រាជធានីភ្នំពេញ ៖ ជនសង្ស័យឆក់២នាក់ ត្រូវបានកម្លាំងនគរបាលខណ្ឌឬស្សីកែវ សហការជាមួយនគរបាលប៉ុស្តិ៍ទួលសង្កែទី២ ស្រាវជ្រៅឃាត់ខ្លួន បន្ទាប់ពីធ្វើសកម្មភាពលួចមានស្ថានទម្ងន់ទោសដោយប្រើហិង្សា(ឆក់ទូរស័ព្ទមួយគ្រឿងម៉ាកiphone13) នៅចំណុចផ្លូវ១៩២៨ក្រុមទី២ ភូមិគង្គាផុសសង្កាត់ទួលសង្កែទី២ខណ្ឌឫស្សីកែវ រាជធានីភ្នំពេញ…
រាជធានីភ្នំពេញ ៖ ជនសង្ស័យឆក់២នាក់ ត្រូវបានកម្លាំងនគរបាលខណ្ឌឬស្សីកែវ សហការជាមួយនគរបាលប៉ុស្តិ៍ទួលសង្កែទី២ ស្រាវជ្រៅឃាត់ខ្លួន បន្ទាប់ពីធ្វើសកម្មភាពលួចមានស្ថានទម្ងន់ទោសដោយប្រើហិង្សា(ឆក់ទូរស័ព្ទមួយគ្រឿងម៉ាកiphone13) នៅចំណុចផ្លូវ១៩២៨ក្រុមទី២ ភូមិគង្គាផុសសង្កាត់ទួលសង្កែទី២ខណ្ឌឫស្សីកែវ រាជធានីភ្នំពេញ បានប្រមោណជាង៥ម៉ោង។
ជនសង្ស័យដែលត្រូវឃាត់ខ្លួន១-ឈ្មោះ ម៉ាន គង្គា ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបន្ទប់ជួល ផ្លូវបេតុង ភូមិព្រៃទ្រា សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ (មានសារធាតុញៀន) ,២-ឈ្មោះ សុខ ពេជ្រ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបន្ទប់ជួល ផ្លូវបេតុង ភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ(មានសារធាតុញៀន) ។ ចំណែកជនរងគ្រោះជាម្ចាស់ទូរស័ព្ទ ឈ្មោះ ស៊ុំ សីរីវឌ្ឍនៈ ភេទស្រី អាយុ១៧ឆ្នាំ ជនជាតិខ្មែរ មុខរបរសិស្ស មានទីលំនៅចំណុចភូមិ ជំម្រៅ សង្កាត់គោករកា ខណ្ឌ ព្រែកព្នៅ រាជធានីភ្នំពេញ។
តាមនគរបាលបានអោយ ដឹងថា ជនសង្ស័យមានបក្សពួកចំនួន៣នាក់ជិះម៉ូតូ៣គ្រឿងបានធ្វើសកម្មភាពឆក់ទូរសព្ទរបស់ជនរងគ្រោះនៅចំណុច ផ្លូវ១៩២៨ក្រុមទី២ ភូមិគង្គាផុសសង្កាត់ទួលសង្កែទី២ខណ្ឌឫស្សីកែវ រាជធានីភ្នំពេញ នៅថ្ងៃទី០៥ ខែកក្កដា ឆ្នាំ២០២៥ វេលាម៉ោង១៣និង២០នាទីរសៀលខណៈពេលដែលជនរងគ្រោះជិះម៉ូតូមួយគ្រឿងជាមួយមិត្តភក្តិ។
នៅក្នុងសកម្មភាពសង្ស័យបានឆក់ទូរសព្ទម៉ាក iphone មួយគ្រឿងបានសម្រេចរួចពីជិះគេច ខ្លួនបាត។បន្ទាប់ពីរងគ្រោះដោយសារចោរឆក់ម្ចាស់ទូរស័ព្ទបានមកដាក់ពាក្យបណ្តឹង នៅប៉ុស្តិ៍នគរបាលទួលសង្កែទី ២ហើយត្រូវកម្លាំងនគរបាលប៉ុស្តិ៍សហការជាមួយនឹងនគរបាលខណ្ឌឫស្សិកែវបានធ្វើការស្រាវជ្រាវហើយឈានទៅឃាត់បានជនសង្ស័យបានចំនួន២នាក់នៅវេលាម៉ោង៥និង៣០នាទីល្ងាចថ្ងៃដដែល នៅចំណុចផ្លូវបេតុង សង្កាត់ពន្សាំង ខណ្ឌព្រែកព្នៅ រាជធានីភ្នំពេញរួចក៏នាំខ្លួនមកកាន់ប៉ុស្តិ៍នគរបាលទួលសង្កែទី២ដើម្បីសាកសួរ។
បន្ទាប់ពីឃាត់ខ្លួនសមត្ថកិច្ចដករហូតវត្ថុតាងរួមមានម៉ូតូចំនួន២គ្រឿង ០១គ្រឿងម៉ាកហុងដាសេ១២៥ ពណ៍ខ្មៅ ស៊េរីឆ្នាំ២០២៥ ពាក់ស្លាក់លេខភ្នំពេញ1LK-6642 (ជារបស់ជនសង្ស័យឈ្មោះម៉ាន គង្គា)និងគ្រឿងទៀតម៉ាកហុងដាសេ១២៥ ពណ៍ខ្មៅ ស៊េរីឆ្នាំ២០២៥ ពាក់ស្លាក់លេខភ្នំពេញ1LQ-1715(ជារបស់ជនសង្ស័យឈ្មោះសុខ ពេជ្រ)ព្រមទាំងទូរសព្ទ ចំនួន០២គ្រឿងម៉ាកredmi ពណ៍ខៀវ និងម៉ាកiphone12 ពណ៍ស។ចំណែកទូរសព្ទរបស់ជនរងគ្រោះពុំទាន ដកហូតបានឡើយត្រូវបានជនសង្ស័យប្រគល់ទៅឲ្យបក្សពួកម្នាក់ទៀតឈ្មោះ ឆ្រឹង ភេទប្រុស អាយុប្រហែល២៣ឆ្នាំ ជនជាតិខ្មែរ មានទីលំនៅសង្កាត់ទឹកថ្លា ខណ្ឌសែនសុខ បានគេចខ្លួនបាត់។
ជនសង្ស័យ ត្រូវបានសមត្ថកិច្ចបញ្ជូនទៅកាន់អធិការដ្ឋានដើម្បីកសាងសំណុំរឿងចាត់ការតាមច្បាប់៕
ចែករំលែកព័តមាននេះ