ខេត្តពោធិ៍សាត់ ៖ សមត្ថកិច្ចចម្រុះមានប៉ូលិស ប៉េអឹម មន្ត្រីរដ្ឋបាលព្រៃឈើ និងមន្ត្រីតុលាការបានឡោមព័ទ្ធផ្ទះមន្ត្រីប៉េអឹមម្នាក់ ដើម្បីចាប់រឹបអូសឈើគ្រញូងមួយគំនរធំ ដែលលាក់ទុកក្នុងលំនៅឋានជាយូរថ្ងៃមកហើយ កាលពីវេលាម៉ោង៤និង៣០នាទីរសៀលថ្ងៃទី២៨ សីហា ២០១១ ស្ថិតក្នុងភូមិឈើទាលខ្ពស់ ឃុំក្បាលត្រាច
ខេត្តពោធិ៍សាត់ ៖ សមត្ថកិច្ចចម្រុះមានប៉ូលិស ប៉េអឹម មន្ត្រីរដ្ឋបាលព្រៃឈើ និងមន្ត្រីតុលាការបានឡោមព័ទ្ធផ្ទះមន្ត្រីប៉េអឹមម្នាក់ ដើម្បីចាប់រឹបអូសឈើគ្រញូងមួយគំនរធំ ដែលលាក់ទុកក្នុងលំនៅឋានជាយូរថ្ងៃមកហើយ កាលពីវេលាម៉ោង៤និង៣០នាទីរសៀលថ្ងៃទី២៨ សីហា ២០១១ ស្ថិតក្នុងភូមិឈើទាលខ្ពស់ ឃុំក្បាលត្រាច ស្រុកក្រគរ បង្កឱ្យមានការភ្ញាក់ផ្អើលយ៉ាងខ្លាំងដោយសារតែផ្ទះនេះជាផ្ទះមន្ត្រីប៉េអឹមបង្ក្រាបបទល្មើស បែរជាខ្លួនឯងប្រព្រឹត្តបទល្មើសគួរឱ្យអាម៉ាស់ទៅវិញ ។
ម្ចាស់ឈើនេះ មានឈ្មោះស៊ីវ ប៊ុនគួយ ជាមន្ត្រីប៉េអឹមស្រុកក្រគរ ហើយឈើដែលលាក់ទុកនេះមានចំនួន២.២៦៨ដុំ ស្មើនឹង៩.៧១០គីឡូក្រាម គិតជាម៉ែត្រគូបជាង៨ម៉ែត្រគូប ត្រូវបានសមត្ថកិច្ចរឹបអូសយកទៅរក្សាទុកនៅស្នាក់ការផ្នែករដ្ឋបាលព្រៃឈើក្រគរ ខណៈលោកប៉េអឹម ម្ចាស់ឈើប្រណីតនេះ រត់គេចខ្លួនបាត់ទៅហើយ។ តាមសាក្សីនៅជុំវិញផ្ទះកើតហេតុ បានឱ្យដឹងថា លោកស៊ីវ ប៊ុនគួន នេះតែងតែចាប់ឈើពីឈ្មួញយកមកដាក់ផ្ទះខ្លួនឯង លុះបន្តិច
ម្តងៗឈើកើនឡើងច្រើនអញ្ចឹងទៅ គាត់បំភ្លៃឈើនេះធ្វើជារបស់ខ្លួនតែម្តងទៅ ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព ៕
ចែករំលែកព័តមាននេះ