កីឡាករអាល្លឺម៉ង់សេបាស្ទៀន វេតទែលបានសម្តែងនូវក្តីរីករាយជាថ្មីទៀតបន្ទាប់ពីរូបគេបានយកឈ្នះការប្រណាំងបណ្តោះអាសន្នកម្មវិធីBelgian Formula One Grand Prix នៅទី លានប្រណាំងក្រុងSpa-Francorchampsប្រទេសបែលហ្ស៊ិកកាលពីថ្ងៃសៅរ៍ ទី២៧ ខែ សីហាកន្លងមក ។
កីឡាករអាល្លឺម៉ង់សេបាស្ទៀន វេតទែលបានសម្តែងនូវក្តីរីករាយជាថ្មីទៀតបន្ទាប់ពីរូបគេបានយកឈ្នះការប្រណាំងបណ្តោះអាសន្នកម្មវិធីBelgian Formula One Grand Prix នៅទី លានប្រណាំងក្រុងSpa-Francorchampsប្រទេសបែលហ្ស៊ិកកាលពីថ្ងៃសៅរ៍ ទី២៧ ខែ សីហាកន្លងមក ។
វេតទែលវ័យ២៤ឆ្នាំបើកបរឲ្យក្រុមប្រណាំងរេដប៊ុលបានបញ្ចប់ការប្រណាំងដោយប្រើអស់ថិរវេលា១នាទីនិង៤៨.២៩៨វិនាទីដណ្តើមបានការនាំមុខគេ ។ កីឡាករដែលបើកលឿនលំដាប់ទី២បានទៅលើកីឡាករអង់គ្លេសឡេវីស ហាមមីលតុន។ កីឡាករហាមមីលតុនដែលបើកបរឲ្យក្រុមម៉ាក់ឡារ៉ឹនបានបញ្ចប់ការប្រណាំងក្នុងថិរវេលា១នាទីនិង៤៨.៧៣០វិនាទីយឺតជាងវេតទែល០.៤៣២វិនាទី ។
ចំណែកកីឡាករដែលបើកលឿនលំដាប់ទី៣បានទៅលើម៉ាក វេបប៊័រ។ វេបប៊័រសញ្ជាតអង់គ្លេសបានបញ្ចប់ការប្រណាំងក្នុងថិរវេលា១នាទីនិង៤៩.៣៧៦វិនាទីពោលគឺ ១.០៧៨វិនាទីយឺតជាងវេតទែល។ សម្រាប់វេតទែលនេះគឺជាការនាំមុខបណ្តោះអាសន្នលើកទី៩ហើយនៅក្នុងរដូវកាលប្រណាំងឆ្នាំនេះ ។ កាលពីឆ្នាំទៅមិញនៅប្រទេសអូស្ត្រាលី វេតទែលក៏ធ្លាប់បាន នាំមុខបណ្តោះអាសន្នម្តងរួចមកហើយដែរ ប៉ុន្តែទីបំផុតគេនៅតែមិនអាចដណ្តើមបានជើងឯក។ កីឡាករបាតថុនក៏ដណ្តើមពានជើងឯកយកទៅបាត់ ។
ថ្លែងបន្ទាប់ដណ្តើមបានការនាំមុខគេ វេត ទែលបានបញ្ជាក់ថា៖ «នេះជាការបញ្ជាក់ពីជ័យជម្នះក្នុងវគ្គផ្តាច់ព្រ័ត្រ។ ពិតប្រាកដណាស់យើងនឹងឈ្នះការប្រណាំង។ នេះជាលទ្ធផលដែលយើងចង់បាន ហើយក៏ជាសញ្ញាល្អសម្រាប់ពួកយើងទាំងអស់គ្នានៅក្នុងក្រុម ។ ជ័យជម្នះក្នុងថ្ងៃនេះពិតជាធ្វើឲ្យខ្ញុំសប្បាយចិត្តជាខ្លាំង ។ យើងធ្វើបានល្អចាប់តាំងពីព្រឹកមកម្ល៉េះ ។ ខ្ញុំពេញចិត្តទីលានប្រណាំងនៅទីនេះជាខ្លាំង។ ដូច្នេះយើងនឹងចាំមើលលទ្ធផលនៅថ្ងៃស្អែក »។
ចំណែកកីឡាករអាល្លឺម៉ង់នីកូ រ៉ូបឺកបានបានបញ្ចប់ការប្រណំាំងក្នុងចំណាត់ថ្នាក់លេខ៥។ កីឡាករវ័យក្មេងរូបនេះបានសម្តែងការអស់សង្ឃឹមជាខ្លាំងចំពោះលទ្ធផលរបស់ខ្លួន ហើយថាការខិតខំប្រឹងប្រែងយ៉ាងអស់ពីសមត្ថភាពរបស់គេមិនគួរណាបានត្រឹមតែលេខ៥នោះទេ។ បញ្ចប់ការប្រណាំងលើកនេះរ៉ូបឺកប្រើពេលច្រើនជាងវេតទែល២.២៥៤វិនាទី តែទោះដូច្នេះក្តីប្រើប្រៀបធៀបទៅនឹងលទ្ធផលកាលពីខែមុន លើកនេះគឺពិតជាល្អប្រសើរជាង ៕
ចែករំលែកព័តមាននេះ