ខេត្តកំពង់ចាម ៖ សហគមន៍កសិកម្មទុរេនបែកអន្លូងស្ទឹងត្រង់ បានប្រកាសកាលពីថ្ងៃទី៧ ខែឧសភានេះថា ដោយសង្កេតឃើញថា នាពេលកន្លងទៅមានចរន្តលក់ដូរទុរេនមួយចំនួននៅតាមបណ្តាក្រុង រាជធានីខេត្តបានផ្សព្វផ្សាយលក់ដោយអះអាង ថាជាទុរេនបែកអន្លូងយ៉ាងកក្រឹកកក្រេងទៅដល់អ្នកបរិភោគ ជាពិសេសតាមបណ្តញាសង្គម…
ខេត្តកំពង់ចាម ៖ សហគមន៍កសិកម្មទុរេនបែកអន្លូងស្ទឹងត្រង់ បានប្រកាសកាលពីថ្ងៃទី៧ ខែឧសភានេះថា ដោយសង្កេតឃើញថា នាពេលកន្លងទៅមានចរន្តលក់ដូរទុរេនមួយចំនួននៅតាមបណ្តាក្រុង រាជធានីខេត្តបានផ្សព្វផ្សាយលក់ដោយអះអាង ថាជាទុរេនបែកអន្លូងយ៉ាងកក្រឹកកក្រេងទៅដល់អ្នកបរិភោគ ជាពិសេសតាមបណ្តញាសង្គម ដែលទាំងនេះវាធ្វើឱ្យប៉ះពាល់ដល់កសិករដាំទុរេនខាងបែកអន្លូងទាំងមូល ។
សូមបងប្អូននិយមបរិភោគទុរេនបានឱ្យដឹងថា ដោយមានការដាក់លក់ទុរេនមិនមានប្រភពច្បាស់លាស់ ឬអាចនាំចូលពីប្រទេសជិតខាងដែលចិនមិនអនុញ្ញាតឱ្យចូលក៏ថាបាន ដែលទាំងនេះអាចប៉ះពាល់សុខភាពអ្នកញាំបាន ។
ដូច្នេះសហគមន៍កសិកម្មទុរេនបែកអន្លូងស្ទឹងត្រង់ បានបញ្ជាក់ថា គិតត្រឹមថ្ងៃទី៧ ខែឧសភា ទុរេនបែកអន្លូង ទុរេនមានប្រភពពីតំបន់បែកអន្លូងភាគច្រើន មិនទាន់ដល់ពេលប្រមូលផលឡើយ។ ករណីពូជទុរេនមាន់ថង ដែលអាចកាត់បាន គឺមានបរិមាណតិចតួចបំផុតដែលអាចដាក់លក់បាន ។
សូមបងប្អូនដែលនិយមបរិភោគទុរេនបែកអន្លូងមេត្តាជ្រើសរើសទិញដោយពិចារណា ដើម្បីសុខុមាលភាពសាច់ញាតិ និងខ្លួនឯងផ្ទាល់»។ សហគមន៍កសិកម្មដែលមានមូលដ្ឋាននៅកំពង់ចាម បានណែនាំយ៉ាងដូច្នេះ៕
ចែករំលែកព័តមាននេះ