កីឡាកស៊ែរប៊ីណូវ៉ាក់ យ៉ូកូវិច អាចជួបប្រកួតជាមួយកីឡាករស្វ៊ីសរ៉ូជើ ហ្វេដឺរ័រនៅក្នុងវគ្គពាក់កណ្តាលផ្តាច់ព្រ័ត្រប្រកួតតឺន្នីសក្របខណ្ឌធំ US Open បន្ទាប់ពីលទ្ធផលនៃការបែងចែកក្រុមកាលពីថ្ងៃព្រហស្បតិ៍។ សូមបញ្ជាក់ថា នៅក្នុងការចាប់គូប្រកួត យ៉ូកូវិចត្រូវបានដាក់ក្នុងក្រុមជាមួយកីឡាករហ្វេដឺរ័រ។
កីឡាកស៊ែរប៊ីណូវ៉ាក់ យ៉ូកូវិច អាចជួបប្រកួតជាមួយកីឡាករស្វ៊ីសរ៉ូជើ ហ្វេដឺរ័រនៅក្នុងវគ្គពាក់កណ្តាលផ្តាច់ព្រ័ត្រប្រកួតតឺន្នីសក្របខណ្ឌធំ US Open បន្ទាប់ពីលទ្ធផលនៃការបែងចែកក្រុមកាលពីថ្ងៃព្រហស្បតិ៍។ សូមបញ្ជាក់ថា នៅក្នុងការចាប់គូប្រកួត យ៉ូកូវិចត្រូវបានដាក់ក្នុងក្រុមជាមួយកីឡាករហ្វេដឺរ័រ។
យ៉ូកូវិចដែលជាកីឡាករស្ថិតនៅលំដាប់កំពូលគេសម្រាប់ការប្រកួតដែលនឹងចាប់ផ្តើមនៅថ្ងៃទី២៩ ខែសីហានេះ ធ្លាប់ទទួលបរាជ័យតែ២លើកប៉ុណ្ណោះក្នុងរដូវកាលប្រកួតឆ្នាំ២០១១នេះ។ នៅឆ្នាំនេះយ៉ូកូវិចដណ្តើមបានពានជើងឯកក្របខណ្ឌធំចំនួន២រួចមកហើយ គឺក្របខណ្ឌ Australian Open និងក្របខណ្ឌWimbledon។
ចំណែកហ្វេដឺរ័រដែលធ្លាប់ដណ្តើមបានភាពល្បីល្បាញនៅទីលានប្រកួតFlushing Meadows៥លើកកន្លងមកនេះ នឹងចាប់ផ្តើមយុទ្ធនាការរបស់ខ្លួនដោយជួបប្រកួតជាមួយកីឡាករកូឡុំប៊ីសានទីយ៉ាហ្គោ ហ្ស៊ីរ៉ាល់ដូ។ កីឡាករការពារជើងឯកសញ្ជាតិអេស្ប៉ាញរ៉ាហ្វាអែល ណាដាល់ នឹងជួបប្រកួតបើកឆាកជាមួយកីឡាករកាហ្សាក់ស្ថានអ៊ែនឌ្រី ហ្គោលូបេវ។ តាមរយៈគេហទំព័ររបស់ US Open ណាដាល់បានថ្លែងថា៖«ខ្ញុំមានអារម្មណ៍រំភើបខ្លាំងណាស់ខ្ញុំនឹងប្រឹងប្រែងប្រកួតឱ្យអស់ពីសមត្ថភាពរបស់ខ្ញុំ។ ឆ្នាំទៅមិញគឺពិតជាឆ្នាំដ៏រំជួលចិត្តបំផុតសម្រាប់ខ្ញុំ។ កាលពីឆ្នាំទៅមិញខ្ញុំបានប្រកួតយ៉ាងអស់ពីសមត្ថភាព ហើយទីបំផុតខ្ញុំក៏ឈ្នះជើងឯក»។
កីឡាករលំដាប់ទី១របស់អង់គ្លេសអ៊ែនឌី មូរ៉េ នឹងជួបប្រកួតជាមួយកីឡាករឥណ្ឌាសំដេវ ដេវវ៉ារ៉ាម៉ាន់ ខណៈកីឡាករអាមេរិកម៉ាឌី ហ្វ៊ីស ជួបប្រកួតជាមួយកីឡាករអាល្លឺម៉ង់តូប៊ីអាសកាំកេ។ ម្ចាស់ជើងឯកក្របខណ្ឌ US Open ឆ្នាំ២០០៩ចូអានម៉ាទីន ឌែលប៉ូត្រូ ជួបប្រកួតជាមួយកីឡាករអ៊ីតាលីហ្វ៊ីលីពប៉ូ វ៉ូឡានឌ្រី។
ចំណែកការចាប់គូផ្នែកនារីវិញ កីឡាការិនីលំដាប់ទី១ពិភពលោកសញ្ជាតិដាណឺម៉ាកការ៉ូលីន វ៉ូនីអាកគី នឹងជួបប្រកួតជាមួយកីឡាការិនីអេស្ប៉ាញនូរីយ៉ា ឡាហ្គោស្តេរ៉ា វីវ៉េស។ សម្រាប់នាងវ៉ូនីអាកគី នេះគឺជាឱកាសចុងក្រោយរបស់នាងក្នុងយុទ្ធនាការដណ្តើមយកពានជើងឯកក្របខណ្ឌធំឆ្នាំ២០១១នេះ។ នាងម៉ារីយ៉ា សារ៉ាប៉ូវ៉ាដែលជាជើងឯកក្របខណ្ឌនេះកាលពីឆ្នាំ២០០៦ត្រូវជួបប្រកួតជាលើកដំបូងជាមួយកីឡាការិនីអង់គ្លេសហេតឌ័រ វ៉តសុន ខណៈនាងស៊េរីណា វីលៀមជួបជាមួយកីឡាការិនីស៊ែរប៊ីបូយ៉ាណា ហ្សូវ៉ាណូវស្គី ៕
ចែករំលែកព័តមាននេះ