អាន ហ៊ុនស៊ូ ម្ចាស់មេដាយមាសអូឡាំពិករត់ប្រណាំងលើទឹកកក៣ជំនាន់របស់ប្រទេសកូរ៉េខាងត្បូងដែលបច្ចុប្បន្នកំពុងហ្វឹកហាត់នៅទីក្រុងមូស្គូកំពុងតែស្វះស្វែងដាក់ពាក្យសុំចូលសញ្ជាតិរុស្ស៊ីដើម្បីបានចូលក្នុងក្រុមអូឡាំពិករបស់ប្រទេសរុស្ស៊ី។ យោងតាមសហព័ន្ធកីឡារត់ប្រណាំងលើស្គីរបស់ប្រទេសរុស្ស៊ីឲ្យដឹងថា ប្រសិនជាកីឡាករហ៊ុនស៊ូ
អាន ហ៊ុនស៊ូ ម្ចាស់មេដាយមាសអូឡាំពិករត់ប្រណាំងលើទឹកកក៣ជំនាន់របស់ប្រទេសកូរ៉េខាងត្បូងដែលបច្ចុប្បន្នកំពុងហ្វឹកហាត់នៅទីក្រុងមូស្គូកំពុងតែស្វះស្វែងដាក់ពាក្យសុំចូលសញ្ជាតិរុស្ស៊ីដើម្បីបានចូលក្នុងក្រុមអូឡាំពិករបស់ប្រទេសរុស្ស៊ី។ យោងតាមសហព័ន្ធកីឡារត់ប្រណាំងលើស្គីរបស់ប្រទេសរុស្ស៊ីឲ្យដឹងថា ប្រសិនជាកីឡាករហ៊ុនស៊ូមានសញ្ជាតិរុស្ស៊ីរូបគេអាចនឹងត្រូវបានគេជ្រើសរើសចូលប្រកួតក្នុងព្រឹត្តិការណ៍អូឡាំពិករដូវរងាឆ្នាំ២០១៤នៅក្រុងសូជីនាពេលខាងមុខ។
តាមលោកអាឡេសី ក្រាវសូវប្រធានសហព័ន្ធកីឡារត់ប្រណាំងលើស្គីរបស់ប្រទេសរុស្ស៊ីឲ្យដឹងថា កីឡាករហ៊ុនស៊ូនឹងទទួលបានកិច្ចសន្យាផ្លូវការមួយពីសហព័ន្ធក្នុងខណៈដែលគេទទួលបានលិខិតឆ្លងដែលជាជនជាតិរុស្ស៊ី។ កីឡាកររូបនេះត្រូវតែលាសញ្ជាតិកូរ៉េខាងត្បូងរបស់ខ្លួន និងរស់នៅក្នុងប្រទេសរុស្ស៊ីបើទោះជាព្រឹត្តិការណ៍ប្រកួតអូឡាំពិកឆ្នាំ២០១៤ បញ្ចប់ហើយក៏ដោយ ។ បន្ថែមពីលើនេះទៀតកីឡាករវ័យ២៥ឆ្នាំរូបនេះត្រូវតែរៀនភាសារុស្ស៊ីនិងអាចប្រកបមុខរបរអាជីពរបស់ខ្លួនដូចអ្នកធម្មតានៅរុស្ស៊ី។
កីឡាករអាន ហ៊ុនស៊ូកើតនៅទីក្រុងសេអ៊ូលប្រទេសកូរ៉េខាងត្បូងនាឆ្នាំ១៩៨៥។ គេធ្លាប់ឈ្នះបានមេដាយមាសអូឡាំពិករដូវរងាឆ្នាំ២០០៦នៅទីក្រុងទូរីនប្រទេសអ៊ីតាលីចំនួន៣គ្រឿង។ ពីឆ្នាំ២០០៣ដល់ឆ្នាំ២០០៧ គេបានក្លាយជាជើងឯកពិភពលោក និងបានគ្រប់គ្រងតំណែងនេះ៥សម័យកាល ប៉ុន្តែដោយសាររបួសក្បាលជង្គង់កាលពីឆ្នាំ២០០៨ រូបគេបង្ខំចិត្តដកខ្លួនមិនទៅចូលរួមក្នុងការប្រកួតអូឡាំពិកក្រុងវែនខូវើរប្រទេសកាណាដាក្នុងឆ្នាំ២០១០ ។ កីឡាករហ៊ុនស៊ូបានមកកាន់ប្រទេសរុស្ស៊ីកាលពីខែមិថុនាឆ្នាំ២០១១នេះ ៕
ចែករំលែកព័តមាននេះ