តារាម៉ូដែល​របស់​ទស្សនាវដ្តី ​Glamour​ ដែលត្រូវ​ជាអតីត​សង្សារ​លោក ​Mutassim​ ហៅ Playboy​ កូន​ប្រុស​​របស់មេដឹក​នាំលីប៊ី​កំពុង​​រត់គេចខ្លួន​កា​​ដាហ្វី​ នោះ​ ​បាន​និយាយ​ថា​ ​នាង​ត្រូវ​​បាន​ក្រុម​ឧទ្ទាមចាប់​ខ្លួន ​ឃុំ​ឃាំង​​មួយរយៈ​ ​ប៉ុន្តែ​សំណាង​ល្អ​​​​ នាង​ត្រូវ​​​រត់រួច​វិញ​ ខណៈពួក​​ឧទ្ទាម​គំរាម​នាងថាដុត​ទាំងរស់។ ​ ​

នាងTalitha Van Zon បានរស់នៅជាមួយ Mutassim Gaddafi ជាង​មួយសប្តាហ៍​ក្នុង​​ឱកាស​អបអរសាទរចំពោះជ័យជម្នះលើក្រុម​ឧទ្ទាម។ ប៉ុន្តែ​ក្រោយ​មក​ ក្រុមឧទ្ទាមដែល​មាន​ការជួយគាំទ្រពីអង្គការណាតូ បាន​បើក​ការ​វាយ​ប្រហារលើទីក្រុងទ្រីប៉ូលី​ ហើយ​ដណ្តើម​​កាន់​កាប់​ទីក្រុង​​ទ្រីប៉ូលីទាំងមូល ធ្វើ​​ឱ្យ​​​រូបនា​ងត្រូវ​​ចាប់
ខ្លួន បន្ទាប់​ពី​នាង​ព្យាយាមរត់ ចាកចេញពី​ប្រទេស ​ប៉ុន្តែ​​​ត្រូវ​បរាជ័យ ហើយ​ពួក​ឧទ្ទាម​បាន​​បង្ខំ​​នាង​ឱ្យ​ត្រឡប់ក្រោយចូល​ស្នាក់​នៅ​ក្នុង​សណ្ឋាគារ​មួយ​ក្នុង​នាម​ជាជនភៀសខ្លួន។ ខណៈ​ពេល​រស់នៅ​​ជាជនភៀសខ្លួន​​ តារាម៉ូដែលម្នាក់​នេះ​ត្រូវបាន​យាមកាម​​តឹង​តែង​ពីក្រុមឧទ្ទាម ​ធ្វើ​ឱ្យ​នាងមានការភ័យខ្លាចថា ក្រុម​ឧទ្ទាម​នឹង​ដុត​នាង​ទាំងរស់។ ប៉ុន្តែ​សំណាង​ល្អ ពេលនាង​ស្នាក់​នៅក្នុងមន្ទីរពេទ្យព្យា​បាលរបួស នាង​ស្រាប់តែ​មាន​​ឱកាស​គេចខ្លួន ហើយ​រត់​​ចាកចេញ​​​ផុតពី​ប្រទេស​លីប៊ី​។

នាង talifha Vanzon បាន​និយាយថា​ វា​ជា​លើកទីមួយហើយ​ដែលខ្ញុំបាន​ជួប​​ប្រទះ​រឿង​រន្ធត់​​​បែបនេះ​ចាប់តាំងពីមានអំពើបះបោរកាលពី​ខែ​កុម្ភៈ ក្នុង​​ប្រទេស​លីប៊ី ខណៈ​ដែលនាង​បាន​ប្រា​ស្រ័យ​ទាក់​ទង​ស្នេហា​ជាមួយ​លោក Mutassim Gaddafi កូន​ប្រុស​ដែល​ក្រុម​ឧទ្ទាម​​តាមប្រមាញ់​កាដាហ្វី​។ ​នាង​រំលឹក​​​ពីអនុស្សា​វរីយ៍ ថា គាត់​មាន​ពុកមាត់ គាត់អង្គុយលើសាឡុងនិង​មាន ​កាំភ្លើង គាត់ត្រូវបានគេយាមកាមការពារ​ពី​យុវជន​អាយុប្រហែល១៦ឆ្នាំដែលមានកាំភ្លើង​យន្តនៅ​ក្នុងដៃ។

នាងមានចំណងស្នេហាជាមួយ​Mutassim Gaddafi កូនប្រុស​មេ​ដឹក​នាំ​លីប៊ី ​តាំងពីឆ្នាំ២០០៤ តែមានអនុស្សាវរីយ៍តែ៣​ខែ ​ប៉ុណ្ណោះ ដោយសារអតីតមិត្តប្រុសនេះមានស្រី​ផ្សេងទៀត​ ប៉ុន្តែ​ទោះជាយ៉ាង​ណា​ពួកគេនៅតែ​ជា​មិត្តល្អនឹងគ្នាដដែល​។

នាងបានរំលឹកពីអនុស្សាវរីយ៍ដ៏ផ្អែមល្ហែមជាមួយMutassim​ទៀត​ថា​ នាងបានដើរជុំវិញពិភព​លោក ដូចជានៅម៉ូណាកូ នាងបានទៅទស្សនា​ការ​​ប្រណាំង​រថយន្តកាំជ្រួចលើវាល​រាប និង​បានចូលរួមពិធីជប់លៀងដែលមានការចូលរួមពីម្ចាស់ក្សត្រីCaroline ។​ ក្នុងពេលបុណ្យ​គ្រីស្មាស នាងបានទៅដល់កោះSaint Bart ក្នុង​ដែ​ន​​ដី​សមុទ្រការីបៀន និងបានធ្វើដំណើរ​ដោយ​​យន្ត​ហោះBoeing ឯកជន។ ពេលនាងនិង Mutassimនៅទីក្រុងប៉ា​រីស និង​ក្រុង​ឡុងដ៍​ នាង​បាន​ទៅស្នាក់នៅក្នុងសណ្ឋាគារថ្លៃ​បំផុត។ ​នាង​បានសួរ Mutassim ថា តើថ្លៃប៉ុន្មាន? គាត់សញ្ជឹងបន្តិចរួចឆ្លើយថា ប្រហែល២លាន​ដុល្លារ។ នាងសួរទៀតថា សំរាប់ការ​ស្នាក់នៅ​រយៈ​ពេល​មួយឆ្នាំ​មែនទេ​? គាត់ថា ទេ សំរាប់​មួយ​​ខែ…អ្ហា៎ពិតជា​ថ្លៃ​មែន​។

កាដូ​របស់កូនប្រុសហ្គាដាហ្វីផ្តល់ឱ្យ​នាងគឺ កា​បូបមាន​តម្លៃ​ល្បីឈ្មោះ​ម៉ាក​ Louis Vuitton និងនាឡិកាថ្លៃ។ ពេលនេះនាងបានទៅដល់​ប្រទេសម៉ាល់​តាតាមនាវាមនុស្សធម៌កាលពីថ្ងៃ​សុក្រ ទី២៦​ សីហា ២០១១​៕​