​​​*ក្លឹប​​​ Valencia សម្រេច​កិច្ចព្រម​ព្រៀង​​​​លក់​​កីឡាករ​​ជួន ម៉ាតា ​ឱ្យ​ក្លឹប​ Chelsea

​ក្លឹប Valencia បាន​បញ្ជាក់​​​តាមរយៈ​វ៉េបសាយ​​របស់ក្លឹប​ថា តម្លៃ​ខ្លួន​របស់​​កីឡា​ករ​ជួន ​ម៉ា​តា ​​អាយុ​២៣​ឆ្នាំ គឺ​៣០​​លានអឺរ៉ូ ។ កាលពី​មុននេះ ​កីឡា​ករ​​​ជួន ម៉ា​តា ​​ខ្សែបម្រើ​​​ក្រុម​ជម្រើស​ជាតិ​អេស្ប៉ាញ​​របស់​ក្លឹប Valencia ធ្លាប់ទទួលចំណាប់​អារម្មណ៍​​ពី​ក្លឹប Arsenal ​និង​ Liverpool  ​ជា​ក្លឹប​​​ល្បី​​នៅអង់គ្លេស ប៉ុន្តែ​ក្នុងអំឡុង​ពេល​ចុង​​ក្រោយនេះ ​គេ​បាន​ទៅ​លើ​ក្លឹប Chelsea ។ ​កីឡាករ​​ម៉ាតា គឺជា​​ផ្នែក​មួយ​ក្នុង​ក្រុម​ជម្រើស​ជាតិ​​អេស្ប៉ាញ​​ដែល​ដណ្តើម​ជើង​ឯក​​​បាល់​ទាត់ពិភពលោក​​២០១០ ​នៅអាហ្វ្រិក​​ខាង​ត្បូង ​។ គេក៏​ជា​ប្រធាន​ក្រុមជម្រើស​ជាតិ​​អេស្ប៉ាញ​អាយុ​ក្រោម​២១​ឆ្នាំ ដែលដណ្តើម​​ជើង​ឯក​​​ទ្វីបអឺរ៉ុប​ក្នុងឆ្នាំ​២០១១​ដែរ ។

*ហង្សក្រហម​​ Liverpool ត្រៀម​ទិញ​ខ្សែ​ប្រយុទ្ធ​​​ខេវិន ដល ​របស់ក្លឹប​ Wolves

លោកគេននី ​ដល​គ្លីស ​​គ្រូបង្វឹក​ក្លឹប Liverpool ត្រៀម​ពិចារណា​ទិញ​កីឡាករ​​​ខេវិន ​ដល ខ្សែ​ប្រយុទ្ធ​ក្លឹប​​ Wolves សម្រាប់​​ពង្រឹង​​​ក្លឹប​​នៅ​មុនពេលទីផ្សារ​​ទិញ-​លក់ កីឡាករ​​ក្នុង​​រដូវ​កាល​នេះ បិទនៅថ្ងៃ​ទី៣១​ សីហា ។ ក្លឹប Liverpool ​បានបញ្ជូន​ភ្នាក់ងារ​​ទៅ​ឃ្លាំ​មើល​​លក្ខណៈ​​​លេង​របស់កីឡាករ​​​ខេ​វិន ដល​នៅឯ​ទឹក​ដី​​ក្លឹប Wolves កាលពី​​យប់​ថ្ងៃ​ទី២១ សីហា ​​ដែលក្លឹប Wolves ឈ្នះក្លឹប Fulham 2-0 ក្នុង​ការ​ប្រកួតក្របខណ្ឌ​​​ប្រឺមីញេលីក ។ ឥរិយា​បថ​របស់ក្លឹប Liverpool ​ធ្វើ​​ឱ្យ​ទីភ្នាក់ងារ សារព័ត៌​មាន​​ដេលី ស្តារ ​របស់អង់គ្លេស​​​រំពឹង​ទុ​ក​ថា ក្លឹប​អាច​ចំណាយ​ប្រាក់​១០​លានផោន​​ទិញ​​ខ្សែ​ប្រយុទ្ធ​​ក្រុមជម្រើស​ជាតិ​អៀរឡង់មកពង្រឹង​ ក្លឹប ។

*ក្លឹប Mallaca ​អាច​ចំណាយ​២២​លាន​ផោនទិញ​​កីឡាករ​​ឌីមីថា ប៊ឺ​បាតូវ របស់ក្លឹប Man Utd

Mallaca ​ជាក្លឹប​​ល្បីនៅ​​ក្របខណ្ឌ​​បាល់​ទាត់​​ Laliga អេស្ប៉ាញ​​មានគម្រោង​​ចំណាយ​ប្រាក់ ២២​លាន​ផោន ​ទិញ​កីឡាករ​ឌីមីថា ប៊ឺបាតូវ ខ្សែ​ប្រយុទ្ធ​​វ័យចំណាស់របស់ក្លឹប Man Utd ទៅ​លេង​​ឱ្យក្លឹប​នៅ​មុន​ពេល​បិទ​ទីផ្សារ​នៅដំណាច់​​​ខែសីហា​ខាងមុខ ។ មួយរយៈ​ពេលចុង​ក្រោយ​នេះ មានរបាយ​ការណ៍​​បញ្ជាក់​ឱ្យ​ដឹងថា ​ប្រធានក្លឹប Mallaca យល់ព្រម​​អនុម័ត​​ថវិកា​២២​លាន​ផោន​ក្នុងការ​ទិញ​កីឡាករឌីមីថា ប៊ឺបាតូវ ដើម្បី​​ពង្រឹង​ក្លឹប​ក្នុង​រដូវ​​កាលថ្មី​នៅមុន​ពេលទីផ្សារ​​ទិញ-លក់​កីឡា​ករ​​នឹងបិទនៅ​ថ្ងៃទី៣១ សីហា ។

*Arsenal ដាក់សំណើ​​ ១២​លាន​​ផោន ​ទិញ​កីឡាករ​ហ្គែរី ខេហ៊ីល ​​ខ្សែការពារ​​ក្លឹប Boltons

ទីភ្នាក់​ងារ​​សាន់ដេ ​​មីរ័រ ​​របស់ក្លឹប​​អង់គ្លេស​​​ផ្សាយថា ​ក្លឹប Arsenal បានបង្កើត​​សំណើ​​​ទិញ​កីឡាករ​​ហ្គែរី ខេ​ហ៊ីល ខ្សែ​ការពារ​ក្លឹប Bolton នៅ​មុនពេលបិទ​ទីផ្សារ​​ទិញ-​លក់កីឡា​ករ​​នៅ ថ្ងៃទី៣១ សីហា ។ ​កាលពីថ្ងៃទី២៥ សីហា ​Arsenal បាន​បដិសេធ​​​ដាក់សំណើ​​តម្លៃ​៦​លានផោន ទិញ​កីឡាករខេហ៊ីល ​​ធ្វើ​ឱ្យ​ក្លឹប Bolton ខឹង​ ព្រោះ​​​ប្រៀប​ដូចជា​មើលស្រាល​លើ​ក្លឹប​ ប៉ុន្តែ​ជា​ចុង​ក្រោយនេះ Arsenal ​ហាក់​ដូចជា​មានចិត្ត​ចង់​​បានកីឡាករ​​អាយុ​២៥ឆ្នាំ​រូប​​នេះ ​ក្រោយពី​ខ្សែការ​ពារ​នៅក្នុង​ក្លឹបរងរបួស​ជាច្រើន​នាក់ ។
​សម្រាប់​​សំណើ​របស់​​ Arsenal ជាថ្នូរ​នឹង​​កីឡាករ​​ខេហ៊ីល ​គឺ១២​លានផោន ​បូក​នឹង​​លក្ខ​ខណ្ឌ​​​បង្កើន​ដល់​​១៥​លាន​ផោន ​ដោយ​អាស្រ័យ​​លើ​ជោគជ័យ​​ក្នុងការ​លេង​ឱ្យក្លឹប​ក្នុង​កិច្ច​សន្យា​រយៈ​ពេល៥ឆ្នាំ ៕