កីឡាករអាល្លឺម៉ង់តូនី ម៉ាទីនបានយកឈ្នះណាក់ទី១០ប្រណាំងកង់កម្មវិធី Tour of Spain កាលពីថ្ងៃចន្ទទី២៩ខែសីហា។ ការប្រណាំងក្នុងដំណាក់នេះនៅជុំវិញទីក្រុងSalamanca ប្រទេសអេស្ប៉ាញ ។ ម៉ាទីនជាអ្នកជិះកង់ឲ្យក្រុម HTC-Highroad បានយកឈ្នះដំណាក់ដែលមានចម្ងាយផ្លូវ៤០គីឡូម៉ែត្រនៅធ្វើជុំវិញទីក្រុង Salamanca ប្រទេសអេស្ប៉ាញ។
កីឡាករអាល្លឺម៉ង់តូនី ម៉ាទីនបានយកឈ្នះណាក់ទី១០ប្រណាំងកង់កម្មវិធី Tour of Spain កាលពីថ្ងៃចន្ទទី២៩ខែសីហា។ ការប្រណាំងក្នុងដំណាក់នេះនៅជុំវិញទីក្រុងSalamanca ប្រទេសអេស្ប៉ាញ ។
ម៉ាទីនជាអ្នកជិះកង់ឲ្យក្រុម HTC-Highroad បានយកឈ្នះដំណាក់ដែលមានចម្ងាយផ្លូវ៤០គីឡូម៉ែត្រនៅធ្វើជុំវិញទីក្រុង Salamanca ប្រទេសអេស្ប៉ាញ។ ម៉ាទីនបញ្ចប់ដំណាក់នេះដោយប្រើអស់ថិរវេលា៥៥នាទីនិង៥៤វិនាទីយកឈ្នះកីឡាករអង់គ្លេសគ្រីស្តូហ្វ៊័រ ហ្វ្រ៊ូមជិះឲ្យក្រុម Sky Procycling ដែលបានប្រើថិរវេលាច្រើនជាង៥៩វិនាទីនិងបានយកឈ្នះកីឡាករអង់គ្លេសម្នាក់ទៀតឈ្មោះប្រ៊ែតលី វីកជីនជិះឲ្យក្រុម Sky Procycling ដែលបានប្រើថិរវេលាច្រើនជាង១នាទីនិង២២វិនាទី។
កីឡាករម៉ាទីនបញ្ជាក់ថា៖ «ពីដំបូងខ្ញុំមិនសង្ឃឹមថាយកឈ្នះដំណាក់នេះបានទេ។ ខ្ញុំគ្រាន់តែព្យាយាមធាក់កង់ទៅមុខតាមធម្មតាជាមួយកីឡាករវីកជីនដែលជាប្រធានក្រុម ប៉ុន្តែខ្ញុំទទួលបានថ្ងៃមួយដ៏អស្ចារ្យ។ ជ័យជម្នះលើកនេះបានផ្តល់នូវទំនុកចិត្តជាខ្លាំងចំពោះរូបខ្ញុំ។ ដំណាក់នេះវាប្រហាក់ប្រហែលគ្នានឹងការប្រណាំងនៅកូប៉េនហាក។ ដូច្នេះសម្រាប់ខ្ញុំយកឈ្នះមួយដំណាក់នៅទីនេះគឺពិតជាអស្ចារ្យសម្បើមណាស់»។
ទោះយ៉ាងណាក្តីជ័យជម្នះលើកនេះសម្រាប់កីឡាករម៉ាទីនមិនអាចជួយឲ្យគេនាំមុខនៅលើតារាងពេលវេលាសរុបបានឡើយ ដ្បិតកីឡាករអង់គ្លេសគ្រីស្តូហ្វ៊័រ ហ្វ្រ៊ូមដែលបានបញ្ចប់ដំណាក់ក្នុងចំណាត់ថ្នាក់លេខ២នោះសន្សំពេលវេលាបានល្អប្រសើរជាង។
ឆ្លងកាត់ការប្រណាំងចំនួន១០ដំណាក់មកនេះ ហ្វ្រ៊ូមបានប្រើអស់ថិរវេលាតិចជាងគេបំផុតគឺ៣៨ម៉ោង៩នាទីនិង១៣វិនាទីនាំមុខកីឡាករដាណឺម៉ាក Jakob Fuglsang ដែលប្រើថិរវេលាច្រើនជាង១២វិនាទី។ ឯកីឡាករអង់គ្លេសវីកជីនស្ថិតនៅលំដាប់ទី៣បន្ទាប់ពីបានប្រើថិរវេលាច្រើនជាង២០វិនាទី ។
ការប្រណាំងកម្មវិធី Tour of Spain ឆ្នាំនេះចែកចេញជា២១ដំណាក់ និងមានចម្ងាយផ្លូវសរុប៣.៣០០គីឡូម៉ែត្រ។ ដោយឡែកដំណាក់ទី១១ដែលជាដំណាក់បន្តមានចម្ងាយផ្លូវ១៧១គីឡូម៉ែត្រ។ ការប្រណាំងក្នុងដំណាក់នេះចេញដំណើរពីទីក្រុង Verín ឆ្ពោះទៅកាន់ទីក្រុង Estación de Montaña Manzaneda ប្រទេសអេស្ប៉ាញ៕
ចែករំលែកព័តមាននេះ