រុងធ្វើសកម្មភាពអ្វីមួយ។ បច្ចុប្បន្នអាវុធទាំងពីរដើមនេះ សមត្ថកិច្ចយកមករក្សាទុកនៅ អធិការដ្ឋាននគរបាលស្រុកព្រះនេត្រព្រះ ៕
ចែករំលែកព័តមាននេះ