ខេត្តបន្ទាយមានជ័យ ៖ រថយន្តកិនមីនតោនផ្ទុះ បណ្តាលឱ្យអ្នកជិះប្រុស-ស្រីជាកម្មករចំនួន៧នាក់រងរបួស ធ្ងន់ និងស្រាល។ ហេតុការណ៍នេះកើតឡើងនៅវេលាម៉ោង២រសៀលថ្ងៃទី២៣ សីហា នៅចំណុចព្រៃទ័ពសៀម ក្នុងភូមិដំណាក់កកោះ ឃុំស្វាយចេក ស្រុកស្វាយចេក។
ខេត្តបន្ទាយមានជ័យ ៖ រថយន្តកិនមីនតោនផ្ទុះ បណ្តាលឱ្យអ្នកជិះប្រុស-ស្រីជាកម្មករចំនួន៧នាក់រងរបួសធ្ងន់ និងស្រាល។ ហេតុការណ៍នេះកើតឡើងនៅវេលាម៉ោង២រសៀលថ្ងៃទី២៣ សីហា នៅចំណុចព្រៃទ័ពសៀម ក្នុងភូមិដំណាក់កកោះ ឃុំស្វាយចេក ស្រុកស្វាយចេក។
លោកសាក អាយុ៤១ឆ្នាំ ជាម្ចាស់ចំការកៅស៊ូនិយាយថា អ្នករងគ្រោះ ១-ឈ្មោះភា ភក្តី ភេទស្រី អាយុ១៨ឆ្នាំ របួសស្រាល ២-ឈ្មោះរ៉េត ស្រីរឺន ភេទស្រី អាយុ១៨ឆ្នាំ របួសស្រាល ៣-ឈ្មោះធា ផូ ភេទប្រុស អាយុ១៦ឆ្នាំ របួសធ្ងន់ និង៤-ឈ្មោះសុវ៉ាន់ ប៊ុនធឿន ភេទប្រុស អាយុ២២ឆ្នាំ របួសធ្ងន់ មុតក្រោមចង្កា និងខ្ទាំជាំខ្លួន។ អ្នកទាំង៤នោះ មានលំនៅក្នុងភូមិអន្លង់ស្វាយ ឃុំសិង្ហ ស្រុកអូរជ្រៅ ៥-ឈ្មោះស្រីលីន ភេទស្រី អាយុ១៨ឆ្នាំ របួសស្រាល មានទីលំនៅក្នុងភូមិថ្មី ស្រុកអូរជ្រៅ ៦-ឈ្មោះឆាំ សុនី ភេទប្រុស អាយុ១៧ឆ្នាំ របួសធ្ងន់បាក់ដើមដៃស្តាំ មានទីលំនៅក្នុងភូមិព្រហូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ និង៧-ឈ្មោះយឹម សុឡេង ភេទប្រុស អាយុ២៧ឆ្នាំ រស់នៅខេត្តកំពង់ចាម ជាអ្នកបើកបររថយន្តរបួសស្រាល។
ប្រភពព័ត៌មានដដែលបញ្ជាក់ថា ជារៀងរាល់ថ្ងៃកម្មករទាំងនោះតែងតែជិះរថយន្តទៅចំការពុំដែលមានបញ្ហាអ្វីទេ ប៉ុន្តែនៅថ្ងៃកើតហេតុ វេលាម៉ោង២រសៀលថ្ងៃទី២៣ សីហា កម្មករទាំងនោះជិះរថយន្តទៅចំការដាំដំណាំកៅស៊ូនៅភូមិដំណាក់កកោះ ឃុំស្វាយចេក ស្រាប់តែជាន់មីនតោនត្រង់កង់ខាងក្រោយផ្ទុះឡើង បណ្តាលឱ្យអ្នកជិះរបួស។ ចំពោះរថយន្តខូចខាតផងដែរ។ អ្នករបួសពេលនេះកំពុងសម្រាកព្យាបាល នៅមន្ទីរពេទ្យបង្អែកមិត្តភាពកម្ពុជា-ជប៉ុនមង្គលបុរី។
បើតាមការសន្និដ្ឋានគ្រាប់មីននោះនៅសេសសល់ពីសម័យសង្គ្រាម ហើយពីមុនមកមិនទាន់ផ្ទុះ ព្រោះនៅកប់ដីក្រាស់ លុះពេលត្រូវទឹកភ្លៀងច្រើនឆ្នាំដីស្តើង ស្របពេលរថយន្តដឹកធ្ងន់កិនក៏ផ្ទុះតែម្តង ៕
ចែករំលែកព័តមាននេះ