ខេត្តកំពង់ឆ្នាំង ៖ មានការភ្ញាក់ផ្អើលមួយនៅវេលាម៉ោង៦ និង៣០នាទីយប់ថ្ងៃទី៨ ខែកក្កដា ឆ្នាំ២០២៥ ស្ថិតនៅភូមិព្រៃពីស ឃុំឈូកស ស្រុកកំពង់ត្រឡាច ដោយប្រជាពលរដ្ឋបានប្រទះឃើញសពបុរសម្នាក់ធុំក្លិនស្អុយរលួយទៅហើយ…
ខេត្តកំពង់ឆ្នាំង ៖ មានការភ្ញាក់ផ្អើលមួយនៅវេលាម៉ោង៦ និង៣០នាទីយប់ថ្ងៃទី៨ ខែកក្កដា ឆ្នាំ២០២៥ ស្ថិតនៅភូមិព្រៃពីស ឃុំឈូកស ស្រុកកំពង់ត្រឡាច ដោយប្រជាពលរដ្ឋបានប្រទះឃើញសពបុរសម្នាក់ធុំក្លិនស្អុយរលួយទៅហើយ ។ ក្រោយពេលប្រទះឃើញ សមត្ថកិច្ចបានព័ទ្ធខ្សែដើម្បីរង់ចាំព្រឹកឡើងពិនិត្យធ្វើកោសល្យវិច្ច័យ ។
សមត្ថកិច្ចនគរបាលស្រុកកំពង់ត្រឡាចបានបញ្ជាក់តាមទូរស័ព្ទថា នៅព្រឹកថ្ងៃទី៩ ខែកក្កដានេះថា ក្រោយពេលពិនិត្យលើសាកសពឃើញមានអត្តសញ្ញាណប័ណ្ណជាប់ខ្លួនដែលមានឈ្មោះ ឡោម ធូ មានស្រុកកំណើតនៅភូមិទ្រាស ឃុំទ្រាស ស្រុកស្វាយចេកអាស័យដ្ឋានបច្ចុប្បន្ន នៅភូមិតេជោភ្នំឆ័ត្រ ស្រុកស្វាយចេក ខេត្តបន្ទាយមានជ័យ ។
សមត្ថកិច្ចបានបញ្ជូនព័ត៌មានទៅក្រុមគ្រួសារនៅឯខេត្តបន្ទាយមានជ័យ ហើយកំពុងតែធ្វើដំណើរមកទទួលយកសពទៅធ្វើបុណ្យតាមប្រពៃណី ។ បើតាមការបញ្ជាក់របស់ក្រុមគ្រួសារដែលបានបញ្ជាក់ប្រាប់នគរបាលស្រុកកំពង់ត្រឡាចថាជនរងគ្រោះមានប្រពន្ធធ្វើការនៅរាជធានីភ្នំពេញ ។
ជនរងគ្រោះធ្លាប់ធ្វើការនៅឯប្រទេសថៃបានត្រឡប់មកប្រទេសកម្ពុជាវិញ ជាមនុស្សញៀនថ្នាំ និងធ្លាប់ឡើងបង្គោលខ្សែភ្លើង ដូចមនុស្សបែកថ្នាំ ។ កាលពីជាង៣ខែមុន បានសុំលុយប្រពន្ធនៅរាជធានីភ្នំពេញ៥ម៉ឺនថា ត្រឡប់ទៅផ្ទះម្ដាយនៅឯខេត្តបន្ទាយមានជ័យ ហើយក៏បាត់រហូត ។ ទោះបីប្រពន្ធទូរសព្ទទៅខាងផ្ទះម្ដាយនៅឯខេត្តបន្ទាយមានជ័យ ក៏មិនទទួលដំណឹងដែរ ។ តាមការពិនិត្យស្ថានភាពសពបានស្លាប់ប្រមាណ៣ខែមកហើយ អាចស្លាប់ដោយសារខ្យល់គ។
ចែករំលែកព័តមាននេះ