រាជធានីភ្នំពេញ ៖ យុវជន៣នាក់បានរងរបួសធ្ងន់ និងស្រាល ខណៈពេលនាំគ្នាទៅផឹកស្រាក្រឡុកនៅផ្សារទួលពង្រ ភូមិត្រពាំងរំចេក សង្កាត់ចោមចៅ ខណ្ឌដង្កោ ត្រូវយុវជន២នាក់ស្គាល់មុខ តែមិនស្គាល់ឈ្មោះយកកាំបិតប៉័ងតោ សម្រាប់កា.ប់ដូងមកកា.ប់ បណ្តាលឱ្យរងរបួសកាលពីវេលាម៉ោង៦និង២០នាទីល្ងាចថ្ងៃទី១៩ តុលា ២០១១។
រាជធានីភ្នំពេញ ៖ យុវជន៣នាក់បានរងរបួសធ្ងន់ និងស្រាល ខណៈពេលនាំគ្នាទៅផឹកស្រាក្រឡុកនៅផ្សារទួលពង្រ ភូមិត្រពាំងរំចេក សង្កាត់ចោមចៅ ខណ្ឌដង្កោ ត្រូវយុវជន២នាក់ស្គាល់មុខ តែមិនស្គាល់ឈ្មោះយកកាំបិតប៉័ងតោ សម្រាប់កាប់ដូងមកកាប់ បណ្តាលឱ្យរងរបួសកាលពីវេលាម៉ោង៦និង២០នាទីល្ងាចថ្ងៃទី១៩ តុលា ២០១១។
ជនរងគ្រោះឈ្មោះចុន ប៊ុយ អាយុ២២ឆ្នាំ ជាកម្មកររោងចក្រកាត់ដេរទួលពង្រ មានស្រុកកំណើតនៅភូមិត្រាំងទ្រា ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ ត្រូវបានជនដៃដល់កាប់ចំឆ្អឹងជំនីរខាងឆ្វេងធ្លាយពោះវៀន និងកាប់បាក់.កដៃឆ្វេង ចំណែកជនរងគ្រោះម្នាក់ទៀតឈ្មោះឆេង ភឿន អាយុ២៣ឆ្នាំ ធ្វើការជាមួយគ្នា មានស្រុកកំណើតនៅភូមិព្រៃទូក ឃុំអង្កាញ់ ស្រុកត្រាំង ខេត្តតាកែវ រងរបួសបែកក្បាលមួយកាំបិត និងស្មាខាងស្តាំមួយកាំបិត រីឯម្នាក់ទៀតរងរបួសស្រាល។
ប្រភពព័ត៌មានពីជនរងគ្រោះបានឱ្យដឹងថា មុនពេលកើតហេតុក្រុមរបស់គេមានគ្នា៤នាក់បាននាំគ្នាទៅផឹកស្រាក្រឡុក គឺស្រាសលាយជាមួយទឹកដូង នៅក្នុងផ្ទះល្វែងមួយនៅផ្សារទួលពង្រ។ ខណៈពេលទៅដល់ក្នុងផ្ទះរបស់អ្នកលក់ស្រានោះ ស្រាប់តែមានយុវជន២នាក់ទៀតស្គាល់មុខតែមិនស្គាល់ឈ្មោះកំពុងអង្គុយផឹកនៅក្នុងផ្ទះនោះដែរ។ ចំណែកក្រុមរបស់គេពេលចូលទៅដល់មិនទាន់បានផឹកស្រាផង មិត្ដភក្ដិរបស់គេម្នាក់បានដើរទៅបន្ទប់ទឹក នៅសល់តែគ្នា៣នាក់ រំពេចនោះមិនដឹងជាយ៉ាងម៉េច ស្រាប់តែយុវជន២នាក់នោះបានងើប ហើយស្ទុះយកកាំបិតប៉័ងតោមកកាប់លើឈ្មោះចុន ប៊ុយ និងឈ្មោះ ឆេង ភឿន ម្នាក់២កាំបិត រួចហើយទៅកាប់មិត្ដភក្ដិម្នាក់ទៀត ប៉ុន្ដែរត់គេចរួចរងរបួសស្រាល។ រីឯមិត្ដភក្ដិម្នាក់ទៀតដែលចូលបន្ទប់ទឹកមិនមានរងរបួសអ្វីនោះទេ ។
ប្រភពដដែលបានបន្ដទៀតថា ពេលដែលជនដៃដល់ធ្វើសកម្មភាពកាប់នោះ ជនរងគ្រោះបាននាំគ្នារត់គេចខ្លួន ដោយ២នាក់រងរបួសធ្ងន់រត់បានចំងាយ១០០ម៉ែត្រក៏សន្លប់បាត់ស្មារតី ចំណែកឯជនដៃដល់បាននាំគ្នារត់គេចបាត់ស្រមោល។ ជនរងគ្រោះ២នាក់នោះត្រូវបានគេបញ្ជូនទៅព្យាបាលនៅមន្ទីរពេទ្យព្រះកុសុមៈទាំងយប់ ដោយម្នាក់ៗដេរជាង២០ថ្នេរ។
ទាក់ទិននឹងការកាប់សម្លាប់នេះ ខាងជនរងគ្រោះបាននិយាយថា ពួកគេមិនដែលមានគំនុំ ឬក៏ទំនាស់ជាមួយគ្នានោះទេកន្លងមក ប៉ុន្ដែជនដៃដល់ជាមនុស្សដែលស្គាល់មុខតែមិនស្គាល់ ឈ្មោះ ៕
ចែករំលែកព័តមាននេះ