ក្រុមហ៊ុនសិល្បៈមួយរបស់ម៉ិកស៊ិកសង្ឃឹមថាខ្លួននឹងអាចនាំយកព្រឹត្តិការណ៍ប្រណាំងរថយន្តហ្វមមូឡាវ័នត្រឡប់ទៅប្រទេសម៉ិកស៊ិកវិញបន្ទាប់ពីបានអវត្តមានអស់ពីទសវត្សមកហើយនោះ។ ការចាយអស់ប្រាក់ច្រើនក្នុងការរៀបចំការប្រណាំងម្តងៗបានធ្វើឲ្យព្រឹត្តិការណ៍ប្រណាំងរថយន្តប្រភេទហ្វមមូឡាវ័នបាត់មុខពីប្រទេសម៉ិកស៊ិកអស់២០ឆ្នាំ ។
ក្រុមហ៊ុនសិល្បៈមួយរបស់ម៉ិកស៊ិកសង្ឃឹមថាខ្លួននឹងអាចនាំយកព្រឹត្តិការណ៍ប្រណាំងរថយន្តហ្វមមូឡាវ័នត្រឡប់ទៅប្រទេសម៉ិកស៊ិកវិញបន្ទាប់ពីបានអវត្តមានអស់ពីទសវត្សមកហើយនោះ។ ការចាយអស់ប្រាក់ច្រើនក្នុងការរៀបចំការប្រណាំងម្តងៗបានធ្វើឲ្យព្រឹត្តិការណ៍ប្រណាំងរថយន្តប្រភេទហ្វមមូឡាវ័នបាត់មុខពីប្រទេសម៉ិកស៊ិកអស់២០ឆ្នាំ ។
លោកកាឡូស ស្ល៊ឹមដូមីតដែលជាកំពូលអ្នកមានប្រាក់នៅម៉ិកស៊ិកកំពុងតែសហការគ្នាជាមួយក្រុមហ៊ុនក្នុងស្រុកមួយឈ្មោះCIEដើម្បីពិនិត្យមើលលទ្ធភាពនាំយកការប្រណាំងមកវិញ។ លោកបាននិយាយថា ទីលានប្រណាំងHerma-nos Rodriguezដែលស្ថិតនៅភាគខាងកើតទីក្រុងម៉ិកស៊ីកីគឺជាកន្លែងដ៏ស័ក្តិសមបំផុតសម្រាប់ទទួលហ្វមមូឡាវ័នក្នុងថ្ងៃខាងមុខ។ បច្ចុប្បនHermanos Rodriguezត្រូវបានប្រើជាកន្លែងប្រគំតន្ត្រីឬក៏ប្រកួតកីឡាបេសបល។ ដើម្បីកែប្រែHermanos Rodriguezឱ្យត្រូវនឹងស្តង់ដារបស់ហ្វមមូឡាវ័នគេត្រូវការវិនិយោគទុនយ៉ាងធំមួយ ។
ប្រទេសម៉ិកស៊ិកពីអតីតកាលធ្លាប់បានរៀបចំការប្រណាំងហ្វមមូឡាវ័នចំនួន១៥លើក។ លើកទី១គឺចាប់ពីឆ្នាំ ១៩៦៣ដល់ឆ្នាំ១៩៧០និងលើកទី២ចាប់ពីឆ្នាំ១៩៨៦ដល់ឆ្នាំ១៩៩២ ។ ការប្រណាំងនាពេលនោះត្រូវបានរៀបចំធ្វើនៅទីលានHermanos Rodriguez។
ការប្រណាំងរថយន្តប្រភេទហ្វមមូឡាវ័នគឺជាកីឡាមួយប្រភេទក្នុងចំណោមកីឡាដទៃដែលមានមនុស្សមើលច្រើនបំផុតក្នុងពិភពលោក។ ការប្រណាំងនេះមានការចាយលុយរាប់លានដុល្លារលើកុងត្រាផ្សាយពាណិជ្ជកម្មនិងការជួយឧបត្ថម្ភ។ នៅអាមេរិកឡាទីន គឺមានតែប្រទេសប្រេស៊ីលតែមួយប៉ុណ្ណោះដែលមានការប្រណាំងហ្វមមូឡាវ័ន។
ចំណែកលោកហ្សង់ តូដប្រធានសហព័ន្ធកីឡាប្រណាំងរថយន្តអន្តរជាតិ FIAបានព្រលយ ពាក្យថា ហ្វមមូឡាវ័នអាចនឹងត្រឡប់ទៅប្រទេសម៉ិកស៊ិកវិញ ប៉ុន្តែមិនបានផ្តល់ព័ត៌មានពិស្តារឡើយ ។ ថ្លែងក្នុងសន្និសីទកាសែតមួយកាលពីសប្តាហ៍មុននៅទីក្រុងម៉ិកស៊ីកូ លោកតូដបានបញ្ជាក់ថា៖«សព្វថ្ងៃនេះម៉ិកស៊ិកមានសេដ្ឋកិច្ចរឹងមាំ ហើយខ្ញុំជឿថា ទៅថ្ងៃអនាគតរឿងនេះពិតជាអាចធ្វើទៅបាន។ យើងដឹងថា រាល់ការប្រណាំងគឺសុទ្ធតែប្រើប្រាស់អស់ប្រាក់ច្រើន »៕
ចែករំលែកព័តមាននេះ