រាជធានីភ្នំពេញ ៖ ទោះបីដឹងថា ការស្លា.ប់មិនអាចវិលវិញយ៉ាងណាក៏ដោយ ក៏នៅតែមាន យុវជន យុវនារីមួយចំនួនដែលខូចចិត្ដនឹងស្នេហាមិនបានដូចបំណង សុខចិត្ដលេបថ្នាំសម្លា.ប់ខ្លួន ដោយមិនគិតពីការលំបាកវេទនានៃការចិញ្ចឹមបីបាច់ថែរក្សារបស់ឪពុក ម្ដាយតាំងពីចាប់កំណើតរហូតដល់ពេញរូបរាងឡើយ។ ជាក់ស្ដែងនៅក្នុងមន្ទីរពេទ្យព្រះកុសុមៈរយៈពេល១២ម៉ោងនៃថ្ងៃទី ១៣ វិច្ឆិកា មានយុវជន៣រូប
រាជធានីភ្នំពេញ ៖ ទោះបីដឹងថា ការស្លាប់មិនអាចវិលវិញយ៉ាងណាក៏ដោយ ក៏នៅតែមាន យុវជន យុវនារីមួយចំនួនដែលខូចចិត្ដនឹងស្នេហាមិនបានដូចបំណង សុខចិត្ដលេបថ្នាំសម្លាប់ខ្លួន ដោយមិនគិតពីការលំបាកវេទនានៃការចិញ្ចឹមបីបាច់ថែរក្សារបស់ឪពុកម្ដាយតាំងពីចាប់កំណើតរហូតដល់ពេញរូបរាងឡើយ។ ជាក់ស្ដែងនៅក្នុងមន្ទីរពេទ្យព្រះកុសុមៈរយៈពេល១២ម៉ោងនៃថ្ងៃទី១៣ វិច្ឆិកា មានយុវជន៣រូប និងយុវនារី២រូបបានលេបថ្នាំសម្លាប់ខ្លួនដោយសារតែខូចចិត្ដ នឹងរឿងរ៉ាវស្នេហា ហើយត្រូវបានក្រុមគ្រួសារនាំចូលមកឱ្យគ្រូពេទ្យសង្គ្រោះនៅក្នុងមន្ទីរពេទ្យ រហូតដល់បានរស់ឡើងវិញ ។
ស្នេហាពិតជាមានទំហំធំជាងអ្វីៗទាំងអស់ សូម្បីតែជីវិតរបស់ពួកគេដែលឪពុកម្ដាយខំប្រឹងបង្កើតតាំងពីបាតជើងក្រហមរងាលមកក៏មិន ស្មើនឹងសេចក្ដីស្នេហារបស់ពួកគេដែរ។ យ៉ាងណាមិញយុវជនម្នាក់ឈ្មោះកែវ សុភាព អាយុ១៨ឆ្នាំ ស្នាក់នៅសង្កាត់ទឹកល្អក់ទី៣ ខណ្ឌទួលគោក បានស្រឡាញ់នារីម្នាក់ធ្លាប់ដើរលេងជាមួយគ្នា និងស្គាល់ចិត្ដស្គាល់ថ្លើមគ្នាអស់ហើយ ក៏បានឱ្យ ឪពុកម្ដាយចូលស្ដីដណ្ដឹងនារីនោះធ្វើជាគូគាប់ តែឪពុកម្ដាយខាងស្រីមិនព្រមលើកឱ្យក៏ខូចចិត្ដលេបថ្នាំទីហ្វីអស់៣ទៅ៤បន្ទះ ដើម្បីសម្លាប់ខ្លួននៅវេលាម៉ោង១១និង៣០នាទីយប់ថ្ងៃទី១៣ វិច្ឆិកា។ ប៉ុន្ដែដោយក្រស្លាប់ពេកគេបានយកកាំបិតចាក់សាច់ដុំបន្ថែមទៀតដើម្បីឱ្យឆាប់ស្លាប់តែមិនស្លាប់ដូចបំណងត្រូវក្រុមគ្រួសារបញ្ជូនទៅព្យាបាលនៅមន្ទីរពេទ្យទាន់ពេលវេលា។
ចំណែកយុវជនទីពីរឈ្មោះហ៊ន ថៃ អាយុ១៨ឆ្នាំ ស្នាក់នៅផ្សារដីហុយ ក្នុងសង្កាត់ភ្នំពេញថ្មី ខណ្ឌសែនសុខ ដោយសារខឹងសង្សារបែកចិត្ដបានលេបថ្នាំសម្លាប់ខ្លួននៅវេលាម៉ោង១និង៣៥នាទីរសៀលថ្ងៃទី១៣ វិច្ឆិកា ប៉ុន្ដែមិនស្គាល់ប្រភេទថ្នាំទេ ត្រូវសាច់ញាតិជូនទៅលាងក្រពះនៅមន្ទីរពេទ្យព្រះកុសុមៈ។ ឯយុវជនទីបីឈ្មោះបូរី អាយុ២០ឆ្នាំ មានទីលំនៅខេត្ដកំពង់ស្ពឺ ដោយសារខូចចិត្ដនឹងស្នេហាក៏បានលេបថ្នាំសម្លាប់ខ្លួនអស់ជាច្រើនគ្រាប់ កាលពីវេលាម៉ោង១២និង៣៥នាទីថ្ងៃត្រង់ ថ្ងៃទី១៣ វិច្ឆិកា ។
ដោយឡែកអ្នកទី៤ នារីឈ្មោះចយ ស៊ីណា អាយុ៣១ឆ្នាំ ស្នាក់នៅសង្កាត់ទឹកថ្លា ខណ្ឌសែនសុខ ដោយសារសេចក្ដីស្នេហាមិនបានដូចបំណងបានលេបថ្នាំសម្លាប់ខ្លួននៅវេលាម៉ោង៦និង៣០នាទីព្រលប់ ថ្ងៃទី១៣ វិច្ឆិកា។ ចំណែកអ្នកទី៥ នារីឈ្មោះកើន ដាលីន អាយុ២៤ឆ្នាំ ជាមេការក្នុងហាងខារ៉ាអូខេ ស្នាក់នៅប្លុកបឹងកក់ សង្កាត់ស្រះចក ខណ្ឌដូនពេញ ក៏ត្រូវបាននាំមកកាន់មន្ទីរពេទ្យដែរ។ តាមអ្នកជូននាងមកមន្ទីរពេទ្យជាមនុស្សភេទទីបីបានបង្ហើបថា មិនដឹងមានរឿងអីទេ គ្រាន់តែឃើញនាងអង្គុយយំតាំងពីព្រឹករហូតដល់ម៉ោង១២អធ្រាត្រ ថ្ងៃទី១៣ វិច្ឆិកានេះ ស្រាប់តែឃើញនាងលេបថ្នាំសម្លាប់ខ្លួន។
ទាក់ទិននឹងការលេបថ្នាំសម្លាប់ខ្លួននេះ គឺសុទ្ធសឹងតែបណ្ដាលមកពីស្នេហាបែកបាក់ ស្នេហាមិនបានដូចបំណង ក៏ធ្វើឱ្យពួកគេគិតខ្លីលេបថ្នាំសម្លាប់ខ្លួន។ ទោះបីដឹងថា សេចក្ដីស្លាប់មិនអាចវិលវិញយា៉ងណាក៏ដោយ ក៏យុវវ័យមួយចំនួនទាំងស្រី ទាំងប្រុសនៅតែប្រកាន់យកការសម្លាប់ខ្លួនដើម្បីគេចចេញពីការឈឺចាប់របស់ខ្លួនទៅវិញ។ វាមិនមែនគ្រាន់តែតថភាពខាងលើនេះទេ តាមរយៈចម្រៀងដែលផលិតកម្មមួយចំនួនថតផ្តោតទៅលើស្នេហាយុវវ័យនាពេលបច្ចុប្បន្នក៏បានរ៉ាយរ៉ាប់ពីភ្លើងស្នេហ៍យុវវ័យសម័យថ្មី គួរឱ្យរិះគន់ផងដែរ ដែលដោះស្រាយវិបត្តិស្នេហាដោយការលេបថ្នាំ ការលោតទឹក និងការលោតពីលើអគារជាដើម៕
ចែករំលែកព័តមាននេះ