ក្រុងប៉ោយប៉ែត ៖ ប្តី និងប្រពន្ធបានរងរបួស ចំណែកកូនប្រុសស្រីពីរនាក់រួចខ្លួនក្នុងគ្រោះថ្នាក់ចរាចរណ៍មួយ បានកើតឡើងកាលពីវេលាម៉ោង១១ និង៣០នាទី ថ្ងៃទី៥ តុលា នៅលើចំណុចផ្លូវជាតិលេខ៥ ស្ថិតក្នុងភូមិស្ទឹងបត់ សង្កាត់ប៉ោយប៉ែត។
ក្រុងប៉ោយប៉ែត ៖ ប្តី និងប្រពន្ធបានរងរបួស ចំណែកកូនប្រុសស្រីពីរនាក់រួចខ្លួនក្នុងគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង១១ និង៣០នាទី ថ្ងៃទី៥ តុលា នៅលើចំណុចផ្លូវជាតិលេខ៥ ស្ថិតក្នុងភូមិស្ទឹងបត់ សង្កាត់ប៉ោយប៉ែត។
តាមការបំភ្លឺពីសមត្ថកិច្ចប៉ូលិសចរាចរបានឱ្យដឹងថា ករណីគ្រោះថ្នាក់ចរាចរណ៍នេះបានកើតឡើង ខណៈពីរនាក់ប្តី ប្រពន្ធជិះម៉ូតូសេ១២៥ ស៊េរី២០០៥ ពណ៌ខ្មៅមួយគ្រឿងឌុបទាំងកូន២នាក់តូចៗផង បានបើកស្របទិសគ្នាជាមួយនិងរថយន្តទួរីសមួយគ្រឿងបើកពីកើតទៅលិច។ លុះមកដល់ចំណុចកើតហេតុខាងលើរថយន្តនោះបត់ដោយមិនបានឱ្យភ្លើងសីុញូ៉ ក៏ត្រូវម៉ូតូនោះបុកពីក្រោយតែម្តង។ បុរសជាប្តីឈ្មោះប៊ុន យីម អាយុ៤១ឆ្នាំ បានរងរបួសជើងខាងឆ្វេងផងដែរ ចំណែកកូនប្រុស ស្រីរបស់ជនរងគ្រោះម្នាក់អាយុ៦ឆ្នាំ និងម្នាក់ទៀតអាយុ១៣ឆ្នាំ ដែលរួមដំណើរជាមួយអត់មានរងរបួសទេ។
សមត្ថកិច្ចបានបន្តថា ក្រោយពេលកើតហេតុរថយន្តនោះបានបើកគេចបាត់ទៅហើយមុនពេលសមត្ថកិច្ចទៅដល់ ។ ឯជនរងគ្រោះត្រូវបានសមត្ថកិច្ចហៅរថយន្តសង្គ្រោះមន្ទីរពេទ្យបង្អែកក្រុងឱ្យជួយដឹកយកទៅព្យាបាលជាបន្ទាន់ផងដែរ។ នេះជាមេរៀនជាក់ស្តែងមួយសម្រាប់អ្នកបើកបរយានយន្តមុនពេលបត់ឆ្វេង ឬស្តាំត្រូវតែឱ្យភ្លើងស៊ីញ៉ូ ដើម្បីអ្នកបើកបរពីក្រោយបានដឹង ៕
ចែករំលែកព័តមាននេះ