កីឡាករអូស្ត្រាលីខាស៊ី ស្តូន័របានសម្តែងនូវក្តីត្រេកអរយ៉ាងខ្លាំងបន្ទាប់ពីបានយកឈ្នះការនាំមុខបណ្តោះអាសន្ននៃការប្រណាំងម៉ូតូជីភីកម្មវិធី Indianapolis Moto GP នៅទីលានប្រណាំង Indianapolis Motor Speedway ស្ថិតនៅទីក្រុងអ៊ីនឌីយ៉ាណាប៉ូលីសសហរដ្ឋអាមេរិកកាលពីសៅរ៍ទី២៧ ខែសីហាកន្លងមក ។
កីឡាករអូស្ត្រាលីខាស៊ី ស្តូន័របានសម្តែងនូវក្តីត្រេកអរយ៉ាងខ្លាំងបន្ទាប់ពីបានយកឈ្នះការនាំមុខបណ្តោះអាសន្ននៃការប្រណាំងម៉ូតូជីភីកម្មវិធី Indianapolis Moto GP នៅទីលានប្រណាំង Indianapolis Motor Speedway ស្ថិតនៅទីក្រុងអ៊ីនឌីយ៉ាណាប៉ូលីសសហរដ្ឋអាមេរិកកាលពីសៅរ៍ទី២៧ ខែសីហាកន្លងមក ។
ស្តូន័រដែលជាអ្នកបើកបរឲ្យក្រុមហុងដានិងកំពុងតែនាំមុខកីឡាករចច ឡូរ៉ឹនហ្សូ៣២ពិន្ទុនៅលើតារាងជើងឯកពិភពលោកបានបញ្ចប់ការប្រណាំងក្នុងថិរវេលា១នាទីនិង៣៨.៨៥០វិនាទីប្រជែងយកឈ្នះកីឡាករអាមេរិកបេន ស្ប៉ាយរបស់ក្រុមប្រណាំងយ៉ាម៉ាហាដែលបានបញ្ចប់ការប្រណាំងក្នុងចំណាត់ថ្នាក់ទី២។ ស្ប៉ាយប្រើអស់ថិរវេលា១នាទីនិង៣៩.៣៧៣វិនាទីគឺ០.៥២៣វិនាទីយឺតជាងកីឡាករស្តូន័រ ។ ចំណាត់ថ្នាក់ទី៣បានទៅលើកីឡាករជើងខ្លាំងមកពីអេស្ប៉ាញចច ឡូរ៉ឹនហ្សូ។ ឡូរ៉ឹនហ្សូដែលបើកបរឲ្យក្រុមយ៉ាម៉ាហាផងដែរនោះបានបញ្ចប់ការប្រណាំងក្នុងថិរវេលា១នាទីនិង៣៩.៦២៩វិនាទីពោលគឺ០.៧៧៩វិនាទីយឺតជាងស្តូន័រ។
កីឡាករអ៊ីតាលីអង់ឌ្រា ដូវីស៊ីយ៉ូសូដែលជាអ្នកបើកបរឲ្យក្រុមហុងដាបានបញ្ចប់ការប្រណាំងក្នុងលំដាប់ទី៥បន្ទាប់ពីបានប្រើអស់ថិរវេលា១នាទីនិង៤០.០២៤វិនាទីតាមពីក្រោយកីឡាករមិត្តរួមក្រុមសញ្ជាតិអេស្ប៉ាញដានី ប៉េដ្រូហ្សាដែលបានបញ្ចប់ការប្រណាំងក្នុងថិរវេលា១នាទីនិង៣៩.៩៤៧វិនាទី១.០៩៧វិនាទីយឺតជាងជាងកីឡាករស្តូន័រ។
ឯកីឡាករជើងខ្លាំងមកពីអ៊ីតាលីវ៉ាឡឹនទីណូ រ៉ូស៊ីបញ្ចប់ការប្រណាំងស្ថិតក្នុងចំណាត់ថ្នាក់ទី១៤។ កីឡាកររូបនេះបានប្រើអស់ថិរវេលា១នាទីនិង៤០.៩៧៥វិនាទីយឺតជាងកីឡាករស្តូន័រ២.១២៥វិនាទី។
ថ្លែងបន្ទាប់ពីទទួលបានជោគជ័យ ស្តូន័របានបញ្ជាក់ថា៖«បើមើលផ្លូវដែលយើងប្រណាំងក្នុងថ្ងៃនេះវាមិនទំនងទេដែលថាវាអាចធ្វើឲ្យមានការលំបាកនៅថ្ងៃស្អែកនោះ។ ប៉ុន្តែសម្រាប់ខ្ញុំគឺចូលចិត្តប្រណាំងនៅលើផ្លូវដែលស្ងួត។ ទោះជាយ៉ាងណាខ្ញុំបានត្រៀមខ្លួនរួចជាស្រេចក្នុងករណីមានភ្លៀងនៅថ្ងៃស្អែកដែលធ្វើឲ្យផ្លូវប្រណាំងសើម»។
ស្តូន័រដែលជាជើងឯកពិភពលោកឆ្នាំ២០០៧បានយកឈ្នះជើងឯកចំនួន៤លើករួចមកហើយនៅក្នុងការប្រណាំង៨លើកនៃរដូវកាលថ្មីនេះ៕
ចែករំលែកព័តមាននេះ