អ្នកទទួលខុសត្រូវម្នាក់ខាងការរៀបចំបោះឆ្នោតសិង្ហបុរី រាយការណ៍កាលពីថ្ងៃទី២៨ សីហា ថា អតីតឧបនាយករដ្ឋមន្ត្រីសិង្ហបុរី លោកតូនីតាន់ ដណ្តើមបានជោគជ័យក្នុងការបោះឆ្នោតប្រធានាធិបតីសិង្ហបុរី កាលពីថ្ងៃទី២៧ សីហា កន្លងមកនេះ។ លោកតូនី តាន់ អាយុ៧១ឆ្នាំ ដណ្តើមបានសំឡេង៣៥,១៩% ក្នុងចំណោមបេក្ខជន៤រូប
អ្នកទទួលខុសត្រូវម្នាក់ខាងការរៀបចំបោះឆ្នោតសិង្ហបុរី រាយការណ៍កាលពីថ្ងៃទី២៨ សីហា ថា អតីតឧបនាយករដ្ឋមន្ត្រីសិង្ហបុរី លោកតូនីតាន់ ដណ្តើមបានជោគជ័យក្នុងការបោះឆ្នោតប្រធានាធិបតីសិង្ហបុរី កាលពីថ្ងៃទី២៧ សីហា កន្លងមកនេះ។
លោកតូនី តាន់ អាយុ៧១ឆ្នាំ ដណ្តើមបានសំឡេង៣៥,១៩% ក្នុងចំណោមបេក្ខជន៤រូប ដែលចូលរួមប្រកួតដោយមានសំឡេង លើសអតីតសមាជិកសភាគណបក្សកាន់អំណាច លោកតាន់ចេង បុក មិនដល់២%ផង។ លទ្ធផលនៃការបោះឆ្នោតនេះត្រូវបានប្រកាសក្រោយការរាប់សន្លឹកឆ្នោតឡើងវិញ កាលពីយប់ថ្ងៃទី២៧ សីហា និងព្រឹកថ្ងៃទី២៨ សីហា ក្រោយពីលទ្ធផលដំបូងបង្ហាញថា បេក្ខជនទាំង២រូប នេះមានសំឡេងប្រដំប្រសងគ្នាមក។
លោកតូនី តាន់ ជាសាស្ត្រាចារ្យសាកលវិទ្យាល័យជាតិសិង្ហបុរី មុនពេលចូលបម្រើការងារក្នុងធនាគារ OCBC ដែលលោកក្លាយជាអគ្គនាយកធនាគារនេះ ។ លោកបានចាកចេញពីធនាគារកាលពីឆ្នាំ១៩៧៩ ហើយចូលបម្រើក្នុងនយោបាយ។ លោកធ្លាប់ដឹកនាំក្រសួងជាច្រើន ក្នុងនោះមានក្រសួងអប់រំ ពាណិជ្ជកម្ម ឧស្សាហកម្ម និងហិរញ្ញវត្ថុ។ លោកបានចាកចេញពីរដ្ឋាភិបាលកាលពីឆ្នាំ១៩៩១ ដើម្បីវិលចូលធ្វើការក្នុងធនាគារ OCBC វិញ ។ លោកត្រូវបានតែងតាំងជាឧបនាយករដ្ឋមន្ត្រីកាលឆ្នាំ១៩៩៥ មុនពេលចូលនិវត្តន៍ ៕
ចែករំលែកព័តមាននេះ