យោងទៅតាមប្រភពព័ត៌មានអេភីចេញ ផ្សាយកាលពីថ្ងៃទី៣០ សីហា បានឱ្យដឹងថា ៖ អ្នកស្រី Dilma Rousseff ប្រធានាធិបតីប្រេស៊ីល បានចេញសេចក្តីថ្លែងការណ៍សន្យាជាមួយ FIFA ថា ពហុកីឡដ្ឋានចំនួន១២ដែលត្រូវទទួលធ្វើការប្រកួតបាល់ទាត់ពិភពលោកឆ្នាំ២០១៤ នឹងត្រូវបញ្ចប់ជាស្ថាពរនៅដំណាច់ឆ្នាំ២០១៣ ។
យោងទៅតាមប្រភពព័ត៌មានអេភីចេញ ផ្សាយកាលពីថ្ងៃទី៣០ សីហា បានឱ្យដឹងថា ៖ អ្នកស្រី Dilma Rousseff ប្រធានាធិបតីប្រេស៊ីល បានចេញសេចក្តីថ្លែងការណ៍សន្យាជាមួយ FIFA ថា ពហុកីឡដ្ឋានចំនួន១២ដែលត្រូវទទួលធ្វើការប្រកួតបាល់ទាត់ពិភពលោកឆ្នាំ២០១៤ នឹងត្រូវបញ្ចប់ជាស្ថាពរនៅដំណាច់ឆ្នាំ២០១៣ ។
អ្នកស្រីបានបន្តថា ៖ ពហុកីឡដ្ឋានចំនួន៩គ្រោង នឹងកែលំអឱ្យបានរួចរាល់ត្រឹមខែធ្នូ ឆ្នាំ២០១២ ហើយពហុកីឡដ្ឋានចំនួន៣ទៀត នឹងត្រូវបញ្ចប់នៅឆ្នាំ២០១៣ គឺរយៈពេល១ឆ្នាំមុនបើកការប្រកួតជាផ្លូវការ ។
ការអះអាងរបស់អ្នកស្រីបានផ្តើមចេញក្រោយពីសហព័ន្ធបាល់ទាត់អន្តរជាតិ FIFA បង្ហាញពីក្តីកង្វល់ខ្លះៗទៅលើដំណើរការកសាងហេដ្ឋារចនាសម្ព័ន្ធដែលមានការយឺតយ៉ាវ ជាពិសេសគឺការកែលំអចំណតអាកាសយានដ្ឋានតែម្តង។
ទាក់ទិនទៅនឹងការយឺតយ៉ាវក្នុងការកែលំអចំណតអាកាសយានដ្ឋាននេះ លោកស្រីបានប្រាប់អេ ភីឱ្យដឹងបន្ថែមទៀតថា ៖ «លោកស្រីពិតជាទទួលស្គាល់ភាពយឺតយ៉ាវនេះ ពីព្រោះការងារនេះវាមានទំហំធំធេងពេក»។ ទោះបីជាយ៉ាងណាក៏ដោយ ជាចុងក្រោយលោកស្រីបានធ្វើសេចក្តីសន្តិដ្ឋានចុងក្រោយថា ប្រទេសប្រេស៊ីលនឹងខិតខំប្រឹងប្រែងបន្ថែមទៀត ដើម្បីបញ្ចប់ក្តីបារម្ភរបស់ FIFA ហើយក៏ដើម្បីកិត្តិយសរបស់ប្រទេសប្រេស៊ីលផងដែរ៕
ចែករំលែកព័តមាននេះ