ក្រុងប៉ោយប៉ែត ៖ ម្ចាស់ហាងម៉ាស្សាកោសជប់យីហោ «ស្រីមួយ» ស្ថិតក្នុងភូមិបាលិលេយ្យ សង្កាត់ប៉ោយប៉ែត ត្រូវបានគេដាក់ថ្នាំសណ្តំយកលុយ និងគ្រឿងអលង្ការអស់ពីខ្លួនកាលពីយប់ថ្ងៃទី២៤ សីហា ។
ក្រុងប៉ោយប៉ែត ៖ ម្ចាស់ហាងម៉ាស្សាកោសជប់យីហោ «ស្រីមួយ» ស្ថិតក្នុងភូមិបាលិលេយ្យ សង្កាត់ប៉ោយប៉ែត ត្រូវបានគេដាក់ថ្នាំសណ្តំយកលុយ និងគ្រឿងអលង្ការអស់ពីខ្លួនកាលពីយប់ថ្ងៃទី២៤ សីហា ។
បើតាមការឱ្យដឹងពីម្ចាស់ហាងខាងលើឈ្មោះស្រីមួយ អាយុ៤១ឆ្នាំ ថា ខ្លួនត្រូវចោរដាក់ថ្នាំសណ្តំយកលុយ និងគ្រឿងអលង្ការរួមមានប្រាក់ខ្មែរចំនួន១លានរៀល ប្រាក់អាមេរិកជិត២ពាន់ដុល្លារ មាស១តម្លឹង និងប្លាទីន២តម្លឹង ព្រមទាំងទូរស័ព្ទដៃ២គ្រឿង ។ មុនពេលកើតហេតុ ខ្លួននិងកូនចៅបានផឹកស៊ីជាមួយបុរសម្នាក់ដែលទើបតែស្គាល់គ្នា៣ថ្ងៃមុន ដោយបុរសនោះបានទិញស្រាបៀរ១កេសមកផឹកជុំគ្នា។ ការផឹកសីុចាប់ផ្តើមតាំងពីព្រលប់រហូតដល់ម៉ោងប្រហែល១០យប់ ក៏ស្រវឹងរៀងខ្លួននិងបាត់បង់ស្មារតីដោយពុំដឹងថា បុរសនោះដាក់ថ្នាំទេ។ លុះដល់ម៉ោងជិត៥ទៀបភ្លឺទើបដឹងខ្លួនក៏បានឃើញទ្វារហាងម៉ាស្សាចំហ និងបាត់បុរសនោះមិនដឹងទៅណាដោយមានការសង្ស័យខ្លួនក៏ចូលមើលក្នុងបន្ទប់ស្រាប់តែបាត់លុយ និងគ្រឿងអលង្ការអស់រលីងតែម្តង។
ម្ចាស់ហាងម៉ាស្សារូបនេះនិយាយថា ខ្លួននិងបុរសនោះ ទើបតែស្គាល់គ្នា៣ថ្ងៃតែប៉ុណ្ណោះ ហើយបុរសនោះធ្វើឫកពាហាក់ដូចជាស្រឡាញ់ខ្លួនខ្លាំងណាស់ ហើយមកដល់ពេលនេះខ្លួនកំពុងទទួលការសង្គ្រោះពីគ្រូពេទ្យដោយដាក់សេរ៉ូមនៅឡើយទេ។ ឯអ្នកផ្សេងក៏បានអះអាងថា ពួកខ្លួនក៏បាត់បង់ស្មារតីដែរ ទំនងជាបុរសនោះដាក់ថ្នាំសណ្តំក្នុងស្រាបៀរ។
បើតាមការឱ្យដឹងពីលោកអនុសេនីយ៍ទោ គង់ គួន នាយប៉ុស្តិ៍រដ្ឋបាលនគរបាលសង្កាត់ប៉ោយប៉ែត បានប្រាប់តាមទូរស័ព្ទថា បញ្ហានេះ លោកកំពុងស្រាវជ្រាវនៅឡើយ ។ លោកនាយប៉ុស្តិ៍បន្តថា ការដឹងបាត់ទ្រព្យសម្បត្តិនោះ គឺនៅវេលាម៉ោងប្រហែល១រំលងអធ្រាត្រចូលថ្ងៃទី២៥ សីហា ខណៈស្ត្រីបម្រើនៅហាងខាងលើឈ្មោះវ័ន្ត បានដឹងខ្លួនមុនគេតាមរយៈការរោទ៍ទូរស័ព្ទរបស់ស្ត្រីម្នាក់ទៀត។ ពេលឮសំឡេងរោទ៍ដោយគ្មានអ្នកទទួលក៏ក្រោកមើល ស្រាប់តែឃើញទ្វារហាងចំហ និងបាត់ម៉ូតូ C125 ស៊េរីឆ្នាំ២០១១ របស់បុរសនោះស្ត្រីនោះក៏ស្ទុះទៅមើលក្នុងបន្ទប់ម្ចាស់ហាង ទើបដឹងថា គេដាក់ថ្នាំយកលុយ និងគ្រឿងអលង្ការអស់។ ទោះបីជាបែបណា លោកនាយប៉ុស្តិ៍ប្រាប់ថា ខាងលោកក៏ពុំទាន់ជឿទាំងស្រុងនៅឡើយទេ ចំពោះលុយនិងគ្រឿងអលង្ការដែលម្ចាស់ហាងអះអាងថា បាត់អស់ច្រើននោះ។ លោកមេប៉ុស្តិ៍ប្រាប់ថា ក្នុងហាងនោះគេផឹកស៊ីច្រៀងខារ៉ាអូខេ និងរាំរែករហូតដល់ម៉ោងជិត១២យប់ទើបសម្រាក៕
ចែករំលែកព័តមាននេះ