ខេត្តកំពត ៖ បុរសកើតអេដស៍ម្នាក់បានលោតទឹកក្នុងរណ្តៅដីមួយកន្លែងមានជម្រៅ ៣ម៉ែត្រសម្លា.ប់ខ្លួន កាលពីវេលាម៉ោង១១ព្រឹក ថ្ងៃទី២៩ សីហា។ បុរសដែលធ្វើអត្តឃាតនេះឈ្មោះស៊ុំ ស៊ិន អាយុ៤២ឆ្នាំ ប្រពន្ធឈ្មោះម៉ៅ គន្ធ អាយុ៤៥ឆ្នាំ មានកូន៣នាក់រស់នៅភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច។
ខេត្តកំពត ៖ បុរសកើតអេដស៍ម្នាក់បានលោតទឹកក្នុងរណ្តៅដីមួយកន្លែងមានជម្រៅ៣ម៉ែត្រសម្លាប់ខ្លួន កាលពីវេលាម៉ោង១១ព្រឹក ថ្ងៃទី២៩ សីហា។ បុរសដែលធ្វើអត្តឃាតនេះឈ្មោះស៊ុំ ស៊ិន អាយុ៤២ឆ្នាំ ប្រពន្ធឈ្មោះម៉ៅ គន្ធ អាយុ៤៥ឆ្នាំ មានកូន៣នាក់រស់នៅភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច។
តាមប្រភពព័ត៌មានពីមន្ត្រីសមត្ថកិច្ចប៉ូលិសបាននិយាយថា បុរសដែលបានធ្វើអត្តឃាតដោយលោតទឹកសម្លាប់ខ្លួននោះជាអ្នកកើតជំងឺអេដស៍មានមុខរបរជួយហៅអ្នកដំណើរដាក់រថយន្តតាក់ស៊ីនៅផ្សារកំពង់ត្រាច។ ប្តីប្រពន្ធនេះបានទាស់ទែងគ្នាជាញឹកញាប់ព្រោះតែផឹកស្រាស្រវឹងរាល់ថ្ងៃ។ នៅមុនពេលធ្វើអត្តឃាតទាំង២នាក់ប្តីប្រពន្ធបានបណ្តើរគ្នាមកពីផ្សារកំពង់ត្រាច លុះដើរមកជិតដល់ផ្ទះបុរសនោះបានអង្គុយអោបបង្គោលភ្លើងអគ្គិសនីហើយប្រពន្ធបានមកទាញដៃប្តីឱ្យក្រោកតែបុរសជាប្តីមិនព្រមងើបដើរទេ ទើបប្រពន្ធដើរទៅផ្ទះចោល។ មួយសន្ទុះក្រោយមកស្រាប់តែអ្នកភូមិបានស្រែកថា បុរសជាប្តីលង់ទឹកស្លាប់ហើយ។
លោកហ៊ូវ ដារ៉ា អធិការរងប៉ូលិសស្រុកបាននិយាយថា បុរសដែលលោតទឹកសម្លាប់ខ្លួននោះ គឺជាអ្នកកើតជំងឺអេដស៍ តែអ្វីដែលពិបាកភ្នែកមើលនោះគឺពួកកូនៗដែលនៅតូចហើយគ្មានប្រាក់សម្រាប់ធ្វើបុណ្យសពនោះទេ សូម្បីតែធ្វើរោងបុណ្យក៏គ្មានដែរ។
លោកស៊ីម សាខន មន្ត្រីប៉ូលិសចរាចរស្រុកបានជួយថវិកាធ្វើបុណ្យសពខ្លះហើយលោកលឹម ហុកសេង មេបញ្ជាការកងរាជអាវុធហត្ថស្រុកកំពង់ត្រាច ក៏បានជួយឧបត្ថម្ភដល់គ្រួសារនេះ នូវអង្ករ២០គីឡូក្រាម និងថវិកា១០ម៉ឺនរៀល ។ លោកមេបញ្ជាការនិយាយថា សម្រាប់ថវិកាប្រមាណប៉ុណ្ណេះ គឺវាតិចតួចណាស់ ប៉ុន្តែជាសន្តានចិត្តជួយគ្នាក្នុងគ្រាក្រលំបាក៕
ចែករំលែកព័តមាននេះ