រាជធានីភ្នំពេញ ៖ ដើមក្ងោក ១ដើមពុកផុយឬសហើយដួលរលំទាំងជំហរកាត់ទទឹងផ្លូវសង្កត់លើរ៉ឺម៉កម៉ូតូចំនួន ២គ្រឿងតែសំណាងល្អពុំបណ្ដាលឱ្យមនុស្សរងរបួសឡើយ។ ការបាក់រលំដើមឈើសង្កត់រ៉ឺម៉ក់ម៉ូតូនេះបាន កើតឡើងកាលពីវេលាម៉ោង១និង១៥ នាទីរសៀលថ្ងៃទី ៩ខែកក្កដាឆ្នាំ២០២៥ នៅតាមបណ្ដោយផ្លូវ…
រាជធានីភ្នំពេញ ៖ ដើមក្ងោក ១ដើមពុកផុយឬសហើយដួលរលំទាំងជំហរកាត់ទទឹងផ្លូវសង្កត់លើរ៉ឺម៉កម៉ូតូចំនួន ២គ្រឿងតែសំណាងល្អពុំបណ្ដាលឱ្យមនុស្សរងរបួសឡើយ។
ការបាក់រលំដើមឈើសង្កត់រ៉ឺម៉ក់ម៉ូតូនេះបាន កើតឡើងកាលពីវេលាម៉ោង១និង១៥ នាទីរសៀលថ្ងៃទី ៩ខែកក្កដាឆ្នាំ២០២៥ នៅតាមបណ្ដោយផ្លូវ ២៧១ មុខវិទ្យាល័យជា ស៊ីម សាមគ្គី ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
តាមព័ត៌មានដែលដឹងថា នៅវេលារសៀលថ្ងៃទី៩ខែកក្កដាឆ្នាំ២០២៥ខណៈពេលដែលរ៉ឺម៉កដូងមួយគ្រឿងមកឈប់លក់ នៅក្រោមដើមក្ងោកខាងលើស្រាប់តែដើមក្ងោកមួយដើមទំហំប៉ុនខ្លួនមនុស្សចាស់និងខ្ពស់ត្រដែតបានរលើងទាំងឬសដួលរលំ ស្កាត់លើផ្លូវសង្កត់រ៉ឺម៉កដូងចំផ្នែកខាងចុង។ស្របពេលនោះដែរមានរ៉ឺម៉កម៉ូតូមួយគ្រឿងទៀតធ្វើដំណើរក្នុងទិសដៅពីត្បូងទៅជើងមកដល់ត្រូវបានដើមឈើសង្កត់ផងដែរ។នៅក្នុងហេតុការណ៍គ្រោះថ្នាក់នេះពុំបណ្ដាលឲ្យមនុស្សរងរបួសឡើយគ្រាន់តែបណ្ដាលឲ្យរ៉ឺម៉ក់ម៉ូតូចំនួន ២ គ្រឿងបានរងការខូចខាតតែប៉ុណ្ណោះ។
តាមព័ត៌មានឲ្យដឹងទៀតថា ដើមឈើមួយដើមនោះបានពុកផុយឬសហើយនៅពេលខ្យល់បោកបក់តែមិនខ្លាំងនោះទេ ស្រាប់តែបាក់រលំស្កាត់ផ្លូវ២៧១ទាំងកណ្ដាលថ្ងៃតែម្ដង ។ បន្ទាប់ពីដួលរលំ លោកគ្រូវិទ្យាល័យជាស៊ីម សាមគ្គី និងអាជ្ញាធរសមត្ថកិច្ចប៉ុស្តិ៍បឹងសាឡាង ក៏បាននាំគ្នាមកកាប់មែកឈើដើម្បីសម្រួលចរាចរណ៍ឡើងវិញ ៕
ចែករំលែកព័តមាននេះ