តម្លៃប្រេងកាលពីថ្ងៃទី១១ តុលា មានសភាពចុះឡើង បន្ទាប់ពី OPEC បានកាត់បន្ថយការព្យាកររបស់ខ្លូនលើតម្រូវការពិភពលោកសម្រាប់ឆ្នាំនេះ ហើយថែមទាំងនិយាយថា វាក៏គ្មានការរំពឹងថាកើនឡើងអ្វីដែរក្នុងឆ្នាំ២០១២។
បន្ទាប់ពីការធ្លាក់ចុះក្នុងជំនួញនាពេលថ្មីៗ នេះតម្លៃប្រេងក្នុងផ្សារហ៊ុនក៏កើនឡើង៤០សេន គឺមានតម្លៃ៨៥,៨១ដុល្លារក្នុងមួយបារ៉ែល ក្នុងទីក្រុងញូវយ៉ក។ តម្លៃប្រេងបានកើនឡើង៦ថ្ងៃជាប់គ្នាព្រោះ ការភ័យខ្លាចថា សេដ្ឋកិច្ចពិភពលោកកំពុងដាំក្បាលទៅរកការធ្លាក់ចុះម្តងទៀត តែក៏មានក្តីសង្ឃឹមពីជំហានទៅមុខក្នុងការដោះស្រាយវិបត្តិប្រាក់បំណុលអឺរ៉ុប។
ក្នុងការជួញដូរនាព្រឹកថ្ងៃទី១២ តុលា តាមការព្យាករពី OPEC ថា តម្រូវការប្រេងធ្លាក់ចុះ បានជម្រុញឱ្យតម្លៃកាន់តែចុះទាប ប៉ុន្តែតម្លៃប្រេងក៏កើនឡើងជាបន្តបន្ទាប់ព្រមគ្នាជាមួយផ្សារហ៊ុន។
លោក Walter Zimmerman អ្នកវិភាគរបស់ ICAP និយាយថា ផ្សារហ៊ុនបានធ្វើឱ្យតម្លៃប្រេងកើនឡើង។ ផ្សារហ៊ុនត្រូវបានប្រើប្រាស់ដោយពាណិជ្ជករប្រេង និងជាវត្ថុវាស់កម្រិតក្តីសង្ឃឹមនៃសេដ្ឋកិច្ច។
OPEC និយាយកាលពីថ្ងៃទី១១ តុលា ថា សេដ្ឋកិច្ចពិភពលោកទន់ខ្សោយ បានធ្វើឱ្យមាន តម្រូវការប្រេង ជាពិសេសប្រទេសអភិវឌ្ឍន៍។ ពេលសេដ្ឋកិច្ចដើរយឺតតម្រូវការប្រេងក៏ធ្លាក់ចុះ ពីព្រោះអ្នកបើកបរថយន្តទិញប្រេងតិចតួច ម្ចាស់នាវាទិញប្រេងម៉ាស៊ូតតិច ហើយអ្នកដំណើរបែរជាស្នាក់នៅផ្ទះ ដំណើរយន្តហោះក៏ធ្លាក់ចុះ។
OPEC តម្រូវការប្រេងមានប្រហែល១៨០.០០០បារ៉ែលក្នុងមួយថ្ងៃ តិចជាងការព្យាករសម្រាប់ឆ្នាំ២០១១ ហើយនៅឆ្នាំ២០១២ តម្រូវការប្រេងមានតែមួយសែនបារ៉ែលក្នុងមួយថ្ងៃ។ តម្រូវការប្រេងក្នុងប្រទេសអភិវឌ្ឍន៍នឹងធ្លាក់ចុះឬត្រូវការតិចតួច ប៉ុន្តែតម្រូវការប្រេងក្នុងប្រទេសកំពុងអភិឌ្ឍន៍ក្នុងទ្វីបអាស៊ីបានជំរុញឱ្យចំនួនតម្រូវការប្រេងកើនឡើងខ្ពស់។
OPEC បន្តថា គោលនយោបាយគ្រប់គ្រង ការកើនឡើងនៃចំនួនប្រេងប្រើប្រាស់របស់ចិន និងឥណ្ឌា នឹងនាំឱ្យតម្រូវការចុះទាបក្នុងប្រទេសទាំងនោះ៕
ចែករំលែកព័តមាននេះ