ខេត្តបន្ទាយមានជ័យ ៖ យុវជនឡើងកម្នាក់អាយុ១៦ឆ្នាំ ត្រូវបានកម្លាំងនគរបាលព្រហ្មទណ្ឌកម្រិតធ្ងន់រៀបចំសំណុំរឿង បញ្ជូនទៅកាន់សាលាដំបូងខេត្តនៅព្រឹកថ្ងៃទី២៥ សីហា ដោយជាប់ចោទពីបទចាប់រំលោភកុមារីអាយុ៥ឆ្នាំ បានសម្រេច។
ខេត្តបន្ទាយមានជ័យ ៖ យុវជនឡើងកម្នាក់អាយុ១៦ឆ្នាំ ត្រូវបានកម្លាំងនគរបាលព្រហ្មទណ្ឌកម្រិតធ្ងន់រៀបចំសំណុំរឿងបញ្ជូនទៅកាន់សាលាដំបូងខេត្តនៅព្រឹកថ្ងៃទី២៥ សីហា ដោយជាប់ចោទពីបទចាប់រំលោភកុមារីអាយុ៥ឆ្នាំ បានសម្រេច។
លោកវរសេនីយ៍ត្រីអ៊ុន សំអន នាយការិយាល័យនគរបាលព្រហ្មទណ្ឌកម្រិតធ្ងន់បានប្រាប់ថា កាលពីវេលាម៉ោង២និង៣០នាទីរសៀលថ្ងៃទី២១ សីហា ឆ្នាំ២០១១ នៅសង្កាត់កំពង់ស្វាយ ក្រុងសិរីសោភ័ណ មានករណីចាប់កុមារីអាយុ៥ឆ្នាំរំលោភសេពសន្ថវៈរហូតបានសម្រេចបង្កឡើងដោយយុវជនឡើងកម្នាក់ឈ្មោះវ៉ន បូរ៉ា អាយុ១៦ឆ្នាំ។ ក្រោយពីទទួលបានបណ្តឹងពីអាណាព្យាបាលកុមារីរងគ្រោះ កម្លាំងនគរបាលក្រុងសិរីសោភ័ណបានចុះទៅឃាត់ខ្លួនយុវជនជាប់ចោទឈ្មោះវ៉ន បូរ៉ា មកសាកសួរចម្លើយ និងរៀបចំសំណុំរឿងបញ្ជូនទៅកាន់ស្នងការដ្ឋាននគរបាលខេត្តដើម្បីចាត់ការបន្ត។
លោកនាយការិយាល័យរូបនោះបានបន្តថា នៅចំពោះមុខសមត្ថកិច្ចយុវជនស្ទាវឡើងករូបនេះបានសារភាពថា ខ្លួនពិតជាបានហៅកុមារីរងគ្រោះឱ្យចូលទៅក្នុងបន្ទប់ ខណៈពេលឃើញនាងដើរលេងម្នាក់ឯងក្នុងគោលបំណងចាប់នាងរំលោភសេពសន្ថវៈ។ ប៉ុន្តែពេលដែលខ្លួនចាប់នាងរំលោភស្រាប់តែនាងស្រែកយំពេលនោះខ្លួនក៏លែងនាងឱ្យមកផ្ទះវិញ ទើបបំណងរបស់ខ្លួនមិនបានសម្រេច។
លោកវរសេនីយ៍ត្រីអ៊ុន សំអន បញ្ជាក់ថា ចម្លើយយុវជនសង្ស័យឈ្មោះវ៉ន បូរ៉ានេះនៅមានការលាក់លៀមពីការពិតមួយចំនួន ប៉ុន្តែជនសង្ស័យក៏បានសារភាពលើចំណុចមួយចំនួនទាក់ទងនឹងទង្វើរបស់ខ្លួនដែលបានប្រព្រឹត្តទៅលើកុមារីនោះ៕
ចែករំលែកព័តមាននេះ