ខេត្តព្រះសីហនុ ៖ ការបើកបររថយន្តដោយសារតែខ្វះការប្រុងប្រយ័ត្នក្នុងពេលបើក បរ ក៏ដូចជាខ្វះការត្រួតពិនិត្យលក្ខណៈបច្ចេកទេសរថយន្តរបស់ ខ្លួនមុនពេលចេញដំណើរ ដូចជាត្រួតពិនិត្យកង់ ហ្វ្រាំង ជាដើម ជាហេតុបណ្តាលឱ្យក្លាយទៅជាអ្នកបង្កគ្រោះថ្នាក់ចរាចរណ៍ដល់ អ្នកដទៃនៅតាមដងផ្លូវសាធារណៈដែលកំពុងធ្វើដំណើរទាំងអស់គ្នា ។
ខេត្តព្រះសីហនុ ៖ ការបើកបររថយន្តដោយសារតែខ្វះការប្រុងប្រយ័ត្នក្នុងពេលបើកបរ ក៏ដូចជាខ្វះការត្រួតពិនិត្យលក្ខណៈបច្ចេកទេសរថយន្តរបស់ខ្លួនមុនពេលចេញដំណើរ ដូចជាត្រួតពិនិត្យកង់ ហ្វ្រាំង ជាដើម ជាហេតុបណ្តាលឱ្យក្លាយទៅជាអ្នកបង្កគ្រោះថ្នាក់ចរាចរណ៍ដល់អ្នកដទៃនៅតាមដងផ្លូវសាធារណៈដែលកំពុងធ្វើដំណើរទាំងអស់គ្នា។
ជាក់ស្តែងករណីគ្រោះថ្នាក់ចរាចរណ៍មួួយ បណ្តាលឱ្យមានការខូចខាតរថយន្តចំនួន៣គ្រឿង ប៉ុន្តែមិនបណ្តាលឱ្យមានមនុស្សរងរបួស ឬស្លាប់បាត់បង់ជីវិតឡើយ។ ហេតុការណ៍នេះ បានកើតឡើងនៅវេលាម៉ោង១១និង២២នាទី នៅចំណុចផ្លូវបំបែកភ្លើងស្តុបទល់មុខអនុវិទ្យាល័យសម្តេច ឪក្នុងភូមិសាស្ត្រសង្កាត់លេខ៣ ក្រុងព្រះសីហនុ។
តាមព័ត៌មានពីមន្ត្រីសមត្ថកិច្ចនគរបាលការិយាល័យចរាចរផ្លូវគោកនៃស្នងការដ្ឋាននគរបាលខេត្តបានឱ្យដឹងថា ករណីគ្រោះថ្នាក់ចរាចរណ៍ដែលបង្កឱ្យមានការខូចខាតរថយន្ត ខ្លះក្រពឹតមុខ ខ្លះក្រពឹតគូទ និងខ្លះធ្លាក់កាងនោះបង្កឡើងដោយរថយន្តម៉ាក BOGO FRONTIER ១តោនកន្លះ ពណ៌ទឹកប៊ិច ពាក់ស្លាកលេខ ភ្នំពេញ 2N-0598 បើកបរដោយឈ្មោះឡូឡាយ ស៊ីន ភេទប្រុស អាយុ៤៥ឆ្នាំ មានទីលំនៅក្រុមភូមិទី៩ ភូមិ១សង្កាត់លេខ៣ ក្រុង-ខេត្ត ព្រះសីហនុ។
រីឯរថយន្តដែលរងគ្រោះខូចខាតស្ថិតនៅចន្លោះកណ្តាលក្នុងចំណោមរថយន្តទាំង៣គ្រឿង ដែលរងការខូចខាតខ្លាំងជាងគេម៉ាកCOROLA ស៊េរី ៩៥ ពណ៌ស្លែ ពាក់ស្លាកលេខ 2A-1922 បើកបរដោយឈ្មោះអ៊ុយ សារិម ភេទប្រុស អាយុ៥១ឆ្នាំ មានទីលំនៅក្រុម១៨ ភូមិ៤ សង្កាត់លេខ៤ ក្រុង-ខេត្តព្រះសីហនុ។ ឯរថយន្តទី៣ ដែលរងការខូចខាតផ្នែកខាងក្រោយម៉ាក ហ៊ីយ៉ាន់ដាយ ប្រភេទទួរីស១២កៅអី ពណ៌ស ពាក់ស្លាកលេខភ្នំពេញ 2A-3892 ជារថយន្តដឹកសិស្សសាលាឯកជន Home of English បើកបរដោយឈ្មោះឈិត ហូហន ភេទប្រុស អាយុ៣៦ មានទីលំនៅ សង្កាត់ចតុមុខ ខណ្ឌដូនពេញ រាជធានីភ្នំពេញ។
សាក្សីបានឱ្យដឹងថា មុនពេលកើតហេតុគេឃើញរថយន្តដឹកសិស្សម៉ាក ហីុយ៉ាន់ដាយ ទួរីស១២កៅអី ដឹកសិស្សសាលាឯកជនខាងលើ ពេលមកដល់ចំណុចភ្លើងស្តុបត្រង់ផ្លូវបំបែក អនុវិទ្យាល័យសម្តេចឪពេលនោះសញ្ញាភ្លើងស្តុបពណ៌ក្រហម រថយន្តដឹកសិស្សក៏ឈប់ហើយមានរថយន្តម៉ាក COROLA ពណ៌ស្លែ មកឈប់បន្តពីក្រោយ។ ស្រាប់តែគេឃើញរថយន្តម៉ាក BOGO FRONTIER ចំណុះ១តោនកន្លះ បើតាមបណ្តោយវិថីឯករាជ្យ ពីកើតទៅលិច លុះបើកបរមកដល់ចំណុចភ្លើងស្តុបកន្លែងកើតហេតុ ដែលមានរថយន្ត២គ្រឿង កំពុងតែឈប់តាមស្លាកសញ្ញាភ្លើងស្តុបពណ៌ក្រហម ស្រាប់តែរថយន្តម៉ាក BOGO FRONTIER បានជ្រុលល្បឿនទៅបុកគូទរថយន្តម៉ាក COROLA ពេញទំហឹង ហើយរថយន្ត COROLA ក៏រអីលទៅបុករថយន្ត ម៉ាកហ៊ីយ៉ានដាយ ដែលឈប់នៅពីមុខបន្តទៀត បណ្តាលឱ្យរងការខូចខាតរថយន្តទាំង៣គ្រឿង ប៉ុន្តែពុំមានមនុស្សស្លាប់ ឬរបួសទេ។
មន្ត្រីសមត្ថកិច្ចនគរបាលការិយាល័យចរាចរណ៍ផ្លូវគោកបានឱ្យដឹងទៀតថា ករណីខាងលើនេះ បណ្តាលមកពីរថយន្ត BOGOFRONTIER ហ្វ្រាំងមិនស៊ីទើបបុកបន្តគ្នាបែបនេះ ក្រោយពេលកើតហេតុម្ចាស់រថយន្តបង្កបានសម្របសម្រួលដោយយករថយន្តដែលរងការខូចខាតទៅជួសជុលដើម្បីបញ្ចប់រឿង៕
ចែករំលែកព័តមាននេះ