ប្រភពព័ត៌មានអារ៉ាប៊ី សាអូឌីត រាយការណ៍កាលពីថ្ងៃទី៣១ តុលា ថា ព្រះអង្គម្ចាស់សាលម៉ាន បច្ចុប្បន្នជាអភិបាលក្រុងរីយ៉ាដនឹងត្រូវតែងតាំងជារដ្ឋមន្ត្រីការពារប្រទេស និងអាកាសចរណ៍របស់ប្រទេស។
ព្រះអង្គម្ចាស់នោះនឹងកាន់តំណែងនេះជំនួសព្រះអង្គម្ចាស់ស៊ុលតង់ជារាជទាយាទផងដែរដែលចូលទិវង្គតកាលពីថ្ងៃទី២២ តុលា កន្លងមកនេះនៅទីក្រុងញូវយ៉កជាកន្លែងទ្រង់ទៅព្យាបាលព្រះរោគ។
តំណែងរដ្ឋមន្ត្រីការពារប្រទេស និងអាកាសចរណ៍ត្រូវបានចាត់ទុកថា ជាតំណែងដ៏សំខាន់មួយក្នុងចំណោមតំណែងសំខាន់បំផុតទាំងឡាយរបស់ព្រះរាជាណាចក្រដែលសំបូរដោយប្រេងកាតនេះ។ អារ៉ាប៊ី សាអូឌីត ទទួលការផ្គត់ផ្គង់អាវុធពីបណ្តាសម្ព័ន្ធមិត្តលោកខាងលិច។
ប្រទេសអារ៉ាប៊ី សាអូឌីត មានកន្លែងសក្ការបូជាសំខាន់៣កន្លែងសម្រាប់ពួកអ្នកកាន់សាសនាអ៊ិស្លាមជាប្រទេសនាំប្រេងកាតចេញធំជាងគេទីមួយលើពិភពលោក។
ព្រះអង្គម្ចាស់សាលម៉ានប្រសូត្រក្នុងឆ្នាំ១៩៣៥ជាបុត្រាចុងក្រោយគេមួយអង្គដែលនៅមានព្រះជន្មរបស់ព្រះមហាក្សត្រអាប់ឌូឡា ហ្ស៊ីសអ៊ីបន៍សាអ៊ូដ។ ដោយទ្រង់ជាអភិបាលក្រុងរីយ៉ាដចាប់តាំងពីឆ្នាំ១៩៦២មក ព្រះអង្គម្ចាស់សាលម៉ានបានធ្វើឱ្យរាជធានីមានការរីកចំរើនយ៉ាងឆាប់រហ័ស ហើយទ្រង់ដើរតួនាទីជាអាជ្ញាកណ្តាលពេលមានទំនាស់នានាក្នុងចំណោមបណ្តាសមាជិកគ្រួសាររាជវង្សដែលកាន់ អំណាច។ ទ្រង់ជាមនុស្សមានប្រាជ្ញាឈ្លាសវៃ ជាអ្នកនយោបាយដ៏ប៉ិនប្រសប់ ហើយមានស្មារតីទំនើប ៕
ចែករំលែកព័តមាននេះ