ខេត្តបាត់ដំបង ៖ កម្លាំងនគរបាលប្រឆាំងគ្រឿងញៀនបានឆ្មក់ចូលផ្ទះសំណាក់ «វីធូ» ហើយបង្ក្រាបបានក្រុមអ្នកចែកចាយ និងប្រើប្រាស់គ្រឿងញៀនចំនួន៤នាក់ ដែលកំពុងធ្វើសកម្មភាពជាក់ស្តែងក្នុងបន្ទប់ កាលពីវេលាម៉ោង៧និង៣០នាទីយប់ថ្ងៃទី២៤ តុលា ដែលមានទីតាំងនៅភូមិរំចេក៤ សង្កាត់រតនៈ ក្រុងបាត់ដំបង ខាងលិចស្នងការដ្ឋានខេត្តប្រហែលជា៥០ម៉ែត្រ។
ខេត្តបាត់ដំបង ៖ កម្លាំងនគរបាលប្រឆាំងគ្រឿងញៀនបានឆ្មក់ចូលផ្ទះសំណាក់ «វីធូ» ហើយបង្ក្រាបបានក្រុមអ្នកចែកចាយ និងប្រើប្រាស់គ្រឿងញៀនចំនួន៤នាក់ ដែលកំពុងធ្វើសកម្មភាពជាក់ស្តែងក្នុងបន្ទប់ កាលពីវេលាម៉ោង៧និង៣០នាទីយប់ថ្ងៃទី២៤ តុលា ដែលមានទីតាំងនៅភូមិរំចេក៤ សង្កាត់រតនៈ ក្រុងបាត់ដំបង ខាងលិចស្នងការដ្ឋានខេត្តប្រហែលជា៥០ម៉ែត្រ។
តាមព័ត៌មានពីលោកស៊ាន សុណាល់ នាយផ្នែកប្រឆាំងគ្រឿងញៀន បាននិយាយថា ក្រុមជនសង្ស័យដែលពាក់ព័ន្ធក្នុងសំណុំរឿងនេះមាន៤នាក់ ក្នុងនោះស្ត្រី៣នាក់ ដែលជាអ្នកប្រើប្រាស់។ លោកនាយផ្នែករូបនោះបានបន្តថា ជនទាំង៤នាក់រួមមាន១-ឈ្មោះម៉ាន់ សាវឿន ភេទប្រុស អាយុ៣១ឆ្នាំ (អ្នកចែកចាយ) ២-ឈ្មោះសីន ស្រីវី អាយុ១៩ឆ្នាំ ៣-ឈ្មោះសំ គឹមហៀង អាយុ១៦ឆ្នាំ និង៤-ឈ្មោះហាត មករា ហៅដាអាយុ១៧ឆ្នាំ។ ពួកគេទាំង៣នាក់នេះជាអ្នកប្រើប្រាស់។ លោកស៊ាង សុណាល់បានបញ្ជាក់ថា សមត្ថកិច្ចរបស់លោកបានឆ្មក់ចូលបង្ក្រាបក្នុងគ្រាដែលពួកគេកំពុងធ្វើសកម្មភាពចែកចាយ និងប្រើប្រាស់ក្នុងបន្ទប់ចំនួន២ នៃផ្ទះសំណាក់ V2 (វីធូ)។
ជនសង្ស័យឈ្មោះម៉ាន់ សាវឿន បាននិយាយថា ពួកគេតែងទៅបន្ទប់ផ្ទះសំណាក់ខាងលើនេះ រយៈពេល២ខែមកហើយដោយស្នាក់នៅសម្រាប់តែធ្វើសកម្មភាពចែកចាយ និងសំងំប្រើប្រាស់គ្រឿងញៀនប៉ុណ្ណោះ។ ជននេះនិយាយថា មិនមែនមានតែពួកខ្លួនប៉ុណ្ណេះនាក់ទេ ដែលទៅជួលបន្ទប់សំងំប្រព្រឹត្តបទល្មើសនៅទីនោះ សព្វថ្ងៃនេះ មានក្រុមផ្សេងៗទៀតក៏ទៅសំងំធ្វើសកម្មភាពនៅផ្ទះសំណាក់ V2 នេះដែរ ព្រោះស្ងាត់ស្រួល។ ប៉ុន្តែជននេះបញ្ជាក់ថា ម្ចាស់ផ្ទះសំណាក់តែងប្រាប់ពួកខ្លួនឱ្យប្តូរបន្ទប់ស្នាក់នៅយ៉ាងយូរ២ថ្ងៃម្តង។
មិនអាចស្វែងរកការបំភ្លឺបានទេពីម្ចាស់ផ្ទះសំណាក់ V2នេះ កាលពីព្រឹកថ្ងៃទី២៥ តុលា។ ប៉ុន្តែលោកស៊ាន សុណាល់ បានប្រាប់ថា ការិយាល័យរបស់លោកនឹងធ្វើរបាយការណ៍ទៅជូនលោកស្នងការ ដែលកន្លងមកម្ចាស់ផ្ទះសំណាក់នេះ មិនបានផ្តល់កិច្ចសហការជាមួយសមត្ថកិច្ចឡើយ។ ទោះជាបែបណាការបង្ក្រាបខាងលើនេះសមត្ថកិច្ចដកហូតបានម៉ាទឹកកក១កញ្ចប់តូចពីជនសង្ស័យ និងកំពុងកសាងសំណុំរឿងបញ្ជូនទៅតុលាការ៕
ចែករំលែកព័តមាននេះ