ចាប់តាំងពីខែកក្កដា ឆ្នាំ២០០៦ អង្គការជនពិការអន្តរជាតិបែលហ្សិក និងក្រសួងមហាផ្ទៃ បានសម្រេចចិត្តណែនាំឧបករណ៍ប្រព័ន្ធកំណត់ទីតាំងភូគោល (GPS) ទៅដល់នគរបាលចរាចរណ៍ផ្លូវគោកនៅគ្រប់ខេត្ត។ បច្ចេកវិទ្យា GPS អាចកំណត់ទីតាំងគ្រោះថ្នាក់នៅលើបណ្តាញផ្លូវក្នុងប្រទេសកម្ពុជា បានយ៉ាងស្រួល ឆាប់រហ័ស និងត្រឹមត្រូវ ដោយប្រើប្រព័ន្ធព័ត៌មានភូមិសាស្ត្រ (GIS)
ចាប់តាំងពីខែកក្កដា ឆ្នាំ២០០៦ អង្គការជនពិការអន្តរជាតិបែលហ្សិក និងក្រសួងមហាផ្ទៃ បានសម្រេចចិត្តណែនាំឧបករណ៍ប្រព័ន្ធកំណត់ទីតាំងភូគោល (GPS) ទៅដល់នគរបាលចរាចរណ៍ផ្លូវគោកនៅគ្រប់ខេត្ត។ បច្ចេកវិទ្យា GPS អាចកំណត់ទីតាំងគ្រោះថ្នាក់នៅលើបណ្តាញផ្លូវក្នុងប្រទេសកម្ពុជាបានយ៉ាងស្រួល ឆាប់រហ័ស និងត្រឹមត្រូវ ដោយប្រើប្រព័ន្ធព័ត៌មានភូមិសាស្ត្រ (GIS) ។ ទិន្នន័យទាំងនោះបានប្រើដើម្បីកំណត់ទីតាំង ដែលមានចំនួនគ្រោះថ្នាក់ អ្នកស្លាប់ ឬរបួសច្រើនជាងគេ និងប្រើប្រាស់ដើម្បីសិក្សាពីលក្ខណៈនៃគ្រោះថ្នាក់។ ប្រព័ន្ធក៏អាចជួយឱ្យយើងបង្កើតផែនការសកម្មភាពអាទិភាព ដើម្បីកែលម្អលក្ខខណ្ឌផ្លូវ ឬការគ្រប់គ្រងទីតាំងដែលប្រកបដោយគ្រោះថ្នាក់ ដោយអនុវត្តវិធីសាស្ត្រសមស្របចំពោះទីតាំងទាំងនោះ។
ពាក្យ «ជើងកប» នៅក្នុងរបាយការណ៍នេះ បានកំណត់ថា នៅលើកំណាត់ផ្លូវមួយ ដែលមានចំនួនគ្រោះថ្នាក់, អ្នកស្លាប់, ជនរងគ្រោះច្រើនជាងគេ ក្នុងរយៈពេលមួយឆ្នាំ ក្នុងតំបន់ដែលបានជ្រើសរើស ដូចជារាជធានីភ្នំពេញ ឬបណ្តាខេត្តនានា។ ផ្អែកលើនិយមន័យនេះទីតាំងជើងកប បានកំណត់នៅរាជធានីភ្នំពេញ ខេត្តកំពង់ចាម ខេត្តកណ្តាល និងខេត្តសៀមរាប។ ផែនទីខាងក្រោមបង្ហាញពីទីតាំងគ្រោះថ្នាក់ម៉ូតូ ជនរងគ្រោះជាថ្មើរជើង ជនរងគ្រោះជាសិស្ស គ្រោះថ្នាក់បង្កដោយការបើកបរក្រោមឥទ្ធិពលជាតិស្រវឹង គ្រោះថ្នាក់បង្កដោយការបើកបរហួសល្បឿនកំណត់ និងជនរងគ្រោះមិនពាក់មួកសុវត្ថិភាព ។
ភ្នំពេញ
*ទីតាំង៣ ដែលមានចំនួនគ្រោះថ្នាក់ម៉ូតូច្រើនជាងគេ
-ផ្លូវជាតិលេខ៤ ភូមិជំពូវ័ន្ទ និងភូមិព្រៃព្រីងជើង សង្កាត់ចោមចៅ ខណ្ឌដង្កោ រាជធានីភ្នំពេញ
-មហាវិថីសហព័ន្ធរុស្ស៊ី ភូមិព្រៃជីសាក់ សង្កាត់ចោមចៅ ខណ្ឌដង្កោ រាជធានីភ្នំពេញ
-មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ
*ទីតាំងដែលមានចំនួនជនរងគ្រោះជាសិស្សច្រើនជាងគេ
-មហាវិថីសហព័ន្ធរុស្ស៊ី ភូមិក្បាលដំរី សង្កាត់កាកាប ខណ្ឌដង្កោ រាជធានីភ្នំពេញ
*ទីតាំង៣ ដែលមានចំនួនជនរងគ្រោះមិនពាក់មួកសុវត្ថិភាព នៅពេលគ្រោះថ្នាក់ច្រើនជាងគេ
-មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ
-ផ្លូវជាតិលេខ៦A ភូមិទី៣ សង្កាត់ជ្រោយចង្វា ខណ្ឌឫស្សីកែវ រាជធានីភ្នំពេញ
-ផ្លូវជាតិលេខ៤ ភូមិព្រៃព្រីងជើង សង្កាត់ចោមចៅ ខណ្ឌដង្កោ រាជធានីភ្នំពេញ
*ទីតាំងដែលមានចំនួនគ្រោះថ្នាក់បង្កដោយការបើកបរហួសល្បឿនកំណត់ច្រើនជាងគេ
-ផ្លូវជាតិលេខ៦A ភូមិទី៣ សង្កាត់ជ្រោយចង្វា ខណ្ឌឫស្សីកែវ រាជធានីភ្នំពេញ
ចែករំលែកព័តមាននេះ