កីឡាករជើងចាស់របស់ក្រុមជម្រើសជាតិបារាំង ហ្ស៊ីដាន បានថ្លែងប្រាប់អេ-ភីកាលពីថ្ងៃអង្គារ ទី៤ តុលា ថា ៖ លោកចង់ក្លាយទៅជាគ្រូបង្វឹកក្រុមជម្រើសជាតិបារាំងនៅពេលអនាគតដ៏ខ្លីខាងមុខនេះ ។
កាលពីដើមឆ្នាំ២០១១ កីឡាករវ័យចំណាស់ត្រូវបានតែងតាំងជាទីប្រឹក្សាបាល់ទាត់បារាំង ហើយពេលនេះ គាត់បានបង្ហាញមហិច្ឆតាថ្មីមួយទៀតគឺចង់ក្លាយទៅជាគ្រូបង្វឹកក្រុមជម្រើសជាតិថែមទៀត។
នៅក្នុងកិច្ចសម្ភាសន៍ជាមួយកាសែតបារាំង Le Parisien កីឡាកររូបនេះបាននិយាយថា ៖ ហេតុអ្វីក៏ខ្ញុំមិនអាចក្លាយទៅជាគ្រូបង្វឹកក្រុមជម្រើសជាតិបាន? វាមិនមែនជារឿងអាក្រក់នោះទេ ហើយអ្វីៗសុទ្ធតែអាចទៅរួចទាំងអស់ ឱ្យតែយើងមានឆន្ទៈចង់ធ្វើ ។ ជាការឆ្លើយតបទៅនឹងបំណងប្រាថ្នារបស់កីឡាករហ្ស៊ីដាន លោក Laurent Blanc គ្រូបង្វឹកក្រុមជម្រើសជាតិបារាំងបច្ចុប្បន្នបាននិយាយថា ៖ ប្រសិនបើ ហ្ស៊ីដាន មានមហិច្ឆតាពិតប្រាកដចង់ធ្វើជាគ្រូបង្វឹកមែននោះ ខ្ញុំជឿជាក់ថា គាត់អាចធ្វើបាន ពីព្រោះគាត់មានបទពិសោធន៍ច្រើនទាក់ទងទៅនឹងបច្ចេកទេសបាលទាត់ ។
គួររំលឹកដែរថា កីឡាករហ្ស៊ីដាន បានបញ្ចប់អាជីពទាត់បាល់ក្នុងក្រុមជម្រើសជាតិកាលពីឆ្នាំ២០០៦ ហើយបច្ចុប្បន្នលោកគឺជានាយកគ្រប់គ្រង និងជាទីប្រឹក្សារបស់ក្លឹប Real M៕
ចែករំលែកព័តមាននេះ