កីឡាករប្រដាល់មុខលុយហ្វ្លយ មេវេដឌ័រ(ធ្លាប់ប្រកួតឈ្នះ៤១លើក មិនដែលចាញ់ផ្តួលដៃគូឲ្យសន្លប់២៥លើក)បានអះអាងថាទង្វើគួរឲ្យស្អប់ខ្ពើមដែលខ្លួនបានប្រព្រឹត្តជាច្រើនខែកន្លងមកវាគ្រាន់តែជាសកម្មភាពធម្មតាមួយរបស់មនុស្សតែប៉ុណ្ណោះ។ នៅក្នុងឯកសារដែលទទួលបានដោយទស្សនាវដ្តី TMZ កីឡាករមេវេដឌ័រដែលគ្រោងនឹង
កីឡាករប្រដាល់មុខលុយហ្វ្លយ មេវេដឌ័រ(ធ្លាប់ប្រកួតឈ្នះ៤១លើក មិនដែលចាញ់ផ្តួលដៃគូឲ្យសន្លប់២៥លើក)បានអះអាងថាទង្វើគួរឲ្យស្អប់ខ្ពើមដែលខ្លួនបានប្រព្រឹត្តជាច្រើនខែកន្លងមកវាគ្រាន់តែជាសកម្មភាពធម្មតាមួយរបស់មនុស្សតែប៉ុណ្ណោះ។
នៅក្នុងឯកសារដែលទទួលបានដោយទស្សនាវដ្តី TMZ កីឡាករមេវេដឌ័រដែលគ្រោងនឹងជួបប្រកួតជាមួយកីឡាករវិចទ័រ អូទីសថ្ងៃទី១៧កញ្ញានៅសង្វៀន MGM Grandក្រុងឡាសវេហ្គាសសហរដ្ឋអាមេរិកបានអះអាងថា ទង្វើរបស់គេដែលក្នុងនោះរួមមានបោកដបស្រា ផឹកស៊ីក្នុងក្លឹបរាត្រី និងការដុតលុយចោលជាដើមគឺធ្វើឡើងដើម្បីទាក់ទាញអ្នកគាំទ្រនិងប្រកាសឲ្យសាធារណជនដឹងថារូបគេមកហើយ។
កីឡាករមេវេដឌ័រខ្លួនឯងផ្ទាល់បានទទួលស្គាល់ថា មានមនុស្សជាច្រើនស្អប់រូបគេ ប៉ុន្តែគេថារឿងនោះមិនមែនបានន័យថា ជារឿងអាក្រក់នោះទេ។ កីឡាកររូបនេះគិតថា រូបគេនៅតែស្ថិតនៅជួរមុខគេក្នុងវិស័យកីឡាប្រដាល់។ អ្វីដែលជាទម្ងន់ចំពោះការអះអាងរបស់មេវេដឌ័រគឺថា ទង្វើកន្លងមករបស់គេគ្រាន់តែជាសកម្មភាពមួយដែលបញ្ជាក់ថា ខ្លួនគេមិនមែនជាមនុស្សផឹកស្រា ជក់បារីឬក៏ប្រើប្រាស់ថ្នាំញឿននោះ។
ទោះជាមានការអះអាងយ៉ាងនេះក្តី ប៉ុន្តែអតីតស្តេចប្រដាល់ពិភពលោកមូហាមម៉ាត់ អាលីពិតជាពុំយល់ស្របដូច្នេះទេ។ លោកថា សកម្មភាពរបស់វេដឌ័រទាំងប៉ុន្មានមិនប្រាកដថាធ្វើឲ្យសាធារណជនស្គាល់រូបគេកាន់តែច្រើននោះឡើយ។
គួរកត់សម្គាល់ថា ស្ថិតនៅក្រៅសង្វៀនប្រកួតប៉ុន្មានឆ្នាំមកនេះ មេវេដឌ័របានពាក់ព័ន្ធក្នុងពាក្យបណ្តឹងជាច្រើនករណីដែលក្នុងនោះក៏មានពាក្យបណ្តឹងរដ្ឋប្បវេណីនិងឧក្រិដ្ឋផងដែរ។ ក្នុងពេលថ្មីៗបំផុតនេះ គេបានពាក់ព័ន្ធជាមួយពាក្យបណ្តឹងបង្ខូចកេរ្តិ៍ឈ្មោះមួយដែលប្តឹងដោយកីឡាករហ្វ៊ីលីពីនម៉ានី ប៉ាក់គីអាវ។ យ៉ាងនេះហើយក៏ដោយ ក៏គេមិនបានបង្ហាញមុខក្នុងតុលាការដែលកោះហៅជាលើកទី១កាលពីថ្ងៃទី១៧ខែមិថុនានោះទេ។ មេធាវីការពារក្តីប៉ាក់គីអាវបានដាក់កំណត់ឲ្យគេ២៤ថ្ងៃដើម្បីបង្ហាញមុខឆ្លើយការពារខ្លួនក្នុងតុលាការ។ អវត្តមាននេះត្រូវបានមេវេដឌ័រអះអាងថា ជាប់រវល់ហ្វឹកហាត់ត្រៀមប្រកួតជាមួយកីឡាករវិចទ័រ អូទីស នៅពេលខាងមុខ៕
ចែករំលែកព័តមាននេះ