ខេត្តកំពង់ស្ពឺ៖ កាំភ្លើងវែងចំនួន០៣ដើមនិងគ្រាប់ចំនួន៤០គ្រាប់ត្រូវបានប្រជាពលរដ្ឋប្រទះឃើញ យកទៅប្រគល់ជូនសមត្ថកិច្ច ខណៈដែលកំពុងតែកាប់ឆ្ការព្រៃក្នុងចំការដូងមួយកន្លែងក្បែរជើងភ្នំ។ សមត្ថកិច្ចស្រុកសំរោងទងបាននិយាយឱ្យដឹងថា ការប្រទះឃើញកាំភ្លើង០៣ដើមនិងគ្រាប់៤០គ្រាប់ គឺកាលពីវេលាម៉ោង៩និង៣០នាទីព្រឹកថ្ងៃទី៣១ ខែតុលា ឆ្នាំ២០២៥ ឈ្មោះ…
ខេត្តកំពង់ស្ពឺ៖ កាំភ្លើងវែងចំនួន០៣ដើមនិងគ្រាប់ចំនួន៤០គ្រាប់ត្រូវបានប្រជាពលរដ្ឋប្រទះឃើញ យកទៅប្រគល់ជូនសមត្ថកិច្ច ខណៈដែលកំពុងតែកាប់ឆ្ការព្រៃក្នុងចំការដូងមួយកន្លែងក្បែរជើងភ្នំ។
សមត្ថកិច្ចស្រុកសំរោងទងបាននិយាយឱ្យដឹងថា ការប្រទះឃើញកាំភ្លើង០៣ដើមនិងគ្រាប់៤០គ្រាប់ គឺកាលពីវេលាម៉ោង៩និង៣០នាទីព្រឹកថ្ងៃទី៣១ ខែតុលា ឆ្នាំ២០២៥ ឈ្មោះ ហេង សារ៉ុន ភេទប្រុស អាយុ៤៤ឆ្នាំ រស់នៅក្នុងភូមិតាំងគម្ពី ឃុំទំព័រមាស ស្រុកសំរោងទង ខេត្តកំពង់ស្ពឺ បាន
ទៅកាប់ឆ្ការសំអាតចំការដូងរបស់ខ្លួនចំណុចភ្នំវែង ខាងជើងភូមិប្រជៀវបាតចម្ងាយប្រហែល៤០០០ម៉ែត្រ ស្ថិតនៅក្នុងភូមិប្រជៀវបាត ឃុំទំព័រមាស ស្រុកសំរោងទង ខេត្តកំពង់ស្ពឺ។
សមត្ថកិច្ចស្រុកសំរោងទងបាននិយាយបន្តថា ការប្រទះឃើញអាវុចំនួន០៣ដើមនោះ មានទី១~ អាវុធម៉ាកM16 ចំនួន០១ដើម បង់១ និងគ្រាប់ចំនួន១៩គ្រាប់ អាវុធទី២~ម៉ាកAK47ចំនួន០១ដើម បង់០២ និងគ្រាប់ចំនួន២១គ្រាប់ និងអាវុធទី០៣~ ម៉ាកCKCចំនួន០១ដើមខូច។
សមត្ថកិច្ចស្រុកសំរោងទងបានបញ្ជាក់ថា កាលពីវេលាម៉ោង១១និង១៥នាទីព្រឹកថ្ងៃទី០១ ខែតុលា ឆ្នាំ២០២៥ ឈ្មោះ ហេង សារ៉ុន បានមកបំភ្លឺនិងប្រគល់អាវុធឱ្យសមត្តកិច្ច ប៉ុស្តិ៍នគរបាលរដ្ឋបាលឃុំទំព័រមាស ស្រុកសំរោងទង ខេត្តកំពង់ស្ពឺ ដើម្បីធ្វើការស្រាវជ្រាវ នឹងយកទៅប្រគល់ជូនស៊ីម៉ាក់បន្តទៀតផងដែរ៕
ចែករំលែកព័តមាននេះ