ប្រធានក្លឹបកាំភ្លើងធំ Arsenal បង្ហាញពីការទទួលខុសត្រូវរបស់ខ្លួនដោយប្រគល់ប្រាក់ថ្លៃសំបុត្រចូលទស្សនាដល់អ្នកគាំទ្រដែលធ្វើដំណើរមកអបអរក្លឹបជាទីស្រឡាញ់របស់ខ្លួនដែលចាញ់ក្លឹបបិសាចក្រហម Man Utd ក្នុងលទ្ធផល៨-២ កាលពីយប់ថ្ងៃទី២៨ សីហា ។ កីឡាកររ៉ូប៊ីន វ៉ាន់ពើស៊ី បានសម្តែងអំណរគុណដល់អ្នកគាំទ្រដែលបាន
ប្រធានក្លឹបកាំភ្លើងធំ Arsenal បង្ហាញពីការទទួលខុសត្រូវរបស់ខ្លួនដោយប្រគល់ប្រាក់ថ្លៃសំបុត្រចូលទស្សនាដល់អ្នកគាំទ្រដែលធ្វើដំណើរមកអបអរក្លឹបជាទីស្រឡាញ់របស់ខ្លួនដែលចាញ់ក្លឹបបិសាចក្រហម Man Utd ក្នុងលទ្ធផល៨-២ កាលពីយប់ថ្ងៃទី២៨ សីហា ។ កីឡាកររ៉ូប៊ីន វ៉ាន់ពើស៊ី បានសម្តែងអំណរគុណដល់អ្នកគាំទ្រដែលបានស្រែកផ្តល់កម្លាំងចិត្តជារឿយៗដល់ក្រុម Arsenalពេលកំពុងប្រកួតជួបនឹងក្តីអស់សង្ឃឹម។
ចាត់ទុកថាជារឿងសោកសៅបំផុតរបស់ក្លឹប Arsenal ដែលធ្វើដំណើរទៅប្រកួតចាញ់ក្លឹប Man Utd ៨-២ កាលពីថ្ងៃទី២៨ សីហា កន្លងទៅ បណ្តាលឱ្យអ្នកគាំទ្រក្លឹបដែលចូលរួមទស្សនាមានការខកបំណង ។ ទោះជាយ៉ាងណាក៏ដោយ ប្រធានក្លឹបកាំភ្លើងធំ Arsenal មានគម្រោងលើកស្ទួយកម្លាំងចិត្តដល់អ្នកគាំទ្រជាថ្មីដោយប្រគល់ប្រាក់ថ្លៃសំបុត្រនិងថ្លៃធ្វើដំណើរដល់អ្នកគាំទ្រជាង៣.០០០នាក់ រួមទាំងត្រៀមបញ្ចុះថ្លៃសំបុត្រក្នុងការប្រកួតបាល់ទាត់នៅក្រៅទឹកដីនាពេលខាងមុខទៀតផង ។
ចំណែកកីឡាករវ៉ាន់ ពើស៊ី ប្រធានក្រុម Arsenal បង្ហាញពីការបន្ធូរបន្ថយក្តីអស់សង្ឃឹមខាងលើ ដោយសម្តែងអំណរគុណដល់អ្នកគាំទ្រដែលបានផ្តល់ជាកម្លាំងចិត្តដល់ក្លឹប Arsenal ក្នុងពេលប្រកួតចាញ់ក្លឹប Man Utd នៅក្រៅទឹកដី ៕
ចែករំលែកព័តមាននេះ