ខេត្តបាត់ដំបង ៖ កាលពីថ្ងៃទី២៧ សីហា ឆ្នាំ២០១១ នៅទីស្នាក់ការគណបក្សប្រជាជនកម្ពុជាឃុំកំពង់ព្រះ ស្រុកសង្កែ ខេត្តបាត់ដំបង បានប្រារព្ធបើកអង្គប្រជុំបូកសរុបការងារប្រចាំខែ កក្កដា-សីហា ឆ្នាំ២០១១ ក្រោមអធិបតីភាពលោកចៅ សុធី អនុប្រធានក្រុមការងារចុះជួយស្រុកសង្កែទទួលបន្ទុកឃុំកំពង់ព្រះ និងលោក
ខេត្តបាត់ដំបង ៖ កាលពីថ្ងៃទី២៧ សីហា ឆ្នាំ២០១១ នៅទីស្នាក់ការគណបក្សប្រជាជនកម្ពុជាឃុំកំពង់ព្រះ ស្រុកសង្កែ ខេត្តបាត់ដំបង បានប្រារព្ធបើកអង្គប្រជុំបូកសរុបការងារប្រចាំខែកក្កដា-សីហា ឆ្នាំ២០១១ ក្រោមអធិបតីភាពលោកចៅ សុធី អនុប្រធានក្រុមការងារចុះជួយស្រុកសង្កែទទួលបន្ទុកឃុំកំពង់ព្រះ និងលោកម៉ោញ កំសាន្ត ប្រធានក្រុមការងារចុះជួយឃុំកំពង់ព្រះ ព្រមទាំងសមាជិកក្រុមការងារគណបក្សឃុំ សាខាបក្ស ភូមិទាំង៦ សាខាបក្សគ្រូបង្រៀន និងក្រុមសម្ព័ន្ធយុវជនឃុំ សរុបចំនួន៧០នាក់ ។
កិច្ចប្រជុំបានវាយតម្លៃខ្ពស់ទៅលើលទ្ធផលការងារទទួលបានជោគជ័យលើការធ្វើបច្ចុប្បន្នភាពសមាជិកបក្ស ការអនវុត្តគោលនយោបាយរបស់រាជរដ្ឋាបាលលើចលនា ប្រជាការពារភូមិ-ឃុំ មានសុវត្ថិភាពទទួលបានសន្តិសុខ និងស្ថិរភាពទាំងស្រុង ។ ក្រៅពីនេះប្រជាពលរដ្ឋនៅទូទាំងឃុំកំពង់ព្រះបានសម្តែងទឹកចិត្តអបអរសាទរ និងគាំទ្រទាំងស្រុងចំពោះសេចក្តីប្រកាសលេខ០១ របស់រាជរដ្ឋាភិបាលក្នុងការទប់ស្កាត់បទល្មើសនេសាទដែលកន្លងមកនេះប្រជាពលរដ្ឋបានជួបការលំបាកក្នុងការនេសាទជាលក្ខណៈគ្រួសារដែលត្រូវបានក្រុមឈ្មួញឡូត៍នេសាទរាំងខ្ទប់ពង្រាយធ្នស់ និងដាក់ណរ៉ាវជាដើម ។
លោកចៅ សុធី បានស្ងើចសរសើរ និងថ្លែងអំណរគុណចំពោះការខិតខំប្រឹងប្រែងរបស់សមាជិកក្រុមការងារ និងសាខាបក្សភូមិ-ឃុំទាំងអស់ ដែលសម្រេចបានស្នាដៃយ៉ាងធំធេងនេះ ហើយត្រូវបន្តជំរុញដល់សមាជិកបក្សទៅពិនិត្យបញ្ជីបោះឆ្នោត និងចុះឈ្មោះបោះឆ្នោតឱ្យបានគ្រប់ៗគ្នាដែលនឹងចាប់ផ្តើមពីថ្ងៃទី១ កញ្ញា ឆ្នាំ២០១១ តទៅ ។ ជាមួយគ្នានេះដែរ ក្រុមការងារបានជួយរំលែកដល់ការខ្វះខាតរបស់សាខាបក្សភូមិ-ឃុំ និងសមាជិកចូលរួមដោយបានផ្តល់នូវថវិកាសរុប ១.៥០០.០០០រៀល លោកម៉ោញ កំសាន្ត បានផ្តល់សម្លៀកបំពាក់កីឡាដល់សម្ព័ន្ធយុវជនឃុំ ចំនួន១២សម្រាប់ផងដែរ ៕
ចែករំលែកព័តមាននេះ